२ सामुएल 14:25 - Sunuwar Bible

²⁵ इस्राएल नेल्‍लेमी अब्‍सालोम खोदेंशो दारशो सुइ मबाक्‍मा बाक्‍त। आ पिया रे खोइल सम्‍म मेको के मारेइ मरिम्‍शो मदुम्‍शो मबाक्‍माक्‍त।

२ सामुएल 14:25 ပူးပေါင်းရင်းမြစ်များ

१ राजा 1:6

मिनु मेको आ आफोम मेको कली “गे मारदे मोदेंशो पवी?” दे गेनायो महुइक्‍ता बाक्‍त। अदोनीयाह यो थम दारशो मुर का बाक्‍माक्‍त। मेको अब्‍सालोम क्‍येङा नोले जरमेशो बाक्‍माक्‍त।

अय्‍युब 2:7

मिनु सैतान परमप्रभु यावे आ ङोंइती रे गाक्‍माक्‍त। मेकोमी अय्‍युब आ पिया रे खोइल सम्‍म गार मुपदा बाक्‍त। ब्‍यवस्‍था २८:२७

हितोपदेस 31:30

मुर आन दारस जोल बाक्‍ब। मेको दारस जाम्‍शा लाइब। तन्‍न परमप्रभु यावे कली मान पा हिंब मीश मुर मान पाइक्‍चा पुंइसीब। हितोपदेस ११:२२

यसैया 1:6

पिया रे खोइल सम्‍म तेइ सेस मबाक्‍ब। राक्‍शो गार नु तुप्‍शा हुश यिशो गार ला बाक्‍नीम। मेको नेंने मपुक्‍शो, मफ्रेंशो नु तेल मख्रेक्‍शो बाक्‍नीम। ब्‍यवस्‍था २८:३५

इजीकीएल 23:15

आन क्रातोम किप्‍शुर क्‍यिप्‍शो नु आन पियाम रोम्‍सीशो फेटा रुक्‍शो, नेल्‍ल ठेयब मुर खोदेंशो तांइसीशो बाक्‍तेक्‍म। मेको बेबीलोनम बाक्‍शो कल्‍दी ङा मुर बाक्‍तेक्‍म।

दानीएल 1:4

गे ठिटा वोंइश मुर, मारेइ मदुम्‍शो रिम्‍शो रां पाइश्‍शो, दारशो, शुश निप्‍स पाइश्‍शो, जोक्‍ब तुइक्‍ब, रुप्‍तीके थुं पाइश्‍शो नु पिप आ दरवारमी गेय पने चाप्‍ब आन कली योव़ङो” दे अरेवा बाक्‍त। मिनु मेको आन कली कल्‍दी आन ब्रेक्‍स नु लोव़ शेंचा माल्‍बाक्‍माक्‍त।

मत्ती 23:27

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बुलु ब्रुइश्‍शा दारपाइश्‍शो तुरस खोदेंशो ननी। मेको आ तारी दारशो तांइसीब, तन्‍न आगाम रुश राक्‍शा, रिना पाइश्‍शा ग्रांग्रा दिचा ङा बाक्‍ब।

एफिसी 5:27

मोदेंशो पा थमा सुइश्‍शा, छेङछेङ पाइश्‍शो मुरपुकी आंम कली वोइश्‍शो बाक्‍त। मेकोपुकी मारेइ मलुम्‍सीशो, मरोम्‍सीशो, थम दारशो नु परमप्रभु यावे आ मुर दुम्‍शा, दोस मताइब मुरपुकी बाक्‍नीमी। २कोरिन्‍थी ११:२; कलस्‍सी १:२२

ब्‍यवस्‍था 28:35

मिनु परमप्रभु यावेमी इन पोक्‍च नु खोइलीम गेनायो मसाब गार मुपाइक्‍ब। मिनु मोदेंशो गारम इन पिया रे दिम्‍ला सम्‍म रां नेल्‍ल सुम्‍पाइक्‍ब। मिनु सुइम इन कली सापाइक्‍ने मचाप्‍ब।

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४

१ सामुएल 9:2

मिनु मेको आ तौ का बाक्‍माक्‍त। मेको आ नें सावल बाक्‍माक्‍त। मेको ठिटा दारशो बाक्‍माक्‍त। मेना इस्राएल रागीमी मेको क्‍येङा दारशो अर्को सुइ मबाक्‍मा बाक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।