२ सामुएल 12:7 - Sunuwar Bible

⁷ मिनु नाथानम दाऊद कली “मेको मुर गेन ननी। इस्राएली आन परमप्रभु यावेमी मार देंत देंशा हना ‘गो इ कली तेल लुक्‍शा, इस्राएल ङा पिप सेल्‍तन। सावल आ गुइ रे प्रोंइतन। १राजा २०:४०

२ सामुएल 12:7 ပူးပေါင်းရင်းမြစ်များ

२ सामुएल 14:13

मिनु मेको मीश मुरुमी “गे परमप्रभु आ मुर आन कली मारदे ओदेंशो पचा मिम्‍तीनी? गे मोदेंशो पाइतीनी हना, गे दोसी खोदेंशो दुम्‍नीनी। गे रागी रे ग्रुंइशा सोइश्‍शो मुर कली लेंशा जाक्‍चा गेने मबिस्‍सीनी।

२ सामुएल 22:1

परमप्रभु यावेमी दाऊद कली आ जोरी सत्रु नेल्‍ल नु सावल रे प्रोना नोले दाऊदमी परमप्रभु यावे कली कुम्‍सो पवा बाक्‍त।

२ सामुएल 22:49

मेकोम आं कली आं जोरी सत्रु रे प्रोंइती। गे आं कली आं जोरी सत्रु आन क्‍येङा ठेयब सेल्‍तीनी। गे आं कली हुश ख्राक्‍श पोक्‍ब रे प्रोंइतीनी।

२ सामुएल 7:8

मोपतीके गे आं गेय पाइब दाऊद कली मुर नेल्‍ल आन परमप्रभु यावेमी मार देंत देंशा हना ‘इ कली, आं मुर इस्राएली आन कली कोव़ब दुम्‍पाइक्‍चा कली भेडा योव़तीक रे चाक्‍तन। १सामुएल १६:११-१३; २सामुएल ५:२

१ राजा 14:7

गे येरोबाम कली परमप्रभु यावे, इस्राएली आन परमप्रभुमी ‘गो इ कली मुर आन दाते ङा ठेयब मुर सेल्‍ता। मिनु आं मुर इस्राएली, आन कली सासन पाइब सेल्‍तन। १राजा ११:३७

१ राजा 18:18

मिनु एलीयाम “इस्राएल कली श्‍येत गेब गो मनङ। तन्‍न गे नु इन आफ आ खिं ङा मुर इस्राएल कली श्‍येत गेब ननी। मारदे हना गे परमप्रभु यावे आ शेंतीक प्रोंइशा, बाल देवता आ नोले खोइश्‍शो बाक्‍तीनी। १राजा १६:३१-३३

१ राजा 20:40

मिनु गो, इन वाइल, गेय पा बाक्‍ङा सम्‍म, मेको ग्‍याइश्‍शो मुर प्रोक्‍माक्‍त” देंमाक्‍त। मिनु इस्राएल ङा पिपमी मेको कली “गे इ निसाफ आंमान पाप्‍तीवी। मेकोन इ कली पतीक निसाफ बाक्‍ब” देंमाक्‍त।

१ राजा 20:42

मिनु मेकोमी पिप कली “परमप्रभु यावेमी ‘गो साइक्‍चा कली ठीक पशो मुर कली गे प्रोंइतीवी। मोपतीके मेको आ पा ङा गे बेक्‍चा माल्‍नेवे। मिनु मेको आ मुर आन पा ङा इ मुर बेक्‍चा माल्‍नीम’ देंत” देंमाक्‍त।

भजन संग्रह 18:1

परमप्रभु यावे, गे आं सक्ति बाक्‍नीनी। गो इन कली दाक्‍नुङ।

येरमीया 34:6

मिनु येरमीयामी मेको लोव़ नेल्‍ल यरूसलेममी यहूदा ङा पिप सिदकीयाह कली देंत।

दानीएल 4:22

हजुर, पिप, गे मेको रवा बाक्‍नीनी। गे ठेयब नु सक्ति पाइश्‍शो दुम्‍तीनी। इन सक्ति बारशा, सरीङ सम्‍म जाक्‍दीश्‍शो बाक्‍त। मिनु इन अधिकार बारशा, रागी नेल्‍ल आन कली हुकुम पाइतीनी।

मत्ती 14:14

मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।

१ सामुएल 13:13

मिनु सामुएलमी सावल कली “गे मूर्ख गेय पाप्‍तीवी। परमप्रभु यावे, इ परमप्रभुमी शेंशो लोव़ मटिवी। गे टिशो नवे हना, परमप्रभु यावेमी इ राज्‍य इस्राएलमी गेना हना यो लीपद वा।

१ सामुएल 15:17

मिनु सामुएलमी “ङोंइती गे आंमा कली आंमान शोर गाक्‍शो मुर मिम्‍शो ननी। तन्‍न मुल गे इस्राएली आन पिप बाक्‍नीनी। परमप्रभु यावेमी इन कली तेल लुक्‍शा इस्राएल ङा पिप सेल्‍तु। १सामुएल ९:२१

१ सामुएल 16:13

मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१

१ सामुएल 18:11

मेकोम “गो दाऊद कली गारोम क्‍येप्‍नुङ” दे मिम्‍शा, आ तूतीक आबा बाक्‍त। तन्‍न दाऊद निक्‍शी खेयप दिल्‍शा मख्रपांइसे बाक्‍त। १सामुएल १९:१०; १सामुएल २०:३३

१ सामुएल 18:21

मेको आ थुंमी “गो मेको कली दाऊद नु ग्‍युं‍बे पपाइक्‍नुङ। पलिस्‍ती आन गुइम बेक्‍पाइक्‍चा कली मेको वाल्‍पाइक्‍तीक गेय बाक्‍ब” देंमाक्‍त। मोपतीके सावलमी आ चांइवा सेल्‍चा कली लोव़ पवा बाक्‍त।

१ सामुएल 23:14

दाऊद जीफ ङा पहाड ङा गोरशो रागीमी बोल्‍यो ख्रुइश्‍शा बाक्‍तीकेमी ख्रुइश्‍शा बाक्‍माक्‍त। सावल मेको कली नाक्‍त किंत किंत माल्‍शा गाक्‍बाक्‍माक्‍त। तन्‍न परमप्रभुम दाऊद कली मेको आ गुइमी मगेवा बाक्‍त।

१ सामुएल 23:7

दाऊद कैलाह ओव़शो बाक्‍ब, दे का निक्‍शी मुरुमी सावल कली शेंदमे बाक्‍त। मिनु सावलमी “परमप्रभुम मेको कली आं गुइमी गेशो बाक्‍ब। मारदे हना मेको गारो हिरशो, आग्‍लो पाइश्‍शो, सहरम ओव़शो बाक्‍ब” दे मिम्‍ता बाक्‍त।