२ सामुएल 14:22 - Sunuwar Bible

²² मिनु योआबमी आ कुल खप सम्‍म बा‍प्‍शा, सेउ पवा बाक्‍त। मेकोमी पिप कली “परमप्रभु यावेमी इन कली आसीक गेवल। मुलाक्‍ती गो आं प्रभु, पिप इन ङोंइती शिशी ताता, दे तुइक्‍ताक्‍ङ। मारदे हना गे आं पुंइशो गेतीनी” देंमाक्‍त।

२ सामुएल 14:22 ပူးပေါင်းရင်းမြစ်များ

उत्पत्ती 47:7

मिनु नोले योसेफमी आ आफ कली फाराओ आ ङोंइती राप्‍पदा बाक्‍त। मिनु याकूबमी फाराओ कली आसीक गेवा बाक्‍त।

उत्पत्ती 6:8

मिनु परमप्रभु यावेमी नोआह तवानु, मेको कली दाक्‍ता बाक्‍त। हिब्रू ११:७

२ सामुएल 14:21

मिनु पिपमी योआब कली “दुम्‍ब, गो एको लोव़ बिस्‍साक्‍यी। लशा, मेको ठिटा अब्‍सालोम कली लेश्‍शा चाक्‍कीन” देंमाक्‍त।

२ सामुएल 14:23

मिनु योआब रीब पा गेशुर लशा, अब्‍सालोम कली यरूसलेमम चाक्‍गा बाक्‍त। २सामुएल १३:३७

२ सामुएल 14:4

मिनु तेकोहा सहर ङा मीश मुर पिप आ बाक्‍तीक जाक्‍शा, खप सम्‍म बाप्‍शा सेउ पवा बाक्‍त। मिनु ङाक्‍ना ङाक्‍न “पिप वारच पाइय्‍यीनी” देंमाक्‍त।

२ सामुएल 19:39

मिनु मुर नेल्‍ल यर्दन आइक्‍ची हांबु शोक्‍समा बाक्‍त। पिप यो शोक्‍से बाक्‍त। मिनु पिपमी बारजील्‍लाइ कली पुक्‍पु पा आसीक गेवा बाक्‍त। मिनु बारजील्‍लाइ आंम आ खिं लेम्‍माक्‍त।

नेहेम्‍याह 11:2

मुरपुकीमी यरूसलेममी ग्‍येरशा लाइब नेल्‍ल आन कली आसीक गेम्‍तेक्‍म।

अय्‍युब 29:11

आं ब्‍वाक्‍शो नेंबपुकीम आं कली ठेयब सेल्‍तीमी। मिनु आं कली तशा ‘रिम्‍शो बाक्‍ब’ देंतेक्‍म।

अय्‍युब 31:20

मेको आन कली आं भेडा आन ऊन रे सेल्‍शो फेक्‍तीकेम महोपाइक्‍तीके मेकोपुकीम आं कली आसीक मगे‍शो बाक्‍‍तेक्‍म हना,

हितोपदेस 31:28

मेको आ आलपुकीमी “आंइ आम ग्‍येरसीशो बाक्‍ब” देंनीम। आ वोंइशेमी यो मेको कली मान पाइब।

रूथ 2:2

मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।

१ सामुएल 20:3

मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।