२ सामुएल 16:4 - Sunuwar Bible

⁴ मिनु पिपमी सीबा कली “मुल मेफी-बोशेथ आ मारेइ मारेइ इ के दुम्‍‍ब” दे मदा बाक्‍त। मिनु सीबामी “आं प्रभु पिप, गो इन वाइल का नङ। इन ङोंइती शिशी तङल” देंमाक्‍त। १राजा २:८-९; प्रस्‍थान २२:२७

२ सामुएल 16:4 ပူးပေါင်းရင်းမြစ်များ

२ सामुएल 14:22

मिनु योआबमी आ कुल खप सम्‍म बा‍प्‍शा, सेउ पवा बाक्‍त। मेकोमी पिप कली “परमप्रभु यावेमी इन कली आसीक गेवल। मुलाक्‍ती गो आं प्रभु, पिप इन ङोंइती शिशी ताता, दे तुइक्‍ताक्‍ङ। मारदे हना गे आं पुंइशो गेतीनी” देंमाक्‍त।

२ सामुएल 14:4

मिनु तेकोहा सहर ङा मीश मुर पिप आ बाक्‍तीक जाक्‍शा, खप सम्‍म बाप्‍शा सेउ पवा बाक्‍त। मिनु ङाक्‍ना ङाक्‍न “पिप वारच पाइय्‍यीनी” देंमाक्‍त।

२ सामुएल 14:8

मिनु पिपमी मेको मीश मुर कली “इ खिं लावो। इ निसाफ गो कोव़नुङ” देंमाक्‍त।

२ सामुएल 16:3

मिनु पिपमी “इ होव़प आ तौ ते बाक्‍म” दे हिल्‍लो पवा बाक्‍त। मिनु सीबाम “मेको यरूसलेममीन बाक्‍शो बाक्‍ब। मेकोमी ‘मुलाक्‍ती इस्राएलीपुकीम आ बाजे आ राज्‍य लेश्‍शा गेनीम’ दे रिम्‍शा बाक्‍शो बाक्‍ब” देंमाक्‍त। २सामुएल १९:२५-३१

२ सामुएल 16:5

मिनु पिप दाऊद बाहुरीम सहरम जाक्‍माक्‍त। मिनु मेकेर सावल आ खिं ङा मुर का, गेरा आ तौ शिमेइ ग्रूशा दाऊद कली सराप चीले पना पन पिमाक्‍त।

२ सामुएल 19:27

मेको आ लोव़मी आं प्रभु पिप इन कली आं पर्बम मरिम्‍शो दुम्‍पाइक्‍तु। गे आं प्रभु पिप परमप्रभु आ स्‍वर्ग ङा गेय पाइब खोदेंशो बाक्‍नीनी। गे मार पचा दाक्‍नीनी मेको पने। २सामुएल १६:३; २सामुएल १४:१७

२ सामुएल 9:6

मिनु योनाथन आ तौ सावल आ चच मेफी-बोशेथ दाऊद आ बाक्‍तीके जाक्‍माक्‍त। मिनु मेकोमी खुम्‍की पा बाप्‍शा पिप कली सेउ पवा बाक्‍त। मिनु दाऊदम मेको कली “मेफी-बोशेथ” देंमाक्‍त। मिनु मेफी-बोशेथमी “गो इन गेय पाइब एक बाक्‍ती” देंमाक्‍त।

२ सामुएल 9:9

मिनु दाऊदमी सावल आ गेय पाइ‍ब सीबा कली ब्रेश्‍शा “सावल नु आं खिं ङा शोंप नेल्‍ल गो इ होव़प आ चच कली गेता। २सामुएल १९:२९-३०

प्रस्‍थान 23:8

गेपुकी ख्रुइश्‍शा मारेइ मताक्‍कीन। मारदे हना मेकोमी मिक्‍च सिल्‍ब। मिनु ख्रुइश्‍शा ताक्‍शोमी ठीक पाइब आ मुददा लोक्‍ब। ब्‍यवस्‍था २७:२५; १सामुएल ८:३; हितोपदेस १७:२३

हितोपदेस 18:13

सुमी लोव़ नेंचा क्‍येङा ङोंइती लोव़ लेप्‍बा, मेको मूर्ख दुम्‍तीके मुने दोक्‍ब मुर बाक्‍ब।

हितोपदेस 18:17

सुमी जितीकेमी ङोंइती ब्‍वाक्‍बा, मेको कली नोले ङा मुर मब्‍वाक्‍म सम्‍म नेल्‍लेमी ठीक मिम्‍शा थमा सुइक्‍नीम।

हितोपदेस 19:2

गे मार मार माल्‍नीनी मेको आ पर्बम मतुइक्‍ताक्‍नी हना, मेको शोर गाक्‍शो बाक्‍ब। सु रीब पा गाक्‍बा, मेको आ लां जाम्‍ब।

ब्‍यवस्‍था 19:15

मुर कामी दोस ताइब दुम्‍शो बाक्‍त देंतेक्‍म हना, सांकछी का आ लोव़ ला नेंशा मदुम्‍ब। सांकछी निक्‍शी, सां आन लोव़ गारत हना ला मेको कली दोस गेचा। ब्‍यवस्‍था १७:६; गन्‍ती ३५:३०; यूहन्‍ना ८:१७; २कोरिन्‍थी १३:१; हिब्रू १०:२८