२ सामुएल 18:26 - Sunuwar Bible

²⁶ मिनु मेको खाल पाइबमी अर्को मुर का यो दोरशा पिशो तवा बाक्‍त। मिनु लाप्‍चो खाल पाइब कली “कोव़ङीन, दे अर्को मुर का यो आ कान दोरशा पिन पिन बाक्‍ब” देंमाक्‍त। मिनु पिपमी “मेकोम यो लोव़ चाक्‍गा माइ” देंमाक्‍त।

२ सामुएल 18:26 ပူးပေါင်းရင်းမြစ်များ

२ सामुएल 18:25

मिनु मेको खाल पाइ‍बम पिप कली ठेयब सेंदा पा देंमाक्‍त। मिनु पिपमी “मेको आ का ला बाक्‍त हना, मारेइ लोव़ चाक्‍तु” देंमाक्‍त। मेको मुर आन नेक्‍था जाक्‍माक्‍त।

२ सामुएल 18:27

मिनु मेको खाल पाइबमी “मेरे ङोंइती दोरब सादोक आ तौ अहीमाज खोदेंशो पा दोरत” देंमाक्‍त। मिनु पिपमी “मेको रिम्‍शो मुर बाक्‍ब, मेकोम रिम्‍शो लोव़ चाक्गा माइ” देंमाक्‍त।

२ राजा 7:10

मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।