२ सामुएल 18:29 - Sunuwar Bible

²⁹ मिनु पिपमी “मार मेको ठिटा अब्‍सालोम रिम्‍शोन बाक्‍मे?” देंमाक्‍त। मिनु अहीमाजम “इन गेय पाइब योआबम आं कली सोइक्‍तानु, गो ठेयब ग्रांग्‍ये माग्‍ये दुम्‍शो ताता। तन्‍न मार दुम्‍शो बाक्‍मे मतुइक्‍नुङ” देंमाक्‍त।

२ सामुएल 18:29 ပူးပေါင်းရင်းမြစ်များ

२ सामुएल 18:22

मिनु सादोक आ तौ अहीमाजम लेंशा, योआब कली “मार दुम्‍त हना यो आं कली कूश ङा मुर आ नोनोले दोरशा लचा गेयीनी” देंमाक्‍त। मिनु योआबमी “आं तौ गे मारदे लाइ‍नेवे? इ लोव़ आ पर्बम गे मारेइ इनाम मताइ‍नेवे” दे मदा बाक्‍त।

२ सामुएल 18:30

मिनु पिपमी मेको कली “गे मेकेर राप्‍शा बाक्‍को” दे मदा बाक्‍त। मिनु मेको मेकेर राप्‍शा बाक्‍माक्‍त।

२ सामुएल 18:32

मिनु पिपमी मेको कूश आ मुर कली “मेको ठिटा अब्‍सालोम रिम्‍शोन बाक्‍मे” दे हिल्‍लो पवा बाक्‍त। मिनु मेको कूश आ मुरुमी “आं प्रभु, पिप आ जोरी सत्रु नु मरिम्‍शो पाइब नेल्‍ल मेको ठिटा खोदेंशो दुम्‍मल” देंमाक्‍त।

२ सामुएल 20:9

योआबम आमासा कली “आं लोक्‍ब आमासा गे रिम्‍शोन बाक्‍ङे?” दे हिल्‍लो पवा बाक्‍त। मिनु मेकोमी आमासा कली पुक्‍पु पाइक्‍चा कली आ ग्‍युरा गुइमी मेको आ गल शोक्रे ग्‍याइक्‍ता बाक्‍त।

२ राजा 4:26

गे दोरशा लशा मेरे कली ‘मार नेल्‍ल रिम्‍शोन बाक्‍बा? मार, इ वोंइश रिम्‍शोन बाक्‍मे? इ आल रिम्‍शोन बाक्‍मे?’ दे हिल्‍लो पावो” दे मदा बाक्‍त। मिनु मेकोम हिल्‍लो पवानु “नेल्‍ल रिम्‍शोन बाक्‍नीम” देंमाक्‍त।