२ सामुएल 12:19 - Sunuwar Bible

¹⁹ तन्‍न दाऊदम आ गेय पाइ‍बपुकीम शिप शिप पा देंशो लोव़ नेंशा, आल बेक्‍माक्‍त, दे तुइक्‍ता बाक्‍त। मिनु दाऊदमी आ गेय पाइब आन कली “आल बेक्‍मे” दे हिल्‍लो पामी बाक्‍त। मिनु मेकोपुकीम “बेक्‍त” देंमा बाक्‍त।

२ सामुएल 12:19 ပူးပေါင်းရင်းမြစ်များ

२ सामुएल 12:18

मिनु ७ नाक्‍त नोले आल बेक्‍माक्‍त। मिनु दाऊद आ गेय पाइबपुकीम “आल बेक्‍त” दे दाऊद कली देंचा हिंमा बाक्‍त। मारदे हना मेकोपुकीमी “आल सेस बाक्‍मेनु ला यो इं लोव़ मनेंन। मुल मेको कली ‘आल बेक्‍त’ दे दोपा देंचा? मेकोमी आंम आ कली मारेइ मरिम्‍शो पाइक्‍बा कों?” देंमा बाक्‍त।

२ सामुएल 12:20

मिनु दाऊद खप रे बोक्‍शा, चिक्‍सीशा, तेल ख्रेक्‍सीशा, अर्को वा फेक्‍से बाक्‍त। मिनु परमप्रभु यावे आ बाक्‍तीक लशा, परमप्रभु यावे कली ठेयब से‍ला बाक्‍त। मिनु नोले खिं जाक्‍शा, जचा थोव़क पुंइशा, जवा बाक्‍त।

२ सामुएल 13:39

अम्‍नोन बेक्‍शो शुश दुम नोले, पिपमी आ थुं अब्‍सालोम गे हिरदा बाक्‍त। २सामुएल ३:३; २सामुएल १४:२३; यहोसु १३:११

१ थिस्‍सलोनिकी 4:13

आंइ लोक्‍बपुकी, बेक्‍शो मुर आ पर्बम रागी रागी ङा मुरपुकीमी हिशेक शुश पाइनीम। मारदे हना मेको आन के आस मबाक्‍ब। गेपुकी चहिं मतुइक्‍ब खोदेंशो पा, बेक्‍शो इन वारच आन पर्बम थुं खाइक्‍पाइश्‍शा मबाक्‍कीन। १कोरिन्‍थी १५:२०; एफिसी २:१२