२ सामुएल 17:9 - Sunuwar Bible

⁹ मुल यो मेको तेकोइ ढोडोङगा नु अरु बाक्‍तीकेमी ख्रुइश्‍शा बाक्‍म माइ? मिनु इं लडाइ पाइबपुकी ङोंइती साइक्‍चा पुंइसाक्‍म हना, मेको नेंबपुकीमी ‘अब्‍सालोम आ नोले खोइक्‍बपुकी बेक्‍ना बेक्‍न बाक्‍नीम’ देंशो नेंनीम।

२ सामुएल 17:9 ပူးပေါင်းရင်းမြစ်များ

२ सामुएल 17:10

मोदेंशो दुम्‍मेनु, महिंब गुप्‍स खोदेंशो थुं पाइश्‍शो लडाइ पाइब मुर यो हिंनीम। मारदे हना इस्राएली नेल्‍लेमी इन आफ बोल्‍यो लडाइ पाइब मुर बाक्‍ब, दे तुइक्‍नीम। मेको नु बाक्‍ब थम बोल्‍यो बाक्‍नीम, दे तुइक्‍नीम।

२ सामुएल 17:8

मिनु हुशाइमी लेंशा “गे इन आफ नु मेको नु बाक्‍ब मुरपुकी थम जोक्‍ब लडाइ पाइबपुकी बाक्‍नीम, दे तुइक्‍नीनी। मेकोपुकी चाइक्‍ब रोइक्‍चा पुंइसीशो वां खोदेंशो दुम्‍शो बाक्‍नीम। इन आफ लडाइ पतीकेम जोक्‍ब तुइक्‍ब बाक्‍ब। मेको नाक्‍दो आ लडाइ पाइ‍ब नु काथा मबाक्‍ब।

येरमीया 41:9

मेको इनारम इश्‍माएलमी मुर आन कली साइश्‍शा ताइश्‍शो बाक्‍त। मेको इनार पिप आसाम इस्राएल ङा पिप बाशा क्‍येङा हिंशा ब्रोंइचा कली दोशो बाक्‍त। नेथन्‍याह आ तौ इश्‍माएलमी मेको इनार आ साइश्‍शो मुरपुकीम प्रिंताक्‍व। १राजा १५:१६-२४

यहोसु 7:5

मिनु ऐ ङा मुरपुकीमी ३६ जना इस्राएली आन कली साइक्‍तेक्‍म। मेकोपुकीमी सहर ङा ठेयब लाप्‍चो रे शेबारीम ङा लुक्‍च लतीक लां सम्‍म खेदा पा, मेको आन कली साइक्‍तेक्‍म। मिनु इस्राएली आन थुं लुक्‍च लशा, शुश हिंतेक्‍म।

यहोसु 8:6

मेकोपुकीमी आंइ कली खेदा पा खोइक्‍नीम। आंइ कली खेदा पा खोदमेनु, गोपुकी मेको आन कली सहर रे शुश ङोन लपाइक्‍चा कली आंइ कली खेदा पपाइक्‍नीकी। मारदे हना मेकोपुकीमी ‘इस्राएलीपुकी ङोंइती ङा बुदी गो आंइ कली तशा, प्रोक्‍ना प्रोक्‍न बाक्‍नीम’ दे मिम्‍नीम। मोपा गो प्रोक्‍कानु, यहोसु ७:५

१ सामुएल 22:1

दाऊद मेकेर रे प्रोक्‍शा, अदुल्‍लाम ङा पुक्‍खीम लमाक्‍त। मिनु मेको आ लोक्‍ब नु आ खिं ङा मुर नेल्‍लेम मेको लोव़ नेंन्‍मे बाक्‍त। मिनु मेकोपुकी आ बाक्‍तीक जाक्‍दीम्‍मा बाक्‍त। भजन संग्रह ५७:१; यहोसु १५:३६

१ सामुएल 23:22

मुल लशा, चिनु रु‍पीन। मिनु मेको ते बाक्‍मे? मेको कली सुम तवा तुइक्‍तीन। मेको मुर आन मिक्‍च सिल्‍ब बाक्‍ब।

१ सामुएल 24:3

मेको लांमी भेडा योव़बपुकी बाक्‍मा बाक्‍त। मेको आ नेक्‍था पुक्‍खी का यो बाक्‍माक्‍त। मिनु सावल मेको आगा ङाइक्‍चा कली ओव़माक्‍त। मेको पुक्‍खी आ नेल्‍ल क्‍येङा आगाम दाऊद नु आ मुरपुकी ख्रुइश्‍शा बाक्‍शो बाक्‍मा बाक्‍त।