२ सामुएल 19:24 - Sunuwar Bible

²⁴ सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६

२ सामुएल 19:24 ပူးပေါင်းရင်းမြစ်များ

२ सामुएल 12:20

मिनु दाऊद खप रे बोक्‍शा, चिक्‍सीशा, तेल ख्रेक्‍सीशा, अर्को वा फेक्‍से बाक्‍त। मिनु परमप्रभु यावे आ बाक्‍तीक लशा, परमप्रभु यावे कली ठेयब से‍ला बाक्‍त। मिनु नोले खिं जाक्‍शा, जचा थोव़क पुंइशा, जवा बाक्‍त।

२ सामुएल 15:30

तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ सामुएल 16:3

मिनु पिपमी “इ होव़प आ तौ ते बाक्‍म” दे हिल्‍लो पवा बाक्‍त। मिनु सीबाम “मेको यरूसलेममीन बाक्‍शो बाक्‍ब। मेकोमी ‘मुलाक्‍ती इस्राएलीपुकीम आ बाजे आ राज्‍य लेश्‍शा गेनीम’ दे रिम्‍शा बाक्‍शो बाक्‍ब” देंमाक्‍त। २सामुएल १९:२५-३१

२ सामुएल 9:11

मिनु सीबाम पिप कली “आं प्रभु पिप, गो इन गेय पाइबमी इन देंशो खोदेंशो पा नेल्‍ल पाइक्‍नुङ” देंमाक्‍त। मेफी-बोशेथ पिप आ तौ का खोदेंशो पा पिप दाऊद आ खिंम बाक्‍शा, जवा बाक्‍त।

१ राजा 2:8

मिनु गे बाहुरीम ङा बेन्‍यामीन आ थर ङा गेरा आ तौ शिमेइ कली योव़की पावो। मेकोमी गो महा-नाइम लङा नाक्‍त आं कली थाम्‍पा सराप पाइक्‍ती। नोले मेको यर्दन खोलाम आं कली ग्रुम्‍थ जाक्‍त। मिनु मेना गो मेको कली ‘मसाइक्‍नन’ दे परमप्रभु यावे आ नें थिशा कसम जाता। २सामुएल १६:५; २सामुएल १९:१७-२४

प्रस्‍थान 19:10

मिनु परमप्रभु यावेमी मोसा कली “मुलाक्‍ती नु दीसा इस्राएली आन कली गो नु ग्रुम्‍पाइक्‍चा ठीक पावो। आन फेक्‍शो वा मुरपतो। लेवी ११:४४; यहोसु ३:५; अय्‍युब १:५

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

येरमीया 41:5

शेकेम, शिलो नु सामरीया रे आन गाल शोक्रे प्रेक्‍‍शो, आन वा खाक्‍शो नु आन रां चेश्‍शो ८० जना मुरपुकी परमप्रभु यावे आ खिंम अन्‍न चढ़ेचा कली नु धूप चोचा कली जाक्‍तेक्‍म। येरमीया १६:६

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

हिब्रू 13:3

जेल्‍खानम चोक्‍चा पुंइसीशो आन कली काथा बाक्‍शो मिम्‍शा वारच पने। श्‍येत गेचा पुंइसीब आन कली तशा, आंम श्‍येत जशो खोदेंशो मिम्‍तीने। मत्ती २५:३६