२ सामुएल 13:12 - Sunuwar Bible

¹² तन्‍न तामारमी “ममाइ, आं लोक्‍ब, आं कली ओदेंशो मपने। इस्राएलम ओदेंशो गेय पचा मदुम्‍ब। ओदेंशो मरिम्‍शो गेय मपने।

२ सामुएल 13:12 ပူးပေါင်းရင်းမြစ်များ

उत्पत्ती 34:2

हिव्‍वी ङा हमोर आ तौ शेकेम, मेको रागी ङा पिप आ तौमी दीना कली तशा, ग्‍याइश्‍शा मेको नु इप्‍‍शा, बिथोलो पवा बाक्‍त। न्‍यायाधीस ९:२८

उत्पत्ती 34:7

मिनु मेको नेंशा, याकूब आ तौपुकी यो रू रे जाक्‍मा बाक्‍त। आन थुं मनुथु, शुश चुरमा बाक्‍त। मारदे हना शेकेमम इस्राएल आ तमी नु इप्‍‍शा, बिथोलो पशो बाक्‍माक्‍त। मो पचा मदुम्‍शो बाक्‍माक्‍त।

हितोपदेस 7:7

मिनु गो मार ताता देंशा हना, मारेइ मजोक्‍ब नु ठिटा आन दातेमी निप्‍स मपाइश्‍शो ठिटा का कली ताता।

येरमीया 29:23

मारदे हना मेको निक्‍शीमी इस्राएलम थम ग्रांग्रा दिशो गेय पशो बाक्‍ताक्‍स। मेको निक्‍शी आस नेक्‍था ङा मुर आन मीश नु इप्‍शो बाक्‍ताक्‍स। मिनु मेकोम आं मअरेशो लोव़ पाम्‍ताक्‍स। गो मेको नेल्‍ल तुइक्‍नुङ। मिनु गो मेको आ सांकछी बाक्‍नुङ” दे परमप्रभु यावेम देंत।

लेवी 18:11

गे इ आफ आ अरु मीश आ तमी नु मइपो। मेको इन समी बाक्‍ब।

लेवी 18:9

गे इ दिदी, बहिनी नु मइपो। इ आफ आ तमी बाक्‍त हना यो, इ ममा आ तमी बाक्‍त हना यो नु आंम खिंम जरमेशो बाक्‍त हना यो अर्को रागीम जरमेशो बाक्‍त हना यो, मेको नु इप्‍चा मदुम्‍ब।

लेवी 20:17

सु मुर आ दिदी बहिनी, आ आंम आ तमी कि आ आफ आ तमी नु इप्‍त हना, मेको थम मुने बाक्‍ब। मेको निम्‍फा आस कली आस मुर आन दाते रे नेल्‍लेम तचा ङा पा साइश्‍शा क्‍याम्‍चा माल्‍ब। मेकोमी आंम आ समी नु इप्‍तीके सजाइ गेचा पुंइसीब।

ब्‍यवस्‍था 22:21

मेको मीश मुर कली आ आफ आ खिं ङा लाप्‍चोम चाक्‍चा माल्‍नीम। मिनु मेको आ सहर ङा वोंइश मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मारदे हना मेकोमी आ आफ आ खिंम तेल्‍लेम पा इस्राएलम काइ मरिम्‍शो पाप्‍तु। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी। उत्‍पत्ती ३४:७

ब्‍यवस्‍था 22:29

मेको नु बाक्‍शो वोंइश मुरुम मेको मीश आल आ आफ कली ५० शेकेल चांदी थाप्‍चा माल्‍ब। मिनु मेको वोंइश मुरुम मेको मीश आल नु बाक्‍तीके, आ मीश दुम्‍चा माल्‍ब। मेकोमी मेको कली मबेक्‍म सम्‍म प्रोंइने मचाप्‍ब। मारदे हना मेको मेको नु इप्‍त।

न्‍यायाधीस 19:23

मिनु खाल्‍पा लाङगा ग्रूशा, मेको आन कली “आं लोक्‍बपुकी, एको मुर आं वारच बाक्‍ब। मोदेंशो मरिम्‍शो मपन। एको मुर आं पौना बाक्‍ब। मेको कली मारेइ यो मपन।

न्‍यायाधीस 20:6

मिनु गो आं बेक्‍शो मीश कली टुक्रा टुक्रा पा चेक्‍ता। मिनु इस्राएल आ थर नेल्‍ल आन रागीम सोइक्‍ताक्‍ङ। मेकोपुकीमी इस्राएलमी मोदेंशो ग्रांग्रा दिशो नु मरिम्‍शो पामे बाक्‍त, दे तुइक्‍पाइक्‍चा कली गो मो पाता। उत्‍पत्ती ३४:७