२ सामुएल 18:17 - Sunuwar Bible

¹⁷ मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९

२ सामुएल 18:17 ပူးပေါင်းရင်းမြစ်များ

२ सामुएल 19:5

मिनु योआब पिप आ खिंम ओव़शा मेको कली “गे मुलाक्‍ती इन कप्‍तान नेल्‍ल आन कली मुने तोक्‍तीनी। मारदे हना मुलाक्‍ती मेकोपुकीमी इन कली प्रोंइतेक्‍म। इन तमी तौ, इन मीशपुकी नु इन नोले चाक्‍शो मीश आन कली यो प्रोंइतेक्‍म।

२ सामुएल 19:8

मिनु पिप बोक्‍शा, ठेयब लाप्‍चोम बाक्‍माक्‍त। मिनु पिप ठेयब लाप्‍चोम बाक्‍शो बाक्‍ब, दे लडाइ पाइब आन कली नेंपदमे बाक्‍त। मिनु लडाइ पाइब नेल्‍ल पिप आ ङोंइती जाक्‍मा बाक्‍त। मेना सम्‍म इस्राएली नेल्‍ल आन आन खिं प्रोक्‍ने थुम्‍शो बाक्‍मा बाक्‍त।

२ सामुएल 19:9

इस्राएल ङा थर नेल्‍ल ङा मुरुम आंम आंम लोव़ पा “पिपमी आंइ कली आंइ जोरी सत्रु रे प्रोंइतु। पलिस्‍ती आन गुइ रे यो प्रोंइतु। मुल अब्‍सालोमम पतीके आंम रागी रे प्रोक्‍शा गाक्‍शो बाक्‍ब।

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

२ सामुएल 20:22

मिनु मेको मीश मुरुम आ लोव़ मुर नेल्‍ल आन कली नेंपाइक्‍मी बाक्‍त। मिनु मेकोपुकीम बिक्री आ तौ शेबा आ पिया ख्रोइश्‍शा, योआब कली ब्‍वारदमे बाक्‍त। मिनु योआबम तुराही तबा बाक्‍त। मिनु लडाइ पाइ‍ब नेल्‍ल सहर प्रोंइशा आन खिं खिं लेम्‍मा बाक्‍त। योआब चहिं पिप आ बाक्‍तीके यरूसलेम लेश्‍शा लमाक्‍त।

२ राजा 14:12

मिनु यहूदा ङा पिप इस्राएली आन क्‍येङा ब्रुमाक्‍त। मिनु मुर नेल्‍ल प्रोक्‍मा बाक्‍त।

२ राजा 8:21

मोपतीके यहूदा ङा पिप येहोराम आ बग्‍गी नेल्‍ल लाइश्‍शा, आइक्‍ची हांबु जाइर सहरमी लमाक्‍त। मिनु एदोमीपुकीम येहोराम आ बग्‍गी नेल्‍ल नु आ लडाइ पाइब आन ठेयब मुर नेल्‍ल आन कली पुम्‍दमे बाक्‍त। मिनु मेको आ लडाइ पाइबपुकी चहिं प्रोक्‍शा, आन आन खिं लेम्‍मा बाक्‍त।

हितोपदेस 10:7

ठीक पाइब कली मिम्‍शा आसीक गेब। परमप्रभु यावे आ अरेशो मटीब आन नें चहिं जाम्‍शा लाइब। अय्‍युब १८:१७; भजन संग्रह ९:६

ब्‍यवस्‍था 21:20

मिनु नोले मेको निक्‍शीमी सहर ङा खाल्‍पा आन कली “एको आंस तौ हेंथे गाक्‍ब नु मटीब बाक्‍ब। एकोमी आंस अरेशो मटीब। एको शुश जाइब नु रकसी शांबु तूब बाक्ब” देंसल।

ब्‍यवस्‍था 21:21

मिनु मेको सहर ङा मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मिनु गेपुकीमी इन दाते ङा मरिम्‍शो क्‍याम्‍चा माल्‍नीनी। मिनु इस्राएली नेल्‍लेमी मेको नेंशा, हिंचा माल्‍नीम।

यहोसु 10:27

मिनु नां रिक्‍ची ना, यहोसुमी “मेको आन कली लाइश्‍शा, ङोंइती आन ख्रुइश्‍शो पुक्‍खीमी वोतीन। मिनु मेको पुक्‍खी आ ओव़तीकेमी ठेयब फुल्‍लुपुकी लाइश्‍शा सुने” दे अरेप्‍तु। मिनु मेको फुल्‍लु मुल सम्‍म बाक्‍नीम। ब्‍यवस्‍था २१:२२-२३

यहोसु 7:26

मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७

यहोसु 8:29

मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३

१ सामुएल 4:10

मिनु पलिस्‍तीपुकीम लडाइ पामे बाक्‍त। मिनु इस्राएलीपुकी ब्रुशा, आन आन ताम्‍बुम प्रोक्‍मा बाक्‍त। मेको लडाइम शुश मुर साइक्‍चा पुंइसमा बाक्‍त। खोइलीम गाक्‍ब ३० हजार लडाइ पाइबपुकी बेक्‍मा बाक्‍त।