२ सामुएल 18:20 - Sunuwar Bible

²⁰ तन्‍न योआबमी मेको कली “मुलाक्‍ती इ लोव़ लाइक्‍तीक नाक्‍त ममाइ। अर्को नाक्‍ती गे लोव़ लाइक्‍चा माल्‍नेवे। मारदे हना मुलाक्‍ती पिप आ तौ बेक्‍शो बाक्‍ब” देंमाक्‍त।

२ सामुएल 18:20 ပူးပေါင်းရင်းမြစ်များ

२ सामुएल 18:19

मिनु सादोक आ तौ अहीमाजम “परमप्रभु यावेम क्‍येक्‍क लेत्‍ताक्‍व। मिनु पिप कली आ जोरी सत्रु आन गुइ रे प्रोंइतु, देंचा कली आं कली दोरपा सोइक्‍तीनी” देंमाक्‍त। २सामुएल १५:३६; २सामुएल १७:१७

२ सामुएल 18:21

मिनु योआबमी कूश आ खिं ङा मुर का कली “लशा, इ तशो नेल्‍ल पिप कली नेंपतो” दे मदा बाक्‍त। मिनु मेको कूश आ मुर योआब कली बाप्‍शा सेउ पा दोरशा लमाक्‍त।

२ सामुएल 18:27

मिनु मेको खाल पाइबमी “मेरे ङोंइती दोरब सादोक आ तौ अहीमाज खोदेंशो पा दोरत” देंमाक्‍त। मिनु पिपमी “मेको रिम्‍शो मुर बाक्‍ब, मेकोम रिम्‍शो लोव़ चाक्गा माइ” देंमाक्‍त।

२ सामुएल 18:29

मिनु पिपमी “मार मेको ठिटा अब्‍सालोम रिम्‍शोन बाक्‍मे?” देंमाक्‍त। मिनु अहीमाजम “इन गेय पाइब योआबम आं कली सोइक्‍तानु, गो ठेयब ग्रांग्‍ये माग्‍ये दुम्‍शो ताता। तन्‍न मार दुम्‍शो बाक्‍मे मतुइक्‍नुङ” देंमाक्‍त।

२ सामुएल 18:33

मिनु पिप आ थुं ग्‍येत्‍थ लुक्‍च दुम्‍शा, मेको ठेयब लाप्‍चो आ तार ङा कोठाम लशा ङाक्‍माक्‍त। मिनु गाक्‍ना गाक्‍न लमेनु “आं तौ अब्‍सालोम, आं तौ अब्‍सालोम, इ पा ङा गो बेक्‍शो नङ हना, दुम वा। अब्‍सालोम! आं तौ, आं तौ” दे ङाक्‍माक्‍त।

२ सामुएल 18:5

पिपमी योआब, अबीशै नु इत्‍ताइ आन कली “गो आं पर्बम मेको ठिटा अब्‍सालोम नु मरिम्‍शो मपने” दे अब्‍सालोम आ पर्बम लडाइ पाइब आन कली अरेशो मुर नेल्‍लेम नेन्‍मे बाक्‍त। २सामुएल १८:१२

२ सामुएल 19:1

मिनु योआबम “पिप दाऊद अब्‍सालोम आ पर्बम ङाक्‍ना ङाक्‍न रोंका पा बाक्‍शो बाक्‍ब” देंशो लोव़ नेना बाक्‍त।