२ सामुएल 15:30 - Sunuwar Bible

³⁰ तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ सामुएल 15:30 ပူးပေါင်းရင်းမြစ်များ

२ सामुएल 15:29

मिनु सादोक नु अबीयाथारम परमप्रभु आ सन्‍दोस यरूसलेम लेश्‍शा लदसे बाक्‍त। मिनु मेको मेक उइ बाक्‍सा बाक्‍त।

२ सामुएल 19:4

पिप आ कुल सुम्‍शा ठेयब सेंदा पा ङाक्‍ना ङाक्‍ना “आं तौ अब्‍सालोम, अब्‍सालोम, आं तौ, आं तौ” देंमाक्‍त।

२ सामुएल 19:5

मिनु योआब पिप आ खिंम ओव़शा मेको कली “गे मुलाक्‍ती इन कप्‍तान नेल्‍ल आन कली मुने तोक्‍तीनी। मारदे हना मुलाक्‍ती मेकोपुकीमी इन कली प्रोंइतेक्‍म। इन तमी तौ, इन मीशपुकी नु इन नोले चाक्‍शो मीश आन कली यो प्रोंइतेक्‍म।

एस्‍तर 6:12

मिनु नोले मोरदेकै पिप आ दरवार ङा ठेयब लाप्‍चोम लेत्‍त। मिनु हामान चहिं मुने पा कुल सुम्‍शा दोरोर पा दोरशा, आ खिं लत।

भजन संग्रह 42:3

आं प्रेक्‍कु नाक्‍दो नाक्‍ती आं जचा थोव़क दुम्‍शो बाक्‍ब। मारदे हना मुरपुकीमी नाक्‍त किंत किंत “इ परमप्रभु ते बाक्‍मे?” दे शुक्‍शी पा हिल्‍लो पस ङा पस बाक्‍नीम। भजन संग्रह ७९:१०

भजन संग्रह 43:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुम मार पाइबा, मेको रिम्‍दो। मिनु नोले आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

इजीकीएल 24:17

सिक्‍सी पा बाक्‍शा हुकयी पावो। बेक्‍शो मुर आ पर्बम रोंका मपावो। इ पियाम फेटा रुक्‍सो। खोइलीम जुत्ता लिक्‍सो। इ कुल मसुम्‍सो। मलामी आन जचा थोव़क मजावो” देंत। मीका ३:७; होसे ९:४

इजीकीएल 24:23

गे इन फेटा रुक्‍चा माल्‍नीनी। मिनु इन जुत्ता लिक्‍चा माल्‍नीनी। गेपुकीम रोंका मपने। मङाक्‍कीने, तन्‍न इन मरिम्‍शो पतीकेम इन रां सोव़शा लाइनीम। मिनु इन दातेम हुकयी पचा माल्‍नीनी। ब्‍यवस्‍था २६:३९-४०

जकरिया 14:4

मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।

मत्ती 5:4

आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७

लूका 19:29

मिनु जैतून डांडा जाक्‍दीम्‍मा बाक्‍त। मेको डांडा आ आइदी बेथफागे नु बेथानी गाउं निक्‍शी बाक्‍सा बाक्‍त।

लूका 19:37

मेको जैतून डांडा लाक्‍शा ब्रुम्‍मा बाक्‍त। येसुमी शुश छक लाक्‍चा ङा गेय पतीके मुर नेल्‍ल थाम्‍पा ग्‍येरशा, कुम्‍सो पा परमप्रभु यावे कली ठेयब सेल्‍ना सेल्‍न,

लूका 19:41

मिनु यरूसलेम सहर आ नेक्‍था जाक्‍शा, सहर तांइसेनु, येसु मेको सहर आ पर्बम ङाक्‍शा

लूका 21:37

मिनु येसुमी नाक्‍त मुर आन कली शेंना शेंन नाक्‍दो चहिं जैतून डांडाम लशा इप्‍बाक्‍माक्‍त।

लूका 22:39

मिनु मेकेर रे गाक्‍शा, ङोंइती ङा खोदेंशो पा जैतून डांडा जाक्‍दीम्‍माक्‍त। आ शेंसीबपुकीमी आ नोले खोदमे बाक्‍त।

प्रेरित 1:12

मिनु मेकोपुकी जैतून डांडा रे यरूसलेम लेम्‍मा बाक्‍त। मेको लां चहिं नाइक्‍तीक नाक्‍त गाक्‍चा दुम्‍तीक लां बाक्‍माक्‍त।

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

१ कोरिन्‍थी 12:26

मोदेंशो पा कांइचीक दुम्‍शोपुकी, काम श्‍येत जाप्‍तु हना, नेल्‍ल श्‍येत जाइनीम। काम मान ताप्‍तु हना, नेल्‍ल गारशा ग्‍येरसीनीम।