२ सामुएल 19:18 - Sunuwar Bible

¹⁸ मिनु मेको आइक्‍ची हांबुम लचा कली पिप आ खिं ङा मुर आन कली शोक्‍चा कली नु पिप आ माल्‍शो पचा कली मेकेर जाक्‍मा बाक्‍त। मिनु गेरा आ तौ शिमेइ पिप खोला शोक्‍ची ना पिप आ ङोंइती बाम्‍‍माक्‍त।

२ सामुएल 19:18 ပူးပေါင်းရင်းမြစ်များ

२ सामुएल 19:17

मेको नु हजार का जना बेन्‍यामीन आ थर ङा मुर यो बाक्‍मा बाक्‍त। सावल आ गेय पाइब सीबा यो आ १५ जना तौ नु आ २० जना गेय पाइब नु मेकेर बाक्‍शो बाक्‍माक्‍त। मेकोपुकी पिप आ ङोंइती यर्दन खोलाम जाक्‍दीम्‍मा बाक्‍त। २सामुएल ९:२,१०; २सामुएल १६:१-४

२ सामुएल 19:19

मिनु शिमेइमी पिप कली “आं प्रभु, पिप, गे यरूसलेम प्रोंइची ना आं मरिम्‍शो पशो आ पर्बम दोस मगेथु ममिम्‍तीन।

२ सामुएल 19:30

मिनु मेफी-बोशेथमी पिप कली “नेल्‍ल मेकोम पांइसेक्‍ल। मारदे हना गे आं प्रभु पिप मारेइ मदुम्‍थु खिं लेश्‍शा जाक्‍तीनी” देंमाक्‍त।

२ सामुएल 9:10

गे, इ तौपुकी नु इ गेय पाइब नेल्‍लेमी मेको आ रूम गेय पचा माल्‍नीनी। मिनु गे इ होव़प आ चच आ खिं ङा मुर आन कली गेचा माल्‍नेवे। तन्‍न इ होव़प आ चच मेफी-बोशेथ गेना हना यो गो नु काथा बाक्‍शा जाइ‍ब” दे मदा बाक्‍त। सीबा के १५ जना तौ नु २० जना गेय पाइब बाक्‍मा बाक्‍त।

२ सामुएल 9:2

सावल आ खिं ङा सीबा नें पाइश्‍शो गेय पाइब मुर का बाक्‍माक्‍त। दाऊदम मेको कली ब्रेत्‍थ सोइक्‍ता बाक्‍त। मिनु पिपमी मेको कली “मार, गे सीबा नवे” देंमाक्‍त। मिनु मेकोम “ओं, गो इन गेय पाइब सीबा नङ” देंमाक्‍त। २सामुएल १६:१

१ राजा 2:8

मिनु गे बाहुरीम ङा बेन्‍यामीन आ थर ङा गेरा आ तौ शिमेइ कली योव़की पावो। मेकोमी गो महा-नाइम लङा नाक्‍त आं कली थाम्‍पा सराप पाइक्‍ती। नोले मेको यर्दन खोलाम आं कली ग्रुम्‍थ जाक्‍त। मिनु मेना गो मेको कली ‘मसाइक्‍नन’ दे परमप्रभु यावे आ नें थिशा कसम जाता। २सामुएल १६:५; २सामुएल १९:१७-२४

भजन संग्रह 66:3

मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।

भजन संग्रह 81:15

परमप्रभु यावे कली काइ मदाक्‍बपुकी हिंशा आं ङोंइती बांबा पा गाक्‍म वा। मिनु मोदेंशो गेना हना यो दुम वा।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

१ सामुएल 22:15

मोदेंशो मुर आ पर्बम परमप्रभु नु ङोंइती ङा खेयप सल्‍ला पुंइशा, मार मरिम्‍शो पङा ङा? मोदेंशो लोव़ आं रे ङोन बाक्‍ल। गो नु आं खिं ङा मुर आन कली दोस मगेकी। मारदे हना, गो एको आ पर्बम मारेइ मतुइश्‍शो बाक्‍नीकी” देंमाक्‍त।