२ सामुएल 17:10 - Sunuwar Bible

¹⁰ मोदेंशो दुम्‍मेनु, महिंब गुप्‍स खोदेंशो थुं पाइश्‍शो लडाइ पाइब मुर यो हिंनीम। मारदे हना इस्राएली नेल्‍लेमी इन आफ बोल्‍यो लडाइ पाइब मुर बाक्‍ब, दे तुइक्‍नीम। मेको नु बाक्‍ब थम बोल्‍यो बाक्‍नीम, दे तुइक्‍नीम।

२ सामुएल 17:10 ပူးပေါင်းရင်းမြစ်များ

उत्पत्ती 49:9

यहूदा गुप्‍स आ चाइक्‍ब खोदेंशो बाक्‍ब। सिखार ब्‍वशा ठेयब दुम्‍ते। ठेयब गुप्‍स खोदेंशो पा खुम बाप्‍ब। गुप्‍सनी खोदेंशो पा इप्‍ब। सुम मेको कली बोक्‍पाइक्‍ने चाप्‍बा? गन्‍ती २३:२४; इजीकीएल १९:२; प्रकाश ५:५

२ सामुएल 1:23

सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।

२ सामुएल 17:9

मुल यो मेको तेकोइ ढोडोङगा नु अरु बाक्‍तीकेमी ख्रुइश्‍शा बाक्‍म माइ? मिनु इं लडाइ पाइबपुकी ङोंइती साइक्‍चा पुंइसाक्‍म हना, मेको नेंबपुकीमी ‘अब्‍सालोम आ नोले खोइक्‍बपुकी बेक्‍ना बेक्‍न बाक्‍नीम’ देंशो नेंनीम।

२ सामुएल 23:20

कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१

भजन संग्रह 89:19

साइ ङोंइती गे इन कली मप्रोंइब मुर आन कली कोंइतीक कोंइशा, लोव़ पाइतीनी। मिनु गे “गो लडाइ पाइब का कली सक्ति गेता। गो मुर आन दाते रे का कली ठेयब सेल्‍ता। १सामुएल १३:१४; १सामुएल १६:१३

प्रस्‍थान 15:15

मुल एदोम रागी ङा ठेयब मुरपुकी हिंतेक्‍म। मोआब रागी ङा ठेयब मुरपुकी हिंशा ख्रिंख्रि पाम्‍तेक्‍म। कनान रागीम बाक्‍बपुकीम आन सक्ति साम्‍तेक्‍म।

हितोपदेस 28:1

परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१

ठेयब कुम्सो 3:7

कोव़ङीन, एको सोलोमन कली कुरतीक बाक्‍ब। मेको आ एर ओंथ ६० जना इस्राएल ङा बोल्‍यो लडाइ पाइबम मेको कली खाल पशो बाक्‍तेक्‍म।

यसैया 13:7

मोपतीके मुर नेल्‍ल आन थुं लुक्‍च लशा, मारेइ पने मचाप्‍नीम।

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

इजीकीएल 21:15

मोपतीके थुं लुक्‍च लाइनीम। मिनु शुश गोल्‍नीम। मेको आन ठेयब लाप्‍चो नेल्‍लेमी हुश ख्राक्‍श पोक्‍चा कली तरवार वोइश्‍शो बाक्‍ती। मेको चिला दाप्‍शो खोदेंशो पा साइक्‍चा कली शेप्‍शो बाक्‍ब।

ब्‍यवस्‍था 1:28

मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३

हिब्रू 11:34

मीम हुम्‍चा पुंइसीशा यो मबेक्‍मा बाक्‍त। तरवारमी क्‍योरचामेनु यो ब्रोंइमा बाक्‍त। मारेइ पने मचाप्‍ब बाक्‍मा बाक्‍त हना यो, पने चाप्‍ब दुम्‍मा बाक्‍त। लडाइ पामेनु यो ठेयब थुं पाइश्‍शो दुम्‍शा, आन जोरी सत्रु आन कली फ्रुशा खेरमे बाक्‍त।

१ सामुएल 16:18

मिनु मेको आ गेय पाइब आन दाते ङा काम “बेथलेहेम ङा येस्‍से आ तौ आन दातेमी, काम ताप्‍शो गो नेंशो बाक्‍नुङ। मेको बोल्‍यो मुर बाक्‍ब। मिनु रिम्‍शो लडाइ पाइब, निप्‍स खाप्‍शा ब्‍वाक्‍ब नु दारशो यो बाक्‍ब। परमप्रभु यावे मेको नु बाक्‍शो बाक्‍ब” देंमाक्‍त।

१ सामुएल 18:17

मिनु सावलम दाऊद कली “गो आं ठेयब तमी मेराब इ कली गेशा ग्‍युं‍बे पपाइक्‍नुङ। तन्‍न गे मेको आ पर्बम बोल्‍यो पा आं गेय पचा माल्‍नेवे। मिनु परमप्रभु यावे आ पर्बम लडाइ पावो” दे मदा बाक्‍त। मारदे हना सावलम दाऊद कली आंम आ गुइम ममाइ पलिस्‍ती आन गुइ रे साइक्‍पाइक्‍चा माल्‍शो बाक्‍माक्‍त।