२ सामुएल 19:28 - Sunuwar Bible

²⁸ आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७

२ सामुएल 19:28 ပူးပေါင်းရင်းမြစ်များ

उत्पत्ती 32:10

गो, इन गेय पाइब आं कली पशो गेना हना यो दाक्‍तीक नु इन रिम्‍शो पचा मप्रोंइतीके मशिरनुङ। गो कोक्‍के का ला कुरशा, यर्दन खोला शोक्‍शा लशो नङ। मुल आं के हुल निक्‍शी दुम्‍शो बाक्‍नीम। २सामुएल ७:१८

२ सामुएल 14:17

मिनु इन वाइलीम, आं प्रभु, आं पिप, आ लोव़म आं थुं नाइक्‍चा गेब। मारदे हना गे, आं प्रभु पिप, परमप्रभु आ स्‍वर्ग ङा गेय पाइब खोदेंशो बाक्‍नीनी। रिम्‍शो नु मरिम्‍शो तिल्‍ब बाक्‍नीनी। परमप्रभु यावे, इन परमप्रभु गे नु बाक्‍ब” देंमाक्‍त। २सामुएल १९:२८; १सामुएल २९:९

२ सामुएल 14:20

योआबमी इन थुं ङा मिम्‍शो गेय फाइक्‍चा कली मोदेंशो पपाइक्‍ती। तन्‍न गे, आं प्रभु, परमप्रभु आ स्‍वर्ग ङा गेय पाइब खोदेंशो पा रुप्‍तीक थुं पाइश्‍शो बाक्‍नीनी। रागीम मार दुम्‍शो बाक्‍बा, मेको नेल्‍ल तुइक्‍नीनी” देंमाक्‍त। २सामुएल १४:१७

२ सामुएल 15:26

तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

२ सामुएल 16:3

मिनु पिपमी “इ होव़प आ तौ ते बाक्‍म” दे हिल्‍लो पवा बाक्‍त। मिनु सीबाम “मेको यरूसलेममीन बाक्‍शो बाक्‍ब। मेकोमी ‘मुलाक्‍ती इस्राएलीपुकीम आ बाजे आ राज्‍य लेश्‍शा गेनीम’ दे रिम्‍शा बाक्‍शो बाक्‍ब” देंमाक्‍त। २सामुएल १९:२५-३१

२ सामुएल 19:29

मिनु पिपमी “मुल दुम्‍त। सीबा नु गे रू योक्‍सीस, देंती” देंमाक्‍त। २सामुएल ९:९-१०; २सामुएल १६:३-४

२ सामुएल 9:10

गे, इ तौपुकी नु इ गेय पाइब नेल्‍लेमी मेको आ रूम गेय पचा माल्‍नीनी। मिनु गे इ होव़प आ चच आ खिं ङा मुर आन कली गेचा माल्‍नेवे। तन्‍न इ होव़प आ चच मेफी-बोशेथ गेना हना यो गो नु काथा बाक्‍शा जाइ‍ब” दे मदा बाक्‍त। सीबा के १५ जना तौ नु २० जना गेय पाइब बाक्‍मा बाक्‍त।

२ सामुएल 9:13

तन्‍न मेफी-बोशेथ यरूसलेमम बाक्‍माक्‍त। मारदे हना मेकोमी गेना हना यो पिप नु जवा बाक्‍त। मेको आ खोइल निम्‍फा मदुक्‍ब बाक्‍माक्‍त। २सामुएल ९:३

२ राजा 8:3

मिनु ७ बर्स नोले मेको पलिस्‍ती आन रागी रे लेश्‍शा जाक्‍माक्‍त। मिनु मेको आ रू नु खिं लेश्‍शा तचा कली पिप आ बाक्‍तीक लमाक्‍त।

१ सामुएल 26:16

इन पशो मरिम्‍शो बाक्‍ब। परमप्रभु यावे ब्रोंइशा बाक्‍शो खोदेंशो पा गे साइक्‍चा पुंइसीचा ङा बाक्‍नीनी। मारदे हना गे इन प्रभु कली खाल मपनी। परमप्रभु यावे आ तेल लुक्‍शो कली खाल मपनी। लो कोव़ङीन, मेको इन पिप आ पिया गे बाक्‍शो आ तूतीक नु ब्‍वाक्‍कु तूतीक ग्‍योंब ते बाक्‍म?” देंमाक्‍त।