२ सामुएल 12:24 - Sunuwar Bible

²⁴ मिनु दाऊदमी आ मीश बाथ्‍शेबा कली लेम्‍दा बाक्‍त। मिनु मेको नु इम्‍माक्‍त। मिनु अर्को तौ का थि‍माक्‍त। मेको आ नें सोलोमन वोदमे बाक्‍त। मिनु परमप्रभु यावेमी मेको कली दाक्‍ता बाक्‍त।

२ सामुएल 12:24 ပူးပေါင်းရင်းမြစ်များ

२ सामुएल 12:25

मिनु मेको आ नें येदीदीयाह वोइक्‍चा माल्ब, दे आ लोव़ पाइब नाथान रे पा दाऊद कली लोव़ सोइक्‍ता बाक्‍त। येदीदीयाह आ अर्थ चहिं “परमप्रभु यावे आ दाक्‍शो मुर” बाक्‍ब।

२ सामुएल 5:14

यरूसलेम सहरम जरमेशो दाऊद आ तौपुकी शम्‍मुआ, शोबाब, नाथान, सोलोमन, लूका ३:३१; मत्ती १:६

२ सामुएल 7:12

परमप्रभु यावेम दाऊद कली “इ नाक्‍त नुप्‍त हना नु इ किकी पिपी नु बाक्‍थ लचा नोले गो इ खिं ङा मुर आन दाते रे का कली इ पा ङा पिप सेल्‍नुङ। मिनु मेको आ राज्‍य बोल्‍यो सेल्‍नुङ। १राजा ८:२०

१ राजा 1:10

तन्‍न मेकोमी परमप्रभु यावे आ लोव़ पाइब नाथान, बेनायाह, लडाइ पाइबपुकी नु आ लोक्‍ब सोलोमन आन कली चहिं मब्रेत्‍ता बाक्‍त।

१ राजा 1:11

मिनु नाथानमी सोलोमन आ ममा बाथ्‍शेबा कली “मार गे हग्‍गीथ आ तौ अदोनीयाह आंइ प्रभु दाऊद आ मतुइक्‍थु पिप दुम्‍त देंशो लोव़ मनेंनी?

१ इतिहास 29:1

मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

१ इतिहास 3:5

यरूसलेम सहरम थिशो दाऊद आ तौ सु सु बाक्‍मा बाक्‍त देंशा हना, शिमेआ, शोबाब, नाथान नु सोलोमन बाक्‍मा बाक्‍त। मेको ४ जना अम्‍मीएल आ तमी बाथ-शुआम थिवा बाक्‍त। १इतिहास १४:५-७; २सामुएल ५:१४-१६

नेहेम्‍याह 13:26

मिनु “इस्राएल ङा पिप सोलोमनमी मोदेंशो मीश चाक्‍शा पाप पवा, ममाइ? शुश रागी आन दातेमी मेको खोदेंशो पिप सुइ मबाक्‍म। मिनु परमप्रभुमी मेको कली दाक्‍शा, इस्राएली नेल्‍ल आन पिप सेल्‍शो बाक्‍त। मोदेंशो बाक्‍त हना यो, अर्को रागी ङा मीश मुरपुकीमी मेको कली पाप पपाइश्‍शो बाक्‍तेक्‍म। १राजा ११:३-८

हितोपदेस 4:3

गो यो आं आफ नु बाक्‍शो बाक्‍ती। गो आं ममा आ दाक्‍शो तौ बाक्‍ती।

मत्ती 1:6

पिप दाऊदमी उरीयाह आ मीश चाक्‍शा, सोलोमन थि‍माक्‍त। २सामुएल१२:२४

ब्‍यवस्‍था 33:12

मिनु बेन्‍यामीन आ पर्बम मार देंशो बाक्‍त, देंशा हना “परमप्रभु यावे आ दाक्‍शो महिंचा ङा पा नाइक्‍ब। नेल्‍ल क्‍येङा ठेयबमी मेको कली नाक्‍त रे कोव़ब। मेको आ दाक्‍शो मुर आ बला आस दातेम नाइक्‍ब” देंत।