२ सामुएल 14:14 - Sunuwar Bible

¹⁴ गो नेल्‍ल बेक्‍चा माल्‍नय। गो खपीम क्‍युप्‍शा हुइक्‍ने मचाप्‍चा ङा ब्‍वाक्‍कु खोदेंशो बाक्‍नय। तन्‍न परमप्रभुमी मुर कली मखेरब। मेकोमी आ ङोंइती चाक्‍चा कली मिम्‍ना मिम्‍न बाक्‍ब। इजीकीएल १८:२३

२ सामुएल 14:14 ပူးပေါင်းရင်းမြစ်များ

२ सामुएल 11:25

मिनु दाऊदम मेको कली “गे योआब कली ‘गे मेको साइश्‍शो मुर आन पर्बम सुर्ता मपावो। मारदे हना तरवारम गेना हना यो मुर साइक्‍ब। गे सहर कली लडाइ तोस ङा तोस बाक्‍शा, ग्रानीनी’ दे आ थुं बारपतीन” देंमाक्‍त।

२ सामुएल 14:15

गो, इन वाइलीम, एको लोव़ आं प्रभु पिप, इन कली देंथ जाक्‍ती। मारदे हना मुरपुकीम आं कली हिंच कोंइताक्‍यीमी। मिनु गो पिप नु लोव़ पाइनुङ। मेकोमी आ वाइलीम कली आ पुंइशो गेबा कों?

१ राजा 11:39

मिनु गो दाऊद आ चच युइ आन कली सजाइ गे‍नुङमी। तन्‍न गेना हना यो कली ममाइ’ दे परमप्रभुम देंशो बाक्‍ब” देंमाक्‍त।

अय्‍युब 14:14

मार, बेक्‍शो मुर लेंशा ब्रोंइनीमी ङा? गो रिम्‍शो नाक्‍त कली रिम्‍शा बाक्‍नुङ। आं श्‍येत मथु‍मु सम्‍म रिम्‍शा बाक्‍नुङ।

अय्‍युब 30:23

गे आं कली साइक्‍नीनी, गो मेको तुइश्‍शो बाक्‍नुङ। ब्रोंइशो नेल्‍ल मेको लां लाइनीम।

अय्‍युब 34:15

याम कामीन सोक्‍त पाइश्‍शो नेल्‍ल बेक्‍नीम। मिनु मुर लेंशा फुरकुम लेश्‍शा लाइनीम। भजन संग्रह १०४:२९

अय्‍युब 34:19

मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम।

भजन संग्रह 22:14

गो लुक्‍शो ब्‍वाक्‍कु खोदेंशो दुम्‍ती। आं रुश नेल्‍ल गलाक गुलुक दुम्‍तेक्‍म। आं लुङगीर मयीन खोदेंशो दुम्‍शा, यशो बाक्‍ब।

भजन संग्रह 22:15

आं सक्ति ग्‍युम्‍त। ब्रोल्‍शो खप के गर खोदेंशो दुम्‍त। आं शोव़ सोव़त। मिनु गे आं कली साइक्‍चा ठीक पाइतीनी। यूहन्‍ना १९:२८

भजन संग्रह 58:7

मेकोपुकी शाइश्‍‍शो ब्‍वाक्‍कु खोदेंशो पा जाम्‍शा, लमल। मेकोपुकीमी लिब्राम ब्रा आप्‍मेनु, मेको आन ब्रा हेंथे लमल।

भजन संग्रह 77:8

मेको आ गेना हना यो दाक्‍तीक जाम्‍शो बाक्‍बा? मेको आ थोक्‍शा पशो लोव़ शोर गाक्‍शो दुम्‍शो बाक्‍बा?

भजन संग्रह 79:3

मेकोपुकीमी मेको आन हुश ब्‍वाक्‍कु खोदेंशो पा यरूसलेम आ एर ओंथ नेल्‍ल शाइक्‍पाइक्‍तेक्‍म। मिनु मेको आन कली थिम्‍ब सुइ मबाक्‍म।

भजन संग्रह 90:10

आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३

भजन संग्रह 90:3

गे मुर आन कली लेंशा फुरक दुम्‍पाइक्‍नीनी। मिनु गे “मुरपुकी, आं गे ले‍तीन” देंनीनी। भजन संग्रह १४६:४; उपदेसक १:४

प्रस्‍थान 21:13

मुरुमी अरु कली खेदा मपथु, साइक्‍चा ममाल्‍शो बाक्‍त, तन्‍न परमप्रभुमी मेको मोदेंशो दुम्‍पाइक्‍तु, गो इन कली मोदेंशो मुर कली प्रोक्‍शा बाक्‍तीक का कोंइनुङ। गन्‍ती ३५:६-२९; ब्‍यवस्‍था १९:४-१३

उपदेसक 9:5

ब्रोंइशा बाक्‍शोपुकीम “गो बेक्‍नीकी” दे तुइश्‍शो बाक्‍नीम। तन्‍न बेक्‍शोपुकीम मारेइ मतुइक्‍नी‍म। मेको आन कली मारेइ इनाम मबाक्‍ब। मेको आन कली मिम्‍तीक यो जाम्‍शा लाइब।

बिलाप 3:31

परमप्रभुमी मुर आन कली आ ङोंइती रे गेना हना यो मतिल्‍ब। यसैया ५४:८

इजीकीएल 18:23

मार, गो आं अरेशो लोव़ मटीब मुर बेक्‍मेनु ग्‍येरनुङा ङा? मेको क्‍येङा यो गो मेको आन मरिम्‍शो पशो प्रोंइशा ब्रोंइशा बाक्‍शो तचा मदाक्‍नुङा ङा? १तिमोथी २:४

लेवी 26:40

तन्‍न मेकोपुकीमी आंम पाप नु आन किकी पिपी आन पाप आ पर्बम ‘मरिम्‍शो पाइतक नु दूली लां गाक्‍स ङा गाक्‍स पाइतक’ देंतेक्‍म हना, ब्‍यवस्‍था ४:३०

गन्‍ती 35:15

मेको ६ ओटा सहर इस्राएली, आन दातेम बाक्‍ब अर्को रागी ङा मुर नु लां गाक्‍ब मुर आन कली ब्रोंइशा बाक्‍तीक सहर दुम्‍ब। मोपा मतुइक्‍थु मुर साइक्‍ब मुर मेकेर प्रोक्‍शा लशा बाक्‍ने चाप्‍नीम।

गन्‍ती 35:25

मिनु मेको सहर ङा मुरपुकीम मेको मुर साइक्‍ब कली क्‍येक्‍क लेप्‍ब आ गुइ रे प्रोंइचा माल्‍नीम। मिनु नोले सहर ङा मुरपुकीमी मेको मुर साइक्‍ब ब्रोंइशा बाक्‍तीक सहर सोइक्‍चा माल्‍नीम। मिनु मेको मुर साइक्‍ब तेल लुक्‍शो ठेयब चढ़ेब मबेक्‍म सम्‍म मेकेर बाक्‍चा माल्‍ब। लेवी २१:१०

गन्‍ती 35:28

मारदे हना मेको साइक्‍ब ठेयब चढ़ेब मबेक्‍म सम्‍म मेको ब्रोंइशा बाक्‍तीक सहरम बाक्‍चा माल्‍ब। तन्‍न ठेयब चढ़ेब बेक्‍म नोले ला मेको आ रू खिंम लेत्‍ने चाप्‍ब।

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

प्रेरित 10:34

मिनु पत्रुसमी “परमप्रभु यावेमी सुइ आन कली मतिल्‍थु, उइक्‍थ उइक्‍थ मिम्‍ब। ब्‍यवस्‍था १०:१७; १सामुएल १६:७; रोमी २:११

रोमी 2:11

मारदे हना परमप्रभु यावेमी मुर आन कली आइक्‍च जात, ठेयब जात मतिल्‍थु ठीक निसाफ पाइब। २इतिहास १९:७; प्रेरित १०:३४; कलस्‍सी ३:२५; १पत्रुस १:१७

ब्‍यवस्‍था 10:17

मारदे हना परमप्रभु यावे, इन परमप्रभु देवी देवता आन परमप्रभु बाक्‍ब। मेको प्रभु आन प्रभु बाक्‍ब। मेको नेल्‍ल क्‍येङा ठेयब, सक्ति पाइश्‍शो नु हिंचा ङा परमप्रभु बाक्‍ब। मेकोमी सुइ आन कुल मकोव़ब। मेकोमी घूस मताक्‍ब।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२