२ सामुएल 16:9 - Sunuwar Bible

⁹ मिनु सेरूयाह आ तौ अबीशैमी पिप कली “मारदे मेरे बेक्‍शो कुचुममी आं प्रभु, पिप इन कली सराप पवा? गो आइक्‍ची हांबु लशा मेरे आ पिया ख्रोइक्‍नुङ” देंमाक्‍त। १सामुएल २६:८

२ सामुएल 16:9 ပူးပေါင်းရင်းမြစ်များ

२ सामुएल 19:21

मिनु सेरूयाह आ तौ अबीशैमी “परमप्रभु यावे आ तेल लुक्‍शो कली सराप पतीके शिमेइ साइक्‍चा मपुंइसीबा ङा?” देंमाक्‍त।

२ सामुएल 19:22

तन्‍न दाऊदमी “सेरूयाह आ तौ, गे आं कली काइ मगारब मुर बाक्‍नीसी। गे मुलाक्‍ती आं जोरी सत्रु दुम्‍तीसी? मुलाक्‍ती इस्राएलमी तेकोइ मुर साइक्‍चा मदुम्‍ब। मुलाक्‍ती गो इस्राएल ङा पिप दुम्‍ती, दे गो मतुइक्‍नुङा ङा?” देंमाक्‍त। २सामुएल १६:१०

२ सामुएल 3:30

मोपा योआब नु आ लोक्‍ब अबीशैमी आब्‍नेर कली सदसे बाक्‍त। मारदे हना आब्‍नेरमी मेको आस लोक्‍ब आसाहेल कली गिबोन ङा लडाइम साइश्‍शो बाक्‍माक्‍त। न्‍यायाधीस ८:१८-२१; २राजा १४:५

२ सामुएल 3:8

आब्‍नेरमी इश-‍बोशेथ आ लोव़ नेंशा गाइश्‍शा “मार, गो यहूदा आ गेय पाइब कुचुम नङा? मुल सम्‍म गो इ आफ सावल आ खिं ङा मुर, आ लोक्‍ब नु आ वारच आन कली मानेब मुर बाक्‍ती। गो इन कली दाऊद आ गुइम मगेङ। मो हना यो गे एको मीश मुर आ पर्बम आं कली दोस गेनीनी।

२ सामुएल 9:8

मिनु मेफी-बोशेथम खुम्‍की पा बाप्‍शा “गो सु नङा ङा? पिपमी गो बेक्‍शो कुचुम खोदेंशो मुर, आं कली शिशी पाइय्‍यीनी?” देंमाक्‍त।

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

लूका 9:54

मिनु आ शेंसीब याकूब नु यूहन्‍नामी मेको लोव़ नेंशा, येसु कली “प्रभु, मेको गाउं ङा मुर आन कली परमप्रभु यावे कली पुंइशा, सरीङ रे मी तोक्‍पाइश्‍शा, खतम पपाइय्‍य?” दे हिल्‍लो पाम्‍से बाक्‍त। २राजा १:१०-१२

प्रेरित 23:5

पावलमी “मेको मोदेंशो ठेयब चढ़ेब, दे मतुइक्‍तु, आं लोक्‍बपुकी। तुइश्‍शो नङ हना, मोदेंशो लोव़ मदेंङ वा। मारदे हना परमप्रभु यावे आ ब्रेक्‍पाइश्‍शो लोव़मी ‘इन कली अधिकार पचा, दे वोइश्‍शो आन कली मरिम्‍शो लोव़ मपचा’ दे ब्रेक्‍शो बाक्‍ब” देंमाक्‍त। प्रस्‍थान २२:२८

१ पत्रुस 2:17

मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१

१ सामुएल 24:14

इस्राएल ङा पिप सु का आ पर्बम बोक्‍शो बाक्‍बा? गे सु कली खेदा पना पन बाक्‍नीनी? बेक्‍शो कुचुम, चुक्‍बे का कली खेदा पाइनीनी?