२ सामुएल 15:8 - Sunuwar Bible8 मारदे हना गो, इन गेय पाइबम अराम ङा गेशुरम बाक्ङानु, कबल का पाता। गो मार कबल पाता देंशा हना, ‘परमप्रभु यावे, गे आं कली थमा पा यरूसलेमम लेश्शा चाक्ती हना, गो हेब्रोनम परमप्रभु यावे, इन कली ठेयब सेल्नुङ’ दे कबल पाता” देंमाक्त। उत्पत्ती २८:२०-२१; २सामुएल १३:३७-३८ အခန်းကိုကြည့်ပါ။ |
२ सामुएल 15:8
14 ပူးပေါင်းရင်းမြစ်များ
मिनु अब्सालोममी योआब कली “गो इन कली ब्रथ सोइक्ताक्ङ। गे आं पर्बम पिप कली लोव़ लाइक्नीनी कों, दे मिम्ताक्ङ। गे पिप कली ‘गो मारदे गेशुर रे जाक्चा माल्ङा? गो मेक उइ बाक्शो नङ हना, रिम्शो दुम वा’ देंचा कली ब्रेत्थ सोइक्ताक्ङ। गो पिप आ ङोंइती लचा तङल। गो मारेइ मरिम्शो पशो बाक्ती हना, दोस ताइब बाक्ती हना, साइय्यील” देंमाक्त।
तन्न परमप्रभु यावे आ नें ठेयब सेल्चा मदाक्नीनी हना, सु कली ठेयब सेल्नीनी? मुलाक्ती योव़ङीन। गे इन किकी पिपीमी खोला आइक्ची हांबुम पूजा पशो देवी देवता आन कली ठेयब सेल्नीनी देय मुल बाक्शो एमोरी आन रागी ङा देवी देवता आन कली ठेयब सेल्नीनी? योव़ङीन। तन्न गो नु आ खिं ङा मुरुमी परमप्रभु यावे कली ला ठेयब सेल्नीकी” देंत। ब्यवस्था ६:१३-१४
मिनु मेकोमी कबल पा “मुर नेल्ल आन परमप्रभु यावे, गे इन वाइलीम, आं श्येत तशा, आं कली मिम्शा, मप्रेंताक्नी हना, आं कली तौ का गेयीनी। गो मेको कली मबेक्म सम्म परमप्रभु यावे, इन कली जिम्मा गेनुङ। मेको आ चां गेनायो मप्रेक्सीब मेकोम गेनायो अङगुर शांबु मतूब” दे कबल पवा बाक्त। आमोस २:११; न्यायाधीस १३:५
ကြော်ငြာတွေ