२ सामुएल 17:23 - Sunuwar Bible

²³ मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

२ सामुएल 17:23 ပူးပေါင်းရင်းမြစ်များ

२ सामुएल 15:12

अब्‍सालोमम आ क्‍योरशा चढ़ेतीकेम चढ़ेवानु, गिलोह सहर ङा अहीथोफेल कली ब्रेत्‍थ सोइक्‍ता बाक्‍त। मेको अहीथोफेल चहिं गिलोह सहर ङा दाऊद कली अर्ती गेब मुर बाक्‍माक्‍त। मोपा पिप कली मरिम्‍शो गेय पना पन लशा अब्‍सालोम आ मुर शुश दुम्‍ना दुम्‍न लमा बाक्‍त। २सामुएल २३:३४; यहोसु १५:५१

२ सामुएल 15:31

मिनु दाऊद कली अहीथोफेल मरिम्‍शो पाइ‍ब आन दातेम अब्‍सालोम नु बाक्‍त देंशो लोव़ नेंपदमे बाक्‍त। मिनु दाऊदम “परमप्रभु यावे अहीथोफेल आ अर्ती शोर गाक्‍शो सेलीन” दे पुंना बाक्‍त। २सामुएल १७:१४

२ सामुएल 16:23

मेना मुरपुकीम अहीथोफेल आ अर्ती परमप्रभु आ लोव़ खोदेंशो मिम्‍बाक्‍मा बाक्‍त। मोपतीके दाऊद नु अब्‍सालोमम अहीथोफेल आ अर्ती ठेयब मिम्‍बाक्‍‍सा बाक्‍त।

२ सामुएल 17:22

मोपतीके दाऊद नु आ मुरपुकी रीब पा यर्दन खोला शोक्‍सीमा बाक्‍त। बुरुरु पा हाम्‍सो दुम्‍मेनु, आइक्‍ची हांबु मजाक्‍दीप्‍ब, सुइ मलीमा बाक्‍त।

१ राजा 16:18

मिनु जिम्रीमी सहर ग्राशो तवा चोटी पिप आ खिं ओव़शा मी सुइश्‍शा, आंमा यो दुप्‍शा बेक्‍माक्‍त। २सामुएल १७:२३

२ राजा 20:1

मेना हिज्‍कीयाह रोइ पा बेक्‍चा चिक्‍ता बाक्‍त। मिनु आमोज आ तौ परमप्रभु यावे आ लोव़ पाइब यसैया हिज्‍कीयाह आ बाक्‍तीक जाक्‍शा, “परमप्रभु यावेमी इन कली मार देंत देंशा हना ‘इन खिं ङा मुर आन कली इन अरेचा माल्‍शो लोव़ अरेने। मारदे हना गे बेक्‍नीनी। मसानीनी’ देंत” देंमाक्‍त।

अय्‍युब 31:3

मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?

भजन संग्रह 109:20

परमप्रभु यावेमी आं कली दोस गेब नु आ पर्बम मरिम्‍शो लोव़ पाइब कली मोदेंशो सजाइ गेवल।

भजन संग्रह 5:10

परमप्रभु, मेको आन मरिम्‍शो पशो आंम आन कली दुम्‍ल। मेको आन शुश मरिम्‍शो पशो आ पर्बम मेको आन कली इन ङोंइती रे तिलीन। मारदे हना मेको इन कली मटीब बाक्‍तेक्‍म।

भजन संग्रह 55:23

तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

हितोपदेस 19:3

मुर आन मूर्ख पतीकेमी खतम दुम्‍नीम। मो हना यो मेकोपुकीमी परमप्रभु यावे कली दोस गेनीम। बिलाप ३:३९

यसैया 38:1

मेना हिज्‍कीयाह रोइ पा बेक्‍चा चिक्‍ता बाक्‍त। मिनु परमप्रभु यावे आ लोव़ पाइब आमोज आ तौ, यसैया जाक्‍शा, पिप कली “परमप्रभु यावेमी इन कली ‘गे बेक्‍नेवे, मब्रोंइनेवे। इ खिं नेल्‍ल ठीक सेलो’ देंत” दे माइक्‍तु।

मत्ती 27:5

मिनु चांदी मेको आन ङोंइती ताइश्‍शा, मेकेर रे फो ग्रूशा लशा, ग्‍युक्‍‍शा बेक्‍माक्‍त। प्रेरित १:१८-१९