२ सामुएल 18:9 - Sunuwar Bible

⁹ अब्‍सालोममी दाऊद आ मुर कली तवा बाक्‍त। अब्‍सालोम आ खच्‍चर ङोइश्‍शो बाक्‍माक्‍त। मेको खच्‍चर शुश राशी पाइश्‍शो ठेयब बोल्‍यो रवा का आगा रे ग्रीशा लमाक्‍त। मिनु अब्‍सालोम आ चां मेको बोल्‍यो रवा आ राशीम ब्‍वेक्‍ता बाक्‍त। मिनु मेको ग्‍युक्‍शा लीमाक्‍त। आ खच्‍चर चहिं ग्रीशा लाक्‍गा बाक्‍त।

२ सामुएल 18:9 ပူးပေါင်းရင်းမြစ်များ

२ सामुएल 13:29

मिनु अब्‍सालोम आ गेय पाइबपुकीम आ देंशो खोदेंशो पा अम्‍नोन कली पामे बाक्‍त। मिनु पिप आ तौ नेल्‍ल आन आन खच्‍चर ङोइश्‍शा डांडा रे खिं प्रोक्‍मा बाक्‍त।

२ सामुएल 14:26

मेकोम बर्स बर्सम आ चां ख्रोइक्‍बाक्‍माक्‍त। मारदे हना हेल्‍बाक्‍माक्‍त। मिनु मेको आ चां पिप आ नाक्‍तीकेम नाक्‍शोनु, सहे निक्‍शी शेकेल ङा दुम्‍बाक्‍‍त। २०० शेकेल २ किलो ३०० ग्राम खोदेंशो बाक्‍ब।

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

२ सामुएल 18:10

मुर कामी मेको तशा योआब कली “गो अब्‍सालोम कली बोल्‍यो ठेयब रवा काम ग्‍युक्‍शा लीशो ताता” मदा बाक्‍त।

२ सामुएल 18:14

मिनु योआबमी “गो गे नु लोव़ पा मग्‍योल्‍नुङ” देंमाक्‍त। मिनु मेकोमी तूतीक सां शेशा, अब्‍सालोम मो पा रवाम ग्‍युक्‍शा बाक्‍मेनु, आ कुचुमी थोक्‍गा बाक्‍त। मेना सम्‍म अब्‍सालोम सेस बाक्‍शो बाक्‍माक्‍त।

२ सामुएल 18:8

लडाइ राज्‍य आ एर ओंथ नेल्‍ल ब्रमाक्‍त। तरवारम साइश्‍शो क्‍येङा ब्‍वाकीम साइश्‍शो मुर शुश दुम्‍‍मा बाक्‍त।

अय्‍युब 31:3

मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?

हितोपदेस 20:20

सुम आ आम आफ आस कली सराप पाइबा, मेको आ बत्ती नेल्‍ल क्‍येङा छिङछिङमी काप्‍ब। हितोपदेस ३०:१७; प्रस्‍थान २१:१७

हितोपदेस 30:17

आफ कली शुक्‍शी पाइब नु आम कली मटीब मुर आन मिक्‍च खदीमी कोक्‍शा ग्रुंइनीम। मिनु गिदपुकीमी ब्‍वाइ‍नीम। हितोपदेस २०:२०

येरमीया 48:44

हिंचा ङा श्‍येत रे प्रोक्‍ब बिक्‍तीकेम बिक्‍नीम। मिनु बिक्‍तीके रे ङोइश्‍शा ग्रूब ब्‍वारदम रेत्‍चा पुंइसीनीम। मारदे हना गो मोआब कली आ सजाइ गेतीक बर्सम मोदेंशो पाइनुङ” दे परमप्रभु यावेमी देंत।

मत्ती 27:5

मिनु चांदी मेको आन ङोंइती ताइश्‍शा, मेकेर रे फो ग्रूशा लशा, ग्‍युक्‍‍शा बेक्‍माक्‍त। प्रेरित १:१८-१९

मर्कूस 7:10

मोसामी ब्रेक्‍शो लोव़ का ‘आम आफ आस कली मान पचा’ मिनु लोव़ का ‘सु सुमी आम आफ आस कली मरिम्‍शो लोव़ पामे, मेकोपुकी साइक्‍चा पुंइसमल’ दे ब्रेक्‍शो बाक्‍त। प्रस्‍थान २०:१२; प्रस्‍थान २१:१७

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

ब्‍यवस्‍था 21:23

मेको आ लास आ दीसा सुनी सम्‍म रवाम क्‍युक्‍शा, वोइक्‍चा मदुम्‍ब। मेको नाक्‍तीन मेको कली थिम्‍चा माल्‍नीनी। मारदे हना क्‍युक्‍शा साइश्‍शो मुर परमप्रभुम पशो सराप चीले बाक्‍ब। परमप्रभु यावे, इन परमप्रभुमी गेशो रागी कली ग्रांग्रा दिशो मसेलीन। यहोसु ८:१९; यहोसु १०:२७; यूहन्‍ना १९:३१; गलाती ३:१३

ब्‍यवस्‍था 27:16

मिनु “सु मुरुमी आंम आम आफ कली मान मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २१:१७

ब्‍यवस्‍था 27:20

मिनु “सु मुर आ आफ आ मीश नु इप्‍बा, मेको मुर सराप राइब। मारदे हना मेकोमी आ आफ कली मुने तोक्‍ब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १८:८