२ सामुएल 16:2 - Sunuwar Bible

² पिपमी सीबा कली “गे एको नेल्‍ल मारदे चाक्‍गी?” दे हिल्‍लो पवा बाक्‍त। मिनु सीबाम “एको गधा पिप आ खिं ङा मुर ङोइक्‍चा कली बाक्‍नीस। शोब्‍ले नु फल फुल चहिं ठिटा आन कली जचा कली बाक्‍ब। अङगुर शांबु गोरशो रागीम दशा थशो आन कली तूचा कली बाक्‍ब” देंमाक्‍त।

२ सामुएल 16:2 ပူးပေါင်းရင်းမြစ်များ

उत्पत्ती 21:29

मिनु अबीमेलेकम “मेको ७ ओटा पाठी मारदे वोइक्‍नी?” दे हिल्‍लो पवा बाक्‍त।

उत्पत्ती 33:8

मिनु एसावमी “इ ङोंइती गाक्‍शो मार मार मारदे सोइक्‍ती?” दे हिल्‍लो पवा बाक्‍त। मिनु “आं प्रभु, इन ङोंइती शिशी तङल, दे सोइक्‍ताक्‍ङ” दे लोव़ लेत्‍ता बाक्‍त। उत्‍पत्ती ३२:१४-२१

२ सामुएल 15:1

मिनु नोले अब्‍सालोमम बग्‍गी का, शारा नु आ ङोंइङोंइती दोरचा कली ५० जना मुर आंम कली वोदा बाक्‍त। १राजा १:५

२ सामुएल 15:23

पिप मोपा गाक्‍मेनु लांम बाक्‍ब मुर नेल्‍ल ङाक्‍मा बाक्‍त। पिप किद्रोन खोला शोक्‍शा गोरशो रागी गे लमा बाक्‍त।

२ सामुएल 17:29

खुदो, दहि, भेडा नु दूध के सेल्‍शो जचा थोव़क दाऊद नु मेको नु बाक्‍ब मुर आन कली चाक्‍शा, गेमे बाक्‍त। मारदे हना मेकोपुकीम दाऊद नु आ मुरपुकी गोरशो रागीम शोव़लु बेक्‍शो, तूतू दाक्‍शो नु थाम्‍पा दशो बाक्‍नीम, दे तुइक्‍त्‍मे बाक्‍त।

२ सामुएल 19:26

मिनु मेकोमी “आं प्रभु पिप, आं गेय पाइ‍बम आं कली मरिम्‍शो पाप्‍तु। गो आं गधाम लगम पाइश्‍शा पिप नु गाक्‍चा ठीक दुम्‍शो नङ। मारदे हना गो इन गेय पाइब खोइल थेक्‍ने मचाप्‍ब मुर नङ।

इजीकीएल 37:18

मिनु इ मुरपुकीम इ कली ‘मेको आ अर्थ मार बाक्‍बा गे आंइ कली मशेंनीनी?’ दे हिल्‍लो पाइनीम।

न्‍यायाधीस 10:4

मेको आ तौ ३० जना बाक्‍मा बाक्‍त। मेकोपुकी ३० ओटा गधाम ङोइक्‍बाक्‍मा बाक्‍त। मिनु गिलाद ङा ३० ओटा सहर मेको आन के बाक्‍माक्‍‍त। मुल सम्‍म मेको सहर आन नें हव्‍वोथ-याइर देंनीम। मेको गिलाद रागीम बाक्‍नीम। ब्‍यवस्‍था ३:१४

न्‍यायाधीस 5:10

बुश गधा ङोइश्‍शा गाक्‍बपुकी, राडी तारी निप्‍बपुकी, खोइलीम गाक्‍ब नेल्‍लेमी यो परमप्रभु यावेम मेको लडाइ ‘दोपा पवा’ मेको शेंदीन।

१ सामुएल 14:28

तन्‍न लडाइ पाइब कामी मेको कली “इन आफोमी मो पचा मदुम्‍ब देंशो बाक्‍ब” देंमाक्‍त। मेकोमी “मुलाक्‍त जचा थोव़क जाइ‍ब सराप रल देंशो बाक्‍ब” देंमाक्‍त। मुरपुकी चहिं शोव़लुम बेक्‍चशो बाक्‍मा बाक्‍त।

१ सामुएल 25:27

मिनु इन गेय पाइबम, आ प्रभु, इन कली चाक्‍शो कोसेली इन नोले खोइक्‍ब ठिटा आन कली गेन।