२ सामुएल 15:32 - Sunuwar Bible

³² मिनु दाऊद परमप्रभु कली ठेयब सेल्‍तीक डांडा तार जाक्‍माक्‍त। मेना अरकी आ खिं ङा हुशाइ आ वा खाक्‍शा, आ पियाम खप फुंइसीशा दाऊद कली ग्रुम्‍थ जाक्‍माक्‍त। १राजा ३:२; यहोसु १६:२

२ सामुएल 15:32 ပူးပေါင်းရင်းမြစ်များ

२ सामुएल 1:2

मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।

२ सामुएल 13:19

मिनु तामारमी आ पियाम पुलु फुंइसीशा, आ लाइश्‍शो वा खाक्‍गा बाक्‍त। मिनु आ पियाम गुइ वोइश्‍शा ठेयब सेंदा पा ङाक्‍ना ङाक्‍न ल‍माक्‍त।

२ सामुएल 15:30

तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ सामुएल 16:1

दाऊद डांडा तार रे इच्‍का आइक्‍ची जाक्‍दीम्‍मेनु, मेफी-बोशेथ आ गेय पाइ‍ब सीबामी दाऊद कली ग्रुमा बाक्‍त। मेकोम लगम पाइश्‍शो गधा निक्‍शीम सहे निक्‍शी शोब्‍ले, सहे का मुठा सोव़शो अङगुर, सहे का फल फुल नु मसक का अङगुर शांबु कुरपाइश्‍शा, चाक्‍गा बाक्‍त। २सामुएल ७:२

२ सामुएल 16:15

अब्‍सालोम नु मेको नु बाक्‍ब इस्राएली नेल्‍ल यरूसलेम जाक्‍‍मा बाक्‍त। अहीथोफेल यो मेको नु बाक्‍माक्‍त।

२ सामुएल 17:5

तन्‍न अब्‍सालोमम “अरकी आ हुशाइ कली ब्रेत्‍तीन। मेकोमी मार देंबा, मेको नेंय” देंमाक्‍त। २सामुएल १६:१६

१ राजा 11:7

मिनु सोलोमनम मोआब ङा ग्रांग्रा दिशो मूर्ति केमोश नु अम्‍मोनी आन ग्रांग्रा दिशो मूर्ति मोलेक आस कली यरूसलेम आ पूर्ब गे ङा डांडा काम पूजा पतीक थान सेला बाक्‍त। गन्‍ती २१:२९; २राजा २३:१३

१ राजा 4:16

हुशाइ आ तौ बाना आशेर नु बेआलोथ ङा मुर आन ठेयब मुर बाक्‍माक्‍त।

१ इतिहास 27:33

मिनु अहीथोफेल यो पिप कली अर्ती गेब बाक्‍माक्‍त। अरकी आ मुर हुशाइ पिप आ वारच बाक्‍माक्‍त।

भजन संग्रह 3:7

आं परमप्रभु यावे, बोक्‍कीन। आं परमप्रभु, आं जोरी सत्रु रे प्रोंइयीनी। मिनु गे मेको आन चोव़चो राप्‍तीने। इन अरेशो लोव़ मटीब आन ख्रुइ जिक्‍तीने। गन्‍ती १०:३५

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

लूका 19:29

मिनु जैतून डांडा जाक्‍दीम्‍मा बाक्‍त। मेको डांडा आ आइदी बेथफागे नु बेथानी गाउं निक्‍शी बाक्‍सा बाक्‍त।

यहोसु 16:2

बेथेल कली लूज यो देंनीम। मेकेर रे अरकी आ मुर आन रागी लाक्‍शा, अतारोथ सम्‍म जाक्‍दीश्‍शो बाक्‍त।

१ सामुएल 4:12

मिनु मेको नाक्‍ती बेन्‍यामीन आ थर ङा मुर का लडाइ पतीक रे प्रोक्‍शा, खाक्‍शो वा फेक्‍सीशा, आ पियाम फुरक फुंइसीशा, दोरशा शिलोम जाक्‍माक्‍त।