२ सामुएल 16:16 - Sunuwar Bible

¹⁶ मिनु अरकी आ खिं ङा हुशाइ दाऊद आ वारचमी अब्‍सालोम कली ग्रुमा बाक्‍त। मिनु मेकोमी अब्‍सालोम कली “पिप गेना हना यो ब्रोंइशा बाक्‍ल। पिप गेना हना यो ब्रोंइशा बाक्‍ल” देंमाक्‍त। २सामुएल १५:३७

२ सामुएल 16:16 ပူးပေါင်းရင်းမြစ်များ

२ सामुएल 15:32

मिनु दाऊद परमप्रभु कली ठेयब सेल्‍तीक डांडा तार जाक्‍माक्‍त। मेना अरकी आ खिं ङा हुशाइ आ वा खाक्‍शा, आ पियाम खप फुंइसीशा दाऊद कली ग्रुम्‍थ जाक्‍माक्‍त। १राजा ३:२; यहोसु १६:२

२ सामुएल 15:34

तन्‍न गे सहर लेश्‍शा लशा अब्‍सालोम कली ‘गो इन आफ आ गेय पशो खोदेंशो पा इन गेय पाइब दुम्‍नुङ’ देंते हना, मिनु मेक बाक्‍ते हना, अहीथोफेल आ अर्ती खतम सेल्‍चा कली आं कली वारच पाइ‍‍नेवे। २सामुएल १७:७

२ सामुएल 15:37

मिनु दाऊद आ वारच हुशाइ, अब्‍सालोम यरूसलेमम ओव़न ओव़ना, सहर जाक्‍दीम्‍माक्‍त। १इतिहास २७:३३

१ राजा 1:25

मेको मुलाक्‍ती उइ ब्रुप्‍शा शुश ब्‍यफ, दोम्‍शो बस्‍तु भाव नु भेडा क्‍योरशा चढ़ेशो बाक्‍ब। मिनु मेकोम पिप इन आल नेल्‍ले, लडाइ पाइब आन ठेयब मुर योआब नु चढ़ेब अबीयाथार नेल्‍ल आन कली ब्रेश्‍शो बाक्‍ब। मिनु मुल मेको नेल्‍ल मेको आ ङोंइती जना जन, तूना तून ‘पिप अदोनीयाह गेना हना यो ब्रोंइशा बाक्‍ल’ देंना देंन बाक्‍नीम।

१ राजा 1:34

मिनु मेकेर चढ़ेब सादोक नु परमप्रभु यावे आ लोव़ पाइब नाथानमी मेको कली तेल लुक्‍शा इस्राएल ङा पिप सेल्‍सेक्‍ल। मिनु तुराही ताप्‍शा ‘पिप सोलोमन गेना हना यो ब्रोंइशा बाक्‍ल’ देंमल।

१ राजा 4:5

नाथान आ तौ अजारयाह सासन पाइब आन ठेयब मुर बाक्‍माक्‍त। नाथान आ तौ जाबुद चढ़ेब नु पिप आ वारच बाक्‍माक्‍त।

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

दानीएल 2:4

मिनु सोरुल कोव़ब कल्‍दीपुकीमी आरामेइक लोव़ पा पिप कली “पिप, शुश ब्रोंइशा बाक्‍कीन। इन वाइल आन कली इन तशो ङोमु शोव़ङीन। मिनु गो, इन वाइलपुकीमी, मेको रे मार रुम्‍सीबा मेको शेंनीकी” देंतेक्‍म।

दानीएल 5:10

मिनु पिपीममी पिप नु आ राज्‍य ङा ठेयब अधिकार ताइबपुकी लोव़ पशो नेंशा, भोज जतीक कोठामी ओव़त। मिनु मेकोमी “पिप, गे गेना हना यो ब्रोंइशा बाक्‍कीन। गे हिंशा इन थुं ग्‍येत्‍थ लुक्‍च मपने। इन कुल लल गिगी मदुम्‍पतीन।

दानीएल 6:21

मिनु दानीएलमी पिप कली “हजुर पिप, गे गेना हना यो ब्रोंइ‍शा बाक्‍कीन।

दानीएल 6:6

मिनु मेको ठेयब कोव़ब निक्‍शी नु पारसी रागी कली हुकुम पाइब नेल्‍ल लोव़सी पा गारशा, पिप आ दरवारमी जाक्‍शा पिप कली “हजुर, पिप दारा, गे गेना हना यो ब्रोंइशा बाक्‍कीन।

मत्ती 21:9

मिनु आ ङोंइती नोले गाक्‍बपुकीमी “दाऊद आ तौ कली होसन्‍ना, परमप्रभु यावे आ नेंमी जाक्‍ब कली जाइ, गे ठेयब बाक्‍नीनी” दे रेयके पा ठेयब सेल्‍ना सेल्‍न गाक्‍तेक्‍म। भजन संग्रह ११८:२५-२६

१ सामुएल 10:24

मिनु सामुएलम मुर नेल्‍ल आन कली “परमप्रभु यावेमी योव़शो मुर कली कोव़ङीन। मुर नेल्‍ल आन दातेमी एको खोदेंशो सुइ मबाक्‍म” देंमाक्‍त। मिनु मुर नेल्‍ल ग्‍येरशा “पिप शुश ब्रोंइल” दे ग्रीमा बाक्‍त। मत्ती २१:९