२ सामुएल 15:26 - Sunuwar Bible

²⁶ तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

२ सामुएल 15:26 ပူးပေါင်းရင်းမြစ်များ

२ सामुएल 10:12

सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।

२ सामुएल 11:27

मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।

२ सामुएल 19:28

आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७

२ सामुएल 22:20

मेकोमी आं कली लाङगा ङा ठेयब बाक्‍तीकेम ग्रुंइशा, श्‍येत रे प्रोंइती। मारदे हना मेको आं कली तशा ग्‍येरशो बाक्‍त।

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

१ इतिहास 21:7

मिनु परमप्रभु दाऊद आ पशो तशा, गाइक्‍ता बाक्‍त। मिनु इस्राएली आन कली सजाइ गेवा बाक्‍त १इतिहास २७:२४

२ इतिहास 9:8

परमप्रभु यावे, इन परमप्रभु ठेयब बाक्‍ब। इन कली तशा ग्‍येरसीशा आ ठेयब नित्‍तीकेमी इन कली निप्‍पाइश्‍शा, आ पा ङा पिप सेल्‍तु। मारदे हना परमप्रभु यावे, इन परमप्रभुम इस्राएली आन कली दाक्‍शा, गेना हना यो बाक्‍पाइक्‍चा थुं पाप्‍तु। मोपतीके इन कली मेकेर ठीक निसाफ पचा नु ठीक पतीके शेंचा, दे आन पिप सेल्‍तु” देंमाक्‍त। १इतिहास २९:२३

भजन संग्रह 39:9

गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

येरमीया 22:28

मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

गन्‍ती 14:8

परमप्रभु यावे गोपुकी इं कली तशा ग्‍येरसाक्‍व हना, मेकोमी इं कली मेको रागीम चाक्‍दीप्‍ब। मिनु मेको रागी दूध नु खुदो शुश बाक्‍शो रागी बाक्‍ब। मेको रागी इं कली गेब। गन्‍ती १३:२७

मत्ती 1:10

हिज्कीयाहमी मनस्‍से थि‍माक्‍त। मनस्‍सेमी आमोन थि‍माक्‍त। आमोनमी योसीयाह थि‍माक्‍त।

यहोसु 9:25

मुल गो इन गुइमी बाक्‍नीकी। आंइ कली मार पशो नु रिम्‍शो लाक्‍नीनी, मोदेंशोन पन” देंतेक्‍म।

न्‍यायाधीस 10:15

तन्‍न इस्राएलीपुकीमी परमप्रभु यावे कली “गोपुकीमी पाप पाइतक। मोपतीके गे आंइ कली मार पचा दाक्‍नीनी, मेको पन। तन्‍न मुल आंइ कली प्रोनीन” दे पुन्‍मे बाक्‍त।

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६