२ सामुएल 15:24 - Sunuwar Bible

²⁴ मिनु अबीयाथार, सादोक नु लेवी नेल्‍ल परमप्रभु आ कबल पशो सन्‍दोस कुरशा, जाक्‍मा बाक्‍त। मेकोपुकी चहिं सहर ङा मुर नेल्‍ल ग्रूशा मगाक्‍मा सम्‍म सन्‍दोस नाइश्‍शा रिम्‍शा बाक्‍मा बाक्‍त।

२ सामुएल 15:24 ပူးပေါင်းရင်းမြစ်များ

२ सामुएल 15:27

कोव़ङीन, गे नु इ तौ अहीमाज नु अबीयाथार नु आ तौ योनाथन एको ठिटा निक्‍शी आस कली लाइश्‍शा, सहर लेतीन। १राजा १:४२

२ सामुएल 15:35

चढ़ेब सादोक नु अबीयाथार गे नु मेक बाक्‍नीस। पिप आ खिंम मार मार लोव़ नेंनी, मेको नेल्‍ल मेको आस कली शेंदीम्‍सी।

२ सामुएल 20:25

शेवा चहिं लडाइ पाइब आन ब्रेक्‍ब बाक्‍माक्‍त। सादोक नु अबीयाथार चहिं चढ़ेब बाक्‍सा बाक्‍त।

२ सामुएल 6:13

परमप्रभु यावे आ सन्‍दोस कुरब मुर ६ पैला गाक्‍शा नोले, मेकोपुकीम ब्‍यफ का नु दोम्‍शो बाछा का क्‍योरशा चढ़ेमे बाक्‍त। १राजा ८:५

२ सामुएल 8:17

अहीतुब आ तौ सादोक नु अबीयाथार आ तौ अहीमेलेक चढ़ेब बाक्‍सा बाक्‍त। सेरायाह ब्रेक्‍ब बाक्‍माक्‍त।

१ राजा 1:8

तन्‍न चढ़ेब सादोक, येहो-यादा आ तौ बेनायाह, परमप्रभु यावे आ लोव़ पाइब नाथान, शिमेइ, रेइ नु दाऊद आ लडाइ पाइबपुकी चहिं अदोनीयाह नु मगारमा बाक्‍त।

१ राजा 2:26

मिनु पिपम चढ़ेब अबीयाथार कली “अनाथोथम बाक्‍शो इ खिंम लावो। गे साइक्‍चा पुंइसीब बाक्‍नेवे। मो हना यो मुल गो इ कली मसाइक्‍नन। मारदे हना गे आं आफ दाऊद आ ङोंइती परमप्रभु यावे आ सन्‍दोस कुरब बाक्‍ते। मिनु गे मेको आ श्‍येत नेल्‍लेम बाक्‍शो बाक्‍ते” देंमाक्‍त। १राजा १:७; १सामुएल २२:२०-२३; १सामुएल ३०:७; २सामुएल १५:२४

१ राजा 2:35

मिनु पिपमी येहो-यादा आ तौ बेनायाह कली योआब आ पा ङा लडाइ पाइब आन ठेयब मुर सेला बाक्‍त। मिनु चढ़ेब अबीयाथार आ पा ङा सादोक कली चढ़ेब सेला बाक्‍त। १राजा ४:४

१ इतिहास 15:2

मिनु नोले दाऊदम “लेवी आ थर ङा मरुमी ला परमप्रभु आ सन्‍दोस कुरचा माल्‍नीम” दे हुकुम पवा बाक्‍त। मारदे हना परमप्रभु यावेमी लेवी आन कली आ सन्‍दोस कुरचा नु गेना हना यो परमप्रभु आ गेय पचा कली योव़शो बाक्‍मा बाक्‍त।

इजीकीएल 48:11

मिनु मेको परमप्रभु यावे कली चढ़ेब आन भाग दुम्‍चा माल्‍ब। आं गेय पाइब सादोक आ चच युइ आन के दुम्‍ब। मेकोपुकी इस्राएली नु लेवीपुकी हेंथे गाक्‍तेक्‍म हना यो, मेकोपुकी हेंथे मगाक्‍थु, आं गेय पाम्‍तेक्‍म। इजीकीएल ४०:४६

गन्‍ती 4:15

मिनु हारून नु आ तौपुकीमी मेको ग्रुम्‍तीक ताम्‍बु ङा मारेइ मारेइ सुम्‍ने थुम्‍मे नोले कोहाथीपुकी मेको कुरथ जाक्‍चा माल्‍नीम। तन्‍न मेकोपुकीमी परमप्रभु यावे आ मार मार थोव़क थिचा मदुम्‍नीम। मेकोपुकीम थिम्‍तेक्‍म हना, बेक्‍नीम। कोहाथीपुकीमी ग्रुम्‍तीक ताम्‍बु ङा कुरचा माल्‍शो थोव़क मेकोन बाक्‍नीम। गन्‍ती ७:९; २सामुएल ६:६-७

गन्‍ती 7:9

तन्‍न मेकोमी कोहाथी आन कली मारेइ मगेमी। मारदे हना मेकोपुकीमी परमप्रभु यावे आ मार मार थोव़क कोव़चा नु आन बलाम कुरचा माल्‍बाक्‍तेक्‍म। गन्‍ती ४:१५

यहोसु 3:3

मिनु मेकोपुकीमी मुर आन कली “गेपुकी गेना परमप्रभु यावे, इन परमप्रभु आ कबल पशो सन्‍दोस चढ़ेब लेवीपुकीम कुरशो ताइनीनी, मेना छुल छाल बोक्‍शा, इन मारेइ मारेइ कुरशा, मेको आन नोले खोतीन।

यहोसु 3:6

यहोसुमी चढ़ेब आन कली “परमप्रभु आ कबल पशो सन्‍दोस कुरशा, मुर आन ङोंइती गाक्‍कीन” देंत। मिनु मेकोपुकी सन्‍दोस कुरशा, मुर आन ङोंइती गाक्‍तेक्‍म। यहोसु ६:६

यहोसु 6:4

मिनु ७ जना चढ़ेब ७ ओटा ताप्‍तीक ग्रोव़ कुरशा, परमप्रभु यावे आ सल्‍ला पतीक सन्‍दोस कुरशो चढ़ेब आन ङोंइङोंइती गाक्‍चा माल्‍नीम। मिनु ७ नाक्‍तीमी गे ७ खेयप मेको सहर एर ओंथ हिरचा माल्‍नीनी। मेना मेको ७ जना चढ़ेबपुकीमी आन ग्रोव़ ताम्‍ना ताम्‍न गाक्‍चा माल्‍नीम।

यहोसु 6:6

मिनु नून आ तौ यहोसुमी चढ़ेब आन कली ब्रेश्‍शा, मेको आन कली “परमप्रभु यावे आ कबल पशो सन्‍दोस कुरीन। मेको ७ जना अरु चढ़ेबपुकी चहिं ७ ओटा ताप्‍तीक ग्रोव़ कुरशा, परमप्रभु यावे आ कबल पशो सन्‍दोस कुरब आन ङोंइती गाक्‍पतीन” देंत।

१ सामुएल 22:20

अहीतुब आ तौ अहीमेलेक आ तौ का अबीयाथार चहिं प्रोक्‍शा दाऊद आ बाक्‍तीक जाक्‍दीम्‍माक्‍त। १सामुएल २३:६; मर्कूस २:२६

१ सामुएल 4:11

मिनु परमप्रभु आ कबल पशो सन्‍दोस रोइश्‍शा, एली आ तौ होफ्‍‍नी नु फिनेहास आस कली यो सदमे बाक्‍त। १सामुएल २:३४