२ सामुएल 13:4 - Sunuwar Bible

⁴ मेकोम अम्‍नोन कली “ए पिप आ तौ, मारदे गे नाक्‍त किंत किंत मरिम्‍शो दुम्‍ना दुम्‍न लवे? मार दु‍मे आं कली देनो” दे मदा बाक्‍त। मिनु अम्‍नोनमी “गो आं लोक्‍ब अब्‍सालोम आ समी तामार कली दाक्‍नुङ” देंमाक्‍त।

२ सामुएल 13:4 ပူးပေါင်းရင်းမြစ်များ

२ सामुएल 13:3

तन्‍न अम्‍नोन आ वारच का बाक्‍माक्‍त। मेको आ नें योनादाब बाक्‍माक्‍त। मेको दाऊद आ लोक्ब शिमेआह आ तौ बाक्‍माक्‍त। मेको मिक्‍च सिल्‍ब मुर का बाक्‍माक्‍त। १सामुएल १७:१३

२ सामुएल 13:5

मिनु योनादाबमी “रोइ पाता, देंखु पा इप्‍शा बाक्‍को। मिनु इ आफ इ कली कोव़थ जाक्‍त हना, गे मेको कली ‘आं समी तामारम आं कली जचा थोव़क सेल्‍शा गेयील। मेकोम जचा थोव़क आं ङोंइती सेलल। मिनु गो मेको आ सेल्‍शो कोव़नुङ। मिनु मेको आ गुइ रे जाइ‍नुङ’ देंनो” देंमाक्‍त।

१ राजा 21:5

मिनु मेको आ मीश इजेबेल जाक्‍शा, मेको कली “गे मारदे इन थुं खुरसीनी? मारदे मारेइ जने मबिस्‍सीनी?” दे हिल्‍लो पवा बाक्‍त।

१ राजा 21:7

मिनु मेको आ मीश इजेबेलम मेको कली “गे इस्राएल ङा पिप बाक्‍नीनी। मिनु गे मोदेंशो पाइनीनी? बोक्‍शा, जने तूङीन। मिनु ग्‍येरसीने। गो येज्रेली नाबोथ आ अङगुर रू इन कली गेन‍न्‍नी” देंमाक्‍त।

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

लेवी 18:9

गे इ दिदी, बहिनी नु मइपो। इ आफ आ तमी बाक्‍त हना यो, इ ममा आ तमी बाक्‍त हना यो नु आंम खिंम जरमेशो बाक्‍त हना यो अर्को रागीम जरमेशो बाक्‍त हना यो, मेको नु इप्‍चा मदुम्‍ब।

लेवी 20:17

सु मुर आ दिदी बहिनी, आ आंम आ तमी कि आ आफ आ तमी नु इप्‍त हना, मेको थम मुने बाक्‍ब। मेको निम्‍फा आस कली आस मुर आन दाते रे नेल्‍लेम तचा ङा पा साइश्‍शा क्‍याम्‍चा माल्‍ब। मेकोमी आंम आ समी नु इप्‍तीके सजाइ गेचा पुंइसीब।

मीका 7:3

मेकोपुकी मरिम्‍शो पचा कली जोक्‍ब बाक्‍नीम। आन ठेयब मुर नु निसाफ पाइबपुकीमी घूस जाइ‍नीम। सक्ति पाइश्‍शोपुकीमी मार मिम्‍तमे मेकोन पाइनीम। मोपा ठीक पतीके कली दूली सेल्‍नीम।

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९