२ सामुएल 14:17 - Sunuwar Bible

¹⁷ मिनु इन वाइलीम, आं प्रभु, आं पिप, आ लोव़म आं थुं नाइक्‍चा गेब। मारदे हना गे, आं प्रभु पिप, परमप्रभु आ स्‍वर्ग ङा गेय पाइब खोदेंशो बाक्‍नीनी। रिम्‍शो नु मरिम्‍शो तिल्‍ब बाक्‍नीनी। परमप्रभु यावे, इन परमप्रभु गे नु बाक्‍ब” देंमाक्‍त। २सामुएल १९:२८; १सामुएल २९:९

२ सामुएल 14:17 ပူးပေါင်းရင်းမြစ်များ

२ सामुएल 14:18

मिनु पिपमी मेको मीश मुर कली “आं ङोंइती मारेइ लोव़ मख्रुइक्‍तो, इ कली लोव़ का हिल्‍लो पाइक्‍नुङ” देंमाक्‍त। मिनु मीश मुरुमी “आं प्रभु पिप, देंनीन” देंमाक्‍त।

२ सामुएल 14:20

योआबमी इन थुं ङा मिम्‍शो गेय फाइक्‍चा कली मोदेंशो पपाइक्‍ती। तन्‍न गे, आं प्रभु, परमप्रभु आ स्‍वर्ग ङा गेय पाइब खोदेंशो पा रुप्‍तीक थुं पाइश्‍शो बाक्‍नीनी। रागीम मार दुम्‍शो बाक्‍बा, मेको नेल्‍ल तुइक्‍नीनी” देंमाक्‍त। २सामुएल १४:१७

२ सामुएल 19:27

मेको आ लोव़मी आं प्रभु पिप इन कली आं पर्बम मरिम्‍शो दुम्‍पाइक्‍तु। गे आं प्रभु पिप परमप्रभु आ स्‍वर्ग ङा गेय पाइब खोदेंशो बाक्‍नीनी। गे मार पचा दाक्‍नीनी मेको पने। २सामुएल १६:३; २सामुएल १४:१७

२ सामुएल 19:28

आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७

१ राजा 3:28

मिनु पिप आ निसाफ नेंशा, इस्राएली नेल्‍ल आन थुंमी रिम्‍शो पशो तुइश्‍शा, हिंमा बाक्‍त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्‍‍पाइक्‍तीक थुं बाक्‍त, दे तुइक्‍तमे बाक्‍त।

१ राजा 3:9

मोपतीके इन गेय पाइब, आं कली इन मुर आन कली ठीक पा सासन पचा कली रुप्‍तीक थुं गेयीनी। मिनु गो रिम्‍शो नु मरिम्‍शो तिल्‍स जोक्‍नुङ। मो मदुम्‍त हना, एको इश्‍का इन मुर आन कली सुम सासन पने चाप्‍नीमी ङा” देंमाक्‍त।

अय्‍युब 6:30

मार, आं लोव़म मारेइ जोल बाक्‍बा? मार, आं लोव़म रिम्‍शो नु मरिम्‍शो तिल्‍ने मचाप्‍बा ङा?” दे अय्‍युबमी आ वारच कली लोव़ लेत्‍ता बाक्‍त।

हितोपदेस 27:21

चांदी यपाइक्‍‍चा कली गारचा ङा ग्‍योंब नु सुन यपाइक्‍चा कली यो गारचा ङा ग्‍योंब माल्‍शो खोदेंशो पा, मुर आ पतीक अर्को मुर आन ठेयब सेल्‍तीक रे पा तुंइसीब।

हितोपदेस 29:5

सुमी आ नेक्‍था ङा मुर कली क्‍युक्‍शा लोव़ पाइबा, मेकोमी मेको कली ग्‍याइल दाइश्‍शो बाक्‍ब।

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।

यहोसु 1:17

दोपा मोसा आ लोव़ नेल्‍ल टिशो नया, मोपान इन लोव़ यो टीनीकी। दोपा परमप्रभु यावे, इन परमप्रभु मोसा नु बाक्‍मे, मोपान गे नु यो बाक्‍ल।

१ सामुएल 29:9

मिनु अकीशम दाऊद कली “गे आं पर्बम दोस मताइब नु परमप्रभु आ स्‍वर्ग ङा गेय पाइब खोदेंशो बाक्‍नेवे। तन्‍न पलिस्‍ती आन कप्‍तानम ‘गे मेकोपुकी नु लडाइ पथ लचा मदुम्‍नेवे’ देंतेक्‍म। २सामुएल १४:१७