२ सामुएल 17:8 - Sunuwar Bible

⁸ मिनु हुशाइमी लेंशा “गे इन आफ नु मेको नु बाक्‍ब मुरपुकी थम जोक्‍ब लडाइ पाइबपुकी बाक्‍नीम, दे तुइक्‍नीनी। मेकोपुकी चाइक्‍ब रोइक्‍चा पुंइसीशो वां खोदेंशो दुम्‍शो बाक्‍नीम। इन आफ लडाइ पतीकेम जोक्‍ब तुइक्‍ब बाक्‍ब। मेको नाक्‍दो आ लडाइ पाइ‍ब नु काथा मबाक्‍ब।

२ सामुएल 17:8 ပူးပေါင်းရင်းမြစ်များ

२ सामुएल 15:18

मिनु पिप आ ठेयब गेय पाइब, केरेथी नु पेलेथी नेल्‍ल, गाथ सहर रे जाक्‍शो ६ सहे गित्त आ खिं ङा नु मुर नेल्‍ल पिप आ ङोंइती लाक्‍गमे बाक्‍त। २सामुएल ८:१८; १सामुएल २७:२

२ सामुएल 17:9

मुल यो मेको तेकोइ ढोडोङगा नु अरु बाक्‍तीकेमी ख्रुइश्‍शा बाक्‍म माइ? मिनु इं लडाइ पाइबपुकी ङोंइती साइक्‍चा पुंइसाक्‍म हना, मेको नेंबपुकीमी ‘अब्‍सालोम आ नोले खोइक्‍बपुकी बेक्‍ना बेक्‍न बाक्‍नीम’ देंशो नेंनीम।

२ सामुएल 23:16

मिनु मेको बोल्‍यो लडाइ पाइब सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ नेक्‍था बाक्‍शो इनार ङा ब्‍वाक्‍कु चाक्‍शा दाऊद कली गेमे बाक्‍त। तन्‍न दाऊदम मेको तूने मबिस्‍से बाक्‍त। मेकोमी मेको ब्‍वाक्‍कु परमप्रभु यावे आ ङोंइती मोदा बाक्‍त।

२ सामुएल 23:18

मिनु सेरूयाह आ तौ योआब आ लोक्‍ब अबीशै मेको ३० जना आन दाते ङा ठेयब बाक्‍माक्‍त। मेकोमी सहे सां जना मुर आन कली आ तूतीकेम लडाइ पा साइक्‍मी बाक्‍त। मेको सांमी “मेको बोल्‍यो मुर बाक्‍ब” देंमा बाक्‍त। २सामुएल २१:१७

२ राजा 2:24

मिनु मेकोम लेश्‍शा कोव़शा, मेको आन कली परमप्रभु यावे आ नेंमी सराप पाइक्‍मी बाक्‍त। मिनु ब्‍वाकी रे छाउरी वां निक्‍शी ग्रूशा, मेको आन दाते ङा ४२ जना आन कली क्राइ‍श्‍शा साइक्‍मी बाक्‍त।

हितोपदेस 17:12

मूर्ख मुरुमी मूर्ख पवा ना ग्रुम्‍चा क्‍येङा आ चाइक्‍ब रोंइसीशो वां कली ग्रुम्‍चा रिम्‍शो बाक्‍ब।

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

इजीकीएल 19:2

इ ममा गुप्‍स आन दातेम ठेयब छाउरी गुप्‍स दुम्‍शा बाक्‍त। मेको आ चाइक्‍ब आन कली कोल्‍पाइक्‍ना पाइक्‍न ठिटा गुप्‍स आन दातेम गोल्‍शा बाक्‍बाक्‍त। उत्‍पत्ती ४९:९

दानीएल 7:5

मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।

होसे 13:8

चाइक्‍ब रोंइसीशो वां खोदेंशो पा मेको आन कली ग्‍याइश्‍शा आन रां चेत्‍नुङ। मिनु गुप्‍सुमी खोदेंशो पा मेको आन कली ब्‍वाइनुङ। मिनु ब्‍वाकी ङा जन्‍तुमी साइश्‍शो खोदेंशो पा साइक्‍नुङ।

न्‍यायाधीस 18:25

मिनु दान आ थर ङा मुरपुकीमी “ब्‍वाले पावो। मारदे हना आंइ दाते ङा चुरब मुरपुकीमी चुरशा, इ कली नु इ खिं ङा मुर आन कली साइक्‍नीमी” देंमा बाक्‍त।

१ सामुएल 16:18

मिनु मेको आ गेय पाइब आन दाते ङा काम “बेथलेहेम ङा येस्‍से आ तौ आन दातेमी, काम ताप्‍शो गो नेंशो बाक्‍नुङ। मेको बोल्‍यो मुर बाक्‍ब। मिनु रिम्‍शो लडाइ पाइब, निप्‍स खाप्‍शा ब्‍वाक्‍ब नु दारशो यो बाक्‍ब। परमप्रभु यावे मेको नु बाक्‍शो बाक्‍ब” देंमाक्‍त।

१ सामुएल 17:50

मोपा दाऊद आ हुरद नु फुल्‍लुम ग्रामाक्‍त। मेको नु तरवार मबाक्‍त हना यो, पलिस्‍ती गोल्‍याथ कली सदा बाक्‍त।

१ सामुएल 23:23

मेको तेको ख्रुइक्‍तीकेम बाक्‍मे, रिम्‍शो पा रु‍पीन। मिनु आं बाक्‍तीक जाक्‍शा शेंदीनी। मिनु गो गेपुकी नु लाइ‍नुङ। मेको एको रागीम बाक्‍त हना, गो यहूदा आ खिं खिं ङा मुर आन दाते रे माल्‍शा ग्रुंइनुङ” देंमाक्‍त।