२ सामुएल 19:20 - Sunuwar Bible

²⁰ मारदे हना गो, इन गेय पाइबम पाप पाता, दे तुइक्‍नुङ। मोपतीके गो योसेफ आ खिं ङा मुर नेल्‍ल आन क्‍येङा ङोंइती आं प्रभु पिप इन कली ग्रुम्‍थ जाक्‍ती” देंमाक्‍त।

२ सामुएल 19:20 ပူးပေါင်းရင်းမြစ်များ

उत्पत्ती 48:14

तन्‍न इस्राएलमी आ गुइ ख्राक्‍शा आ ग्‍युरा गुइ एफ्राइम आ पिया तारी नु आ पेरा गुइ मनस्‍से आ पिया तारी वोदा बाक्‍त। मनस्‍से चहिं योसेफ आ ङोंइती जरमेशो तौ बाक्‍माक्‍त।

उत्पत्ती 48:20

मिनु मेको नाक्‍ती मेको आस कली आसीक गेशा “इस नें थिशा इस्राएलीमी आसीक गेनीम। मेकोपुकीमी ‘परमप्रभुमी इ कली एफ्राइम नु मनस्‍से खोदेंशो सेलल’ दे आसीक गेनीम” देंमाक्‍त। मोपा याकूबमी मनस्‍से क्‍येङा एफ्राइम ङोंइती वोदा बाक्‍त। हिब्रू ११:२१

२ सामुएल 16:5

मिनु पिप दाऊद बाहुरीम सहरम जाक्‍माक्‍त। मिनु मेकेर सावल आ खिं ङा मुर का, गेरा आ तौ शिमेइ ग्रूशा दाऊद कली सराप चीले पना पन पिमाक्‍त।

२ सामुएल 19:21

मिनु सेरूयाह आ तौ अबीशैमी “परमप्रभु यावे आ तेल लुक्‍शो कली सराप पतीके शिमेइ साइक्‍चा मपुंइसीबा ङा?” देंमाक्‍त।

२ सामुएल 19:9

इस्राएल ङा थर नेल्‍ल ङा मुरुम आंम आंम लोव़ पा “पिपमी आंइ कली आंइ जोरी सत्रु रे प्रोंइतु। पलिस्‍ती आन गुइ रे यो प्रोंइतु। मुल अब्‍सालोमम पतीके आंम रागी रे प्रोक्‍शा गाक्‍शो बाक्‍ब।

१ राजा 12:20

मिनु इस्राएली नेल्‍लेमी “येरोबाम लेश्‍शा जाक्‍शो बाक्‍ब” देंशो लोव़ नेंशा, मेको कली ब्रेत्‍थ सोइक्‍तमे बाक्‍त। मिनु मेको कली इस्राएल ङा पिप सेल्‍मे बाक्‍त। यहूदा आ थर ङा मुर ला दाऊद आ खिं ङा मुर आ नोले खोदमे बाक्‍त।

१ राजा 12:25

मेको नोले येरोबाममी एफ्राइम ङा पहाडम बाक्‍शो शेकेम सहर सेला बाक्‍त। मिनु आ रागी बोल्‍यो सेल्‍शा, मेकेर बाक्‍माक्‍त। मेकेर रे लशा मेकोम पेनुएल सहर सेला बाक्‍त।

येरमीया 22:23

लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

होसे 5:3

गो एफ्राइम आ पर्बम नेल्‍ल तुइक्‍नुङ। मिनु इस्राएल यो गो नु ख्रुइक्‍ने मचाप्‍ब। एफ्राइम, गे तेल्‍लेम पतीकेमी ग्रुम्‍शो बाक्‍नेवे। इस्राएल ग्रांग्रा दिचा ङा दुम्‍शो बाक्‍ब। होसे १:२; होसे ६:१०