२ सामुएल 14:3 - Sunuwar Bible

³ मिनु पिप आ बाक्‍तीक लशा, आं शेंशो लोव़ देंनो” दे मदा बाक्‍त। मिनु मार देंचा माल्‍बा, योआबम मेको कली शेंदा बाक्‍त।

२ सामुएल 14:3 ပူးပေါင်းရင်းမြစ်များ

२ सामुएल 14:19

मिनु पिपमी “मार, एको नेल्‍ल योआब आ देंशो बाक्मे?” देंमाक्‍त। मिनु मेको मीश मुरुमी “इन ब्रोंइशा बाक्‍शो खोदेंशो पा, आं प्रभु पिप, गे मारेइ लोव़ हिल्‍लो पनीनु, लोव़ लेप्‍ब के ग्‍युरा पेरा लतीक मबाक्‍ब। मारदे हना इन गेय पाइब योआबम आं कली मोदेंशो लोव़ पचा शेंशा सोइक्‍ताक्‍यी।

२ सामुएल 14:4

मिनु तेकोहा सहर ङा मीश मुर पिप आ बाक्‍तीक जाक्‍शा, खप सम्‍म बाप्‍शा सेउ पवा बाक्‍त। मिनु ङाक्‍ना ङाक्‍न “पिप वारच पाइय्‍यीनी” देंमाक्‍त।

एज्रा 8:17

मिनु गो कासीपीया ङा ठेयब मुर इददो आ बाक्‍तीकेमी “लन” दे सोइक्‍ताक्‍ङमी। मिनु मेको आन कली कासीपीयाम लशा, इददो मेको आ मुरपुकी नु मेकेर ङा परमप्रभु आ खिंम गेय पाइब आन कली “आंइ परमप्रभु आ खिंमी गेय पचा कली गेय पाइबपुकी सोइक्‍तीन” दे माइक्‍थ सोइक्‍ताक्‍ङमी।

प्रस्‍थान 4:15

गो इ पचा माल्‍शो लोव़ नेल्‍ल शेंनुङ। मिनु गे मेको हारून कली देंचा माल्‍नेवे। मिनु मेकोमी इ पा ङा मुर आन कली लोव़ पचा माल्‍ब। मेको इ शोव़ खोदेंशो दुम्‍ब। गो इ कली लोव़ पाइब परमप्रभु खोदेंशो पा, गे हारून कली लोव़ पाइब बाक्‍नीनी।

यसैया 51:16

गो इ कली आं लोव़ पपाइक्‍ता। गो इ कली आं गुइ ङा वांकुमी सुम्‍शा वोइक्‍तन। सरीङ प्राक्‍ब नु रागी आ जग वोइक्‍ब गो नङ। मिनु सियोन कली ‘गे आं मुर बाक्‍नीनी’ देंशो बाक्‍नुङ” देंत।

यसैया 59:21

“गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

येरमीया 1:9

मिनु नोले परमप्रभु यावेम आ गुइ दिंशा, आं शोव़ थिप्‍तु। मिनु आं कली “मुल आं लोव़ इ शोव़म कुर पाता। प्रस्‍थान ४:१२

गन्‍ती 23:5

मिनु परमप्रभु यावेमी बालाम कली लोव़ पशा “गे बालाक आ बाक्‍तीके लेतो। इ कली देंशो लोव़ मेको कली मतो” देंत।

ब्‍यवस्‍था 18:18

मिनु परमप्रभु यावेमी आं कली ‘इ खोदेंशो पा आं लोव़ पाइब, आन लोक्‍ब आन दाते रे का योव़नुङ। आं देंचा माल्‍शो लोव़ गो मेको कली देंपाइक्‍नुङ। मिनु आं अरेशो लोव़ मेकोमी नेल्‍ले मुर आन कली देंब। प्रस्‍थान ४:१२; यसैया ६:८; येरमीया १:९; मत्ती १०:१९