२ सामुएल 14:33 - Sunuwar Bible

³³ मिनु नोले योआब पिप आ बाक्‍तीक लशा, अब्‍सालोम आ लोव़ नेंपदा बाक्‍त। मिनु पिपमी अब्‍सालोम कली ब्रेत्‍थ सोइक्‍ता बाक्‍त। मिनु मेको पिप आ ङोंइती जाक्‍शा खप सम्‍म बाप्‍शा, सेउ पवा बाक्‍त। मिनु पिपमी अब्‍सालोम कली पुक्‍पु पदा बाक्‍त।

२ सामुएल 14:33 ပူးပေါင်းရင်းမြစ်များ

उत्पत्ती 27:26

मिनु आ आफ इसहाकम “आं नेक्‍था पिवो, आं कली पुक्‍पु पावो, आं तौ” देंमाक्‍त।

उत्पत्ती 33:4

मिनु एसावमी मेको कली तशा, दोरशा ग्रुम्‍थ जाक्‍माक्‍त। मिनु आ लोक्‍ब कली मुप्‍शा पुक्‍पु पदा बाक्‍त। मिनु निम्‍फा ङाक्‍सा बाक्‍त।

उत्पत्ती 45:15

मिनु नोले आ लोक्‍ब नेल्‍ल आन कली मुप्‍शा, पुक्‍पु पाइश्‍शा ङाक्‍माक्‍त। मिनु नोले आ लोक्‍बपुकीमी लोव़ पचा गोव़मे बाक्‍त।

२ सामुएल 15:5

सुइ मुर मेको कली सेउ पथ जाक्‍मेनु, मेको कली आ गुइ हाम्‍शा मुप्‍शा, पुक्‍पु पाइक्‍बाक्‍माक्‍त।

२ सामुएल 19:39

मिनु मुर नेल्‍ल यर्दन आइक्‍ची हांबु शोक्‍समा बाक्‍त। पिप यो शोक्‍से बाक्‍त। मिनु पिपमी बारजील्‍लाइ कली पुक्‍पु पा आसीक गेवा बाक्‍त। मिनु बारजील्‍लाइ आंम आ खिं लेम्‍माक्‍त।

१ राजा 1:53

मिनु पिप सोलोमनम मुर आन कली सोइश्‍शा, मेको कली चढ़ेतीक रे उइ तोइक्‍पदा बाक्‍त। मिनु अदोनीयाह जाक्‍शा, पिप सोलोमन कली सेउ पवा बाक्‍त। मिनु सोलोमनम मेको कली “इ खिं लावो” दे मदा बाक्‍त।

लूका 15:20

मिनु आ आफ आ खिं लेम्‍माक्‍त। मिनु आ आफ आ खिं जाक्‍दीत्‍चावानु, आ आफोमी कान्‍छा कली पिशो तशा, शिशी पा दोरशा लशा मुप्‍शा पुक्‍पु पदा बाक्‍त।