२ सामुएल 15:18 - Sunuwar Bible

¹⁸ मिनु पिप आ ठेयब गेय पाइब, केरेथी नु पेलेथी नेल्‍ल, गाथ सहर रे जाक्‍शो ६ सहे गित्त आ खिं ङा नु मुर नेल्‍ल पिप आ ङोंइती लाक्‍गमे बाक्‍त। २सामुएल ८:१८; १सामुएल २७:२

२ सामुएल 15:18 ပူးပေါင်းရင်းမြစ်များ

२ सामुएल 15:17

मिनु पिप गाक्‍माक्‍त। मिनु मुर नेल्‍ल आ नोले खोदमे बाक्‍त। मिनु नोले ङा खिंम चहिं दिक्‍मा बाक्‍त।

२ सामुएल 18:2

मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९

२ सामुएल 20:23

योआब इस्राएल ङा लडाइ पाइब आन नेल्‍ल क्‍येङा ठेयब मुर बाक्‍माक्‍त। येहो-यादा आ तौ बेनायाह केरेथी नु पेलेथी पिप कली खाल पाइब आन ठेयब मुर बाक्‍माक्‍‍त। २सामुएल ८:१६-१८; १राजा ४:४-६

२ सामुएल 20:7

मिनु योआबम केरेथी, पेलेथी नु लडाइ पाइब नेल्‍ल यरूसलेम रे लाइश्‍शा, बिक्री आ तौ शेबा कली खेदा पवा बाक्‍त। २सामुएल ८:१८

२ सामुएल 6:10

मिनु दाऊदमी परमप्रभु यावे आ सन्‍दोस आ बाक्‍तीके, दाऊद आ सहर, लाइक्‍ने मचबा बाक्‍त। मिनु आ खिं लाइक्‍चा आ पा ङा मेको गित्त आ खिं ङा मुर, ओबेद-एदोम आ खिंमी चाक्‍दीदा बाक्‍त।

२ सामुएल 8:18

येहो-यादा आ तौ बेनायाह, केरेथी नु पेलेथी, पिप कली कोव़ब आन ठेयब मुर बाक्‍माक्‍त। दाऊद आ तौपुकी चहिं चढ़ेब बाक्‍मा बाक्‍त। २सामुएल १५:१८

१ राजा 1:38

मिनु चढ़ेब सादोक, परमप्रभु यावे आ लोव़ पाइब नाथान, येहो-यादा आ तौ बेनायाह नु केरेथी नु पेलेथी उइ ब्रुप्‍शा सोलोमन कली दाऊद पिप आ खच्‍चरम ङोइक्‍पाइश्‍शा गिहोन सम्‍म लदमे बाक्‍त। २सामुएल ८:१८

१ इतिहास 18:17

येहो-यादा आ तौ बेनायाह केरेथी नु पेलेथी पिप कली खाल पाइब आन कप्‍तान बाक्‍माक्‍त। दाऊद आ तौपुकी चहिं पिप आ गेय पाइब आन ठेयब मुर बाक्‍मा बाक्‍त।

१ सामुएल 23:13

मिनु दाऊदमी आ ६ सहे खोइ मुर लाइश्‍शा, कैलाह रे गाक्‍माक्‍त। मिनु तेइ तेइ हिरना हिरन बाक्‍मा बाक्‍त। दाऊद कैलाह रे प्रोक्‍त, देंशो लोव़ नेंशा, सावल लेम्‍माक्‍त।

१ सामुएल 25:13

मिनु दाऊदम आ मुर आन कली “नेल्‍लेमी आंम आंम तरवार पिम्‍सीन” देंमाक्‍त। दाऊदमी यो आ तरवार पिम्‍से बाक्‍त। मिनु ४ सहे जना खोइ मुर दाऊद आ नोले खोदमे बाक्‍त। सहे निक्‍शी मुर चहिं मार मार खाल पचा कली मेक उइ बाक्‍मा बाक्‍त।

१ सामुएल 27:3

दाऊद आ लडाइ पाइब मुर, मेको आन खिं ङा मुर नु दाऊद नु आ मीश निक्‍शी, येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल गाथम अकीश नु बाक्‍मा बाक्‍त। १सामुएल २५:४०-४३

१ सामुएल 27:4

दाऊद गाथम प्रोक्‍शा लत देंशो लोव़ मुरुमी सावल कली नेंपदमे बाक्‍त। मिनु मेकोम दाऊद कली माल्‍चा प्रोना बाक्‍त।

१ सामुएल 30:1

मिनु लेम्‍मा आ नित्‍थ नाक्‍ती सिकलाग जाक्‍दीम्‍मा बाक्‍त। मेना अमालेकीपुकीमी नेगेब रोइक्‍ने थुम्‍शा, सिकलागम लडाइ तोशा मी सुइश्‍शो बाक्‍मा बाक्‍त। १सामुएल २७:६

१ सामुएल 30:14

गो यहूदा रागी ङा केरेथी आन नेगेब ङा मारेइ मारेइ नु कालेब आ नेगेब तेइ तेइ रोइक्‍ताक्‍क। मिनु सिकलाग सहरम मी सुइक्‍ताक्‍क” देंमाक्‍त। २सामुएल ८:१८; यहोसु १४:१३

१ सामुएल 30:9

मिनु दाऊद नु मेको आ ६ सहे मुर गाक्‍मा बाक्‍त। मिनु बेसोर ङा खोल्‍सा सम्‍म जाक्‍दीम्‍मा बाक्‍त। मेकेर दशा गाक्‍ने मचाप्‍बपुकी बाक्‍मा बाक्‍त।