२ सामुएल 19:23 - Sunuwar Bible

²³ मिनु पिपमी शिमेइ कली “गे साइक्‍चा मपुंइसीनेवे” देंमाक्‍त। मिनु पिपमी मेको लोव़ थमा सेल्‍चा कली कसम जवा बाक्‍त। १राजा २:८-९

२ सामुएल 19:23 ပူးပေါင်းရင်းမြစ်များ

२ सामुएल 16:10

तन्‍न पिपमी “ए सेरूयाह आ तौ, गे गो नु मगारचा ङा बाक्‍नीसी। परमप्रभु यावेमी मेको कली ‘दाऊद कली सराप पावो’ दे सोइश्‍शो बाक्‍त हना, सुम तेक्‍ने चाप्‍बा ङा?” देंमाक्‍त। २सामुएल १९:१७-२४

२ सामुएल 19:24

सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६

१ राजा 2:37

सहर प्रोंइशा, किद्रोन खोल्‍सा शोक्‍साक्‍वे हना, गे थमा पा साइक्‍चा पुंइसीनेवे। मो पाप्‍तीवी हना, इ हुश आ दोस इ पियामीन मोंइसीब” दे मदा बाक्‍त।

१ राजा 2:46

मिनु पिपमी येहो-यादा आ तौ बेनायाह कली हुकुम गेवा बाक्‍त। मिनु मेको लशा, शिमेइ कली तुप्‍शा सदा बाक्‍त। मिनु मेको बेक्‍माक्‍त। मोपा पिप सोलोमन आ राज्‍य बोल्‍यो दुम्‍माक्‍त।

हिब्रू 6:16

मुरपुकीमी यो कसम जामेनु, आन क्‍येङा ठेयब आ नें थिशा कसम जाइनीम। कसम जशोमी आन लोव़ थमान सेल्‍नीम। प्रस्‍थान २२:१०

१ सामुएल 11:13

तन्‍न सावलमी “ममाइ, मुलाक्‍ती परमप्रभु यावेमी इस्राएली इं कली ग्रापदा नाक्‍त सुइ साइक्‍चा मदुम्‍ब” देंमाक्‍त। १सामुएल १४:४५

१ सामुएल 28:10

मिनु सावलमी परमप्रभु यावे आ नेंम कसम जशा, मेको कली “परमप्रभु यावे ब्रोंइशा बाक्‍शो खोदेंशो पा, गे एको गेय आ पर्बम मारेइ सजाइ मताइनीनी” देंमाक्‍त।

१ सामुएल 30:15

मिनु दाऊदमी “गे आंइ कली लां कोंइशा मेको आन बाक्‍तीके चाक्‍दीन्‍ने चाप्‍नेवे?” देंमाक्‍त। मिनु मेकोमी “गे परमप्रभु आ ङोंइती ‘आं कली मसाइक्‍नीकी नु आं होव़प आ गुइम जिम्‍मा मगेनीकी’ दे कसम जने। मिनु गो लां कोंइशा मेको आन बाक्‍तीक चाक्‍दीत्‍नुङ” देंमाक्‍त।