२ सामुएल 14:19 - Sunuwar Bible

¹⁹ मिनु पिपमी “मार, एको नेल्‍ल योआब आ देंशो बाक्मे?” देंमाक्‍त। मिनु मेको मीश मुरुमी “इन ब्रोंइशा बाक्‍शो खोदेंशो पा, आं प्रभु पिप, गे मारेइ लोव़ हिल्‍लो पनीनु, लोव़ लेप्‍ब के ग्‍युरा पेरा लतीक मबाक्‍ब। मारदे हना इन गेय पाइब योआबम आं कली मोदेंशो लोव़ पचा शेंशा सोइक्‍ताक्‍यी।

२ सामुएल 14:19 ပူးပေါင်းရင်းမြစ်များ

२ सामुएल 11:11

मिनु उरीयाहमी “परमप्रभु आ सन्‍दोस, इस्राएल नु यहूदा ङा मुर नेल्‍ल, आं प्रभु योआब नु इन गेय पाइब नेल्‍ल दिंम ङा बाक्‍तीकेम बाक्‍शो बाक्‍नीम। मिनु गो दोपा जचा तूचा नु आं मीश नु इप्‍चा कली खिं लाइक्‍नुङा? गे इन ब्रोंइशा बाक्‍शो खोदेंशो पा, गो मो पने मचाप्‍नुङ” देंमाक्‍त।

२ सामुएल 14:18

मिनु पिपमी मेको मीश मुर कली “आं ङोंइती मारेइ लोव़ मख्रुइक्‍तो, इ कली लोव़ का हिल्‍लो पाइक्‍नुङ” देंमाक्‍त। मिनु मीश मुरुमी “आं प्रभु पिप, देंनीन” देंमाक्‍त।

२ सामुएल 14:3

मिनु पिप आ बाक्‍तीक लशा, आं शेंशो लोव़ देंनो” दे मदा बाक्‍त। मिनु मार देंचा माल्‍बा, योआबम मेको कली शेंदा बाक्‍त।

२ सामुएल 18:13

मिनु गो मेको कली मरिम्‍शो पा साइक्‍ता हना, मेको लोव़ पिपमी रीब पा नेंब। मिनु गे दोस मताइब दुम्‍नीनी” देंमाक्‍त।

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

२ सामुएल 3:29

मेको दोस योआब नु आ आफ आ खिं ङा मुर आन पियाम दुम्‍ल। योआब आ खिंम ग्रांग्रा यितीके रोइ पाइब कि कोव़र मुशो रोइ पाइब कि कोक्‍के तिक्‍शा गाक्‍ब कि तरवारम साइक्‍चा पुंइसीब कि जचा मताइब मुर का गेना हना यो बाक्‍ल” देंमाक्‍त।

२ सामुएल 3:34

इ गुइ मफ्रेंशो बाक्‍त। इ खोइलीम साङलो मपाइश्‍शो बाक्‍त। गे परमप्रभु यावे आ अरेशो मटीब आन ङोंइती मेकोपुकी खोदेंशो पा गोल्‍ते” देंमाक्‍त। मिनु मुर नेल्‍ल मेको आ पर्बम लेंशा ङाक्‍मा बाक्‍त।

२ राजा 2:2

मिनु एलीयामी एलीशा कली “गे एक उइ बाक्‍को। मारदे हना परमप्रभु यावेमी आं कली बेथेल सोइश्‍शो बाक्‍ब” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी बेथेल ब्रुप्‍सा बाक्‍त।

प्रस्‍थान 4:15

गो इ पचा माल्‍शो लोव़ नेल्‍ल शेंनुङ। मिनु गे मेको हारून कली देंचा माल्‍नेवे। मिनु मेकोमी इ पा ङा मुर आन कली लोव़ पचा माल्‍ब। मेको इ शोव़ खोदेंशो दुम्‍ब। गो इ कली लोव़ पाइब परमप्रभु खोदेंशो पा, गे हारून कली लोव़ पाइब बाक्‍नीनी।

हितोपदेस 25:2

परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।

हितोपदेस 4:27

ग्‍युरा पेरा मलावो। मरिम्‍शो पतीक नेल्‍ल रे ङोन बाक्‍को। यहोसु १:७

गन्‍ती 20:17

मिनु गो आंइ रागी रे पा लचा गेने। गोपुकी रू नु अङगुर रू रे पा मलाइनीकी। गोपुकीम इन तेकोइ इनार ङा ब्‍वाक्‍कु मतूनीकी। गो पिप आ ठेयब लां रे पा लाइनीकी। इन रागी मलाक्‍का सम्‍म गो ग्‍युरा पेरा मपाइनीकी’ देंशो बाक्‍ब, देनीन” दे मुर सोइक्‍ताक्‍मी। गन्‍ती २१:२२; ब्‍यवस्‍था २:१-८; न्‍यायाधीस ११:१७

लूका 21:15

मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

ब्‍यवस्‍था 28:14

मिनु आं देंशो लोव़ नेल्‍ल पाइतीनी हना, आइदी आइक्‍था पा अरु देवी देवता आन हेंथे लां मलाइतीनी हना, मोदेंशो आसीक राइब दुम्‍नीनी। ब्‍यवस्‍था ५:२९-३२

ब्‍यवस्‍था 5:32

मोपतीके इन परमप्रभु यावेमी इन कली शें‍शो होस पा टिने। गेपुकी ग्‍युरा पेरा गे मलथु, आ लां खोतीन। ब्‍यवस्‍था ४:२; ब्‍यवस्‍था २८:१४; यहोसु १:७; हितोपदेस ४:२७

यहोसु 1:7

गे थम बोल्‍यो नु महिंब दुमो। आं गेय पाइब मोसामी इ कली अरेशो लोव़ नेल्‍ल होस पा टिवो। मेको रे ग्‍युरा पेरा गे मलावो। मिनु गे ते लते हना यो ग्रानेवे। ब्‍यवस्‍था ५:२९; ब्‍यवस्‍था २९:८; १राजा २:३

१ सामुएल 1:26

मिनु हान्‍नाहमी मेको कली “आं प्रभु, गे ब्रोंइशा बाक्‍शो खोदेंशो पा, गो थमा लोव़ पाइनुङ। गो परमप्रभु यावे कली पुंइशा, इन ङोंइती राप्‍शा, बाक्‍ब मीश मुर नङ।

१ सामुएल 17:55

मिनु सावलमी दाऊद कली पलिस्‍तीपुकी नु लडाइ पथ लशो तशा, मेकोम आ लडाइ पाइब आन कप्‍तान आब्‍नेर कली “मेको ठिटा सु का आ तौ बाक्‍मे?” दे हिल्‍लो पवा बाक्‍त। मिनु आब्‍नेरमी “गो इन नेंमी कसम जशा देंनुङ, गो मेको कली मतुइक्‍नुङ” देंमाक्‍त।

१ सामुएल 20:3

मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।

१ सामुएल 25:26

आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।