२ सामुएल 16:1 - Sunuwar Bible

¹ दाऊद डांडा तार रे इच्‍का आइक्‍ची जाक्‍दीम्‍मेनु, मेफी-बोशेथ आ गेय पाइ‍ब सीबामी दाऊद कली ग्रुमा बाक्‍त। मेकोम लगम पाइश्‍शो गधा निक्‍शीम सहे निक्‍शी शोब्‍ले, सहे का मुठा सोव़शो अङगुर, सहे का फल फुल नु मसक का अङगुर शांबु कुरपाइश्‍शा, चाक्‍गा बाक्‍त। २सामुएल ७:२

२ सामुएल 16:1 ပူးပေါင်းရင်းမြစ်များ

२ सामुएल 15:30

तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ सामुएल 15:32

मिनु दाऊद परमप्रभु कली ठेयब सेल्‍तीक डांडा तार जाक्‍माक्‍त। मेना अरकी आ खिं ङा हुशाइ आ वा खाक्‍शा, आ पियाम खप फुंइसीशा दाऊद कली ग्रुम्‍थ जाक्‍माक्‍त। १राजा ३:२; यहोसु १६:२

२ सामुएल 19:17

मेको नु हजार का जना बेन्‍यामीन आ थर ङा मुर यो बाक्‍मा बाक्‍त। सावल आ गेय पाइब सीबा यो आ १५ जना तौ नु आ २० जना गेय पाइब नु मेकेर बाक्‍शो बाक्‍माक्‍त। मेकोपुकी पिप आ ङोंइती यर्दन खोलाम जाक्‍दीम्‍मा बाक्‍त। २सामुएल ९:२,१०; २सामुएल १६:१-४

२ सामुएल 19:32

बारजील्‍लाइ ८० बर्स दुम्‍शो थम खूशो बाक्‍माक्‍त। मेकोमी पिप महा-नाइमम बाक्‍मेनु, पिप कली जचा थोव़क गेशो बाक्‍माक्‍त। मारदे हना मेको थम शोंप पाइश्‍शो मुर बाक्‍माक्‍त।

१ इतिहास 12:40

मिनु आन नेक्‍था ङा मुर, इस्‍साकार आ थर, जबूलून आ थर नु नाप्‍ताली आ थर ङा मुर ङोन रे गधा, दल‍ओंठ, खच्‍चर नु ब्‍यफपुकीम जचा थोव़क चाक्‍शो बाक्‍मा बाक्‍त। मेकोपुकीम शुश फस, सोव़पाइश्‍शो फोव़शी गेडा, सोव़पाइश्‍शो अङगुर, अङगुर शांबु, तेल, बी ब्‍यफ, भेडा शुश चाक्‍शो बाक्‍मा बाक्‍त। मारदे हना, इस्राएली नेल्‍ल ग्‍येरशो बाक्‍मा बाक्‍त।

हितोपदेस 18:16

सुमी कोसेली गेबा, मेकोमी ठेयब मुर नु लोव़ पचा यो ताइब। उत्‍पत्ती ४३:११

येरमीया 40:10

गो इं बाक्‍तीक जाक्‍ब कल्‍दी आन ङोंइती इन ठेयब मुर दुम्‍शा लोव़ पचा कली मिस्पा सहरमी बाक्‍नुङ। गेपुकीम चहिं अङगुर, बर्खाम सिप्‍ब फल फुल नु तेल इन ग्‍योंबुम वोतीन। मिनु इन योव़शो सहरमी बाक्‍कीन” दे माइक्‍तीमी।

येरमीया 40:12

मिनु नोले यहूदी नेल्‍ल ते ते ब्रशो बाक्‍मा, मेक मेक रे लेश्‍शा, यहूदा रागी मिस्‍पाम गेदाल्‍याह आ बाक्‍तीकेम जाक्‍तेक्‍म। मिनु मेकोपुकीम शुश फल फुल नु अङगुर नु पोव़शी खुप्‍ताक्‍मे।

आमोस 8:1

मिनु परमप्रभु यावेमी आं कली मीशो फोव़शीम ब्रीशो डालो का कोंइताक्‍यी।

मीका 7:1

गो दोदेंशो पा श्‍येत ज‍शो बाक्‍नुङा? गो फल सिश्‍शा नोले, अङगुर रू ङा सिला माल्‍ची नोले मारेइ जचा मताइनुङ। आं माल्‍शो ङोंइती मीशो फोव़शी यो मबाक्‍ब। भजन संग्रह १२:२; यसैया ५७:१

१ सामुएल 10:3

मिनु मेकेर रे लाक्‍शा, ताबोर ङा ठेयब रवा आ नेक्‍था सम्‍म लाइनीसी। मेकेर परमप्रभु कली चढ़ेथ बेथेल गे लाइब मुर सां ग्रुम्‍नीसी। मेको ङोंइती ङा मुरुम पाठा सां, दाते ङा मुरुम शोब्‍ले सां नु नोले ङा मुरुम गर का अङगुर शांबु कुरशा गाक्‍‍शो बाक्‍नीम।

१ सामुएल 16:20

मिनु येस्‍सेमी कुशुल के थैलो का शांबु, पाठा का इच्‍का खोइ शोब्‍ले कुर पा नु आ तौ दाऊद कली सावल आ बाक्‍तीक सोइक्‍ता बाक्‍त।

१ सामुएल 25:18

मोपतीके अबीगेलम रीब पा सहे निक्‍शी शोब्‍ले, थैलो निक्‍शी अङगुर शांबु, क्‍योरशा ठीक सेल्‍शो ५ ओटा भेडा, ५ एफाह तांब्रा, सहे का सोव़पाइश्‍शो अङगुर के शोब्‍ले नु सहे निक्‍शी सोव़पाइश्‍शो फोव़शी गेडा के शोब्‍ले ठीक पा गधा आन कली कुरपदा बाक्‍त। एफाह का ७ लिटर खोदेंशो पा रीब।