२ सामुएल 19:43 - Sunuwar Bible

⁴³ मिनु इस्राएल ङा मुरपुकीम यहूदा ङा मुर आन कली “पिप इन क्‍येङा १० खेयप शुश आंइ पिप बाक्‍ब। गे मारदे आइक्‍च सेल्‍नीनी? पिप दाऊद कली लेश्‍शा चाक्‍‍ता, दे गोपुकीम ङोंइती देंशो बाक्‍नीकी, मेको मप्रेंदीन” देंमा बाक्‍त। तन्‍न इस्राएल ङा मुर क्‍येङा यहूदा ङा मुरपुकीमी ठेयब लोव़ पामे बाक्‍त। २सामुएल १९:१०-११

२ सामुएल 19:43 ပူးပေါင်းရင်းမြစ်များ

२ सामुएल 19:14

मिनु आमासामी यहूदा ङा मुर नेल्‍लेमी “दाऊद कली ब्रेत्‍चा माल्‍ब” दे थुं का सेला बाक्‍त। मिनु मेकोपुकीम पिप कली “गे नु इन गेय पाइब नेल्‍ल नु लेश्‍शा जाक्‍कीन” दे लोव़ सोइक्‍तमे बाक्‍त।

२ सामुएल 19:9

इस्राएल ङा थर नेल्‍ल ङा मुरुम आंम आंम लोव़ पा “पिपमी आंइ कली आंइ जोरी सत्रु रे प्रोंइतु। पलिस्‍ती आन गुइ रे यो प्रोंइतु। मुल अब्‍सालोमम पतीके आंम रागी रे प्रोक्‍शा गाक्‍शो बाक्‍ब।

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

२ सामुएल 20:6

मिनु दाऊदमी अबीशै कली “अब्‍सालोम क्‍येङा बिक्री आ तौ शेबामी इं कली शुश श्‍येत गेब। पिप आ गेय पाइब आन कली लाइश्‍शा, मेको कली खेदा पावो। मेको गारो हिरशो सहरम ओव़त हना, इं गुइ रे ब्रोंइब” दे मदा बाक्‍त।

२ सामुएल 5:1

मिनु नोले इस्राएल आ थर ङा मुर नेल्‍ल दाऊद आ बाक्‍तीक हेब्रोनम जाक्‍शा, मेको कली “गो इन हुश नकी।

१ राजा 12:16

मिनु इस्राएली नेल्‍लेमी पिपम मेको आन लोव़ मनेंशो तुइश्‍शा, मेकोपुकीम पिप कली “दाऊद नु आंइ के ततीक मार बाक्‍बा ङा? येस्‍से आ तौ नु आंइ के ततीक मारेइ मबाक्‍ब। इस्राएली, आंम आंम खिं लेतीन। दाऊद गे आंम थुती थाती पांइसो” देंमा बाक्‍त। मोपतीके इस्राएली आन आन खिं लेम्‍मा बाक्‍त। २सामुएल २०:१

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 18:19

थुं खाइक्‍पाइश्‍शो लोक्‍ब कली लेम्‍चा गारो हिरशो सहर ग्राचा क्‍येङा श्‍येत बाक्‍ब। मुर आन जितीक खेतीके बोल्‍यो खिं ङा आग्‍लो खोदेंशो बाक्‍ब।

रोमी 12:21

मरिम्‍शोमी रिम्‍शो कली लाक्‍चा मगेव। रिम्‍शोमी मरिम्‍शो कली ग्रापतो।

गलाती 5:15

गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। याकूब ४:२

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

गलाती 5:26

मोपतीके ठेयब मसेल्‍सीय, मगाइक्‍मुय अरु आन कली रिम्‍शो दुम्‍शो तशा गेहे मपय। फिलिप्‍पी २:३

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

याकूब 1:20

चुरब मुरुमी परमप्रभु आ ठीक पतीके मपाइब।

न्‍यायाधीस 8:1

मिनु एफ्राइम आ थर ङा मुरपुकीमी गिदोन कली “मारदे आंइ कली ओदेंशो पाइनीनी? मिदयान ङा मुरपुकी नु लडाइ पथ लनीनु, मारदे आंइ कली मब्रेन्‍नी?” देंमा बाक्‍त। मिनु गिदोन कली शुश दोस गेशा जिचा तोव़मे बाक्‍त।

न्‍यायाधीस 9:23

मेना परमप्रभुमी अबीमेलेक नु शेकेम ङा ठेयब मुर आन दातेमी जिपाइक्‍चा कली मरिम्‍शो जि‍पाइक्‍ब वोल का सोइक्‍ता बाक्‍त। मिनु शेकेम ङा ठेयब मुरपुकीमी मेको कली जोल पा मरिम्‍शो पामे बाक्‍त। १सामुएल १६:१४; १सामुएल १८:१०; १सामुएल १९:९