२ सामुएल 12:11 - Sunuwar Bible

¹¹ परमप्रभु यावेमी ‘गो इ कली इ खिं रे श्‍येत दुम्‍पाइक्‍नुङ। गो इ मीश आन कली इ ङोंइती इ नेक्‍था ङा मुर कली गेनुङ। मिनु मेकोमी नाक्‍तीन मुर नेल्‍लेम तचा ङा पा मेकोपुकी नु इप्‍ब। २सामुएल १६:२२; अय्‍युब ३१:९-१०

२ सामुएल 12:11 ပူးပေါင်းရင်းမြစ်များ

२ सामुएल 15:10

मिनु अब्‍सालोमम इस्राएल ङा थर नेल्‍ल आन कली सुइम मतुइक्‍चा ङा पा, लोव़ कुरब सोइश्‍शा “तुराही ग्रीशो नेंनी चोटी, गेपुकीम ‘अब्‍सालोम हेब्रोनम पिप दुम्‍त’ देंनीन” देंपाइक्‍मी बाक्‍त।

२ सामुएल 15:14

मिनु दाऊदम यरूसलेमम आं नु बाक्‍ब आ ठेयब गेय पाइब आन कली “बोक्‍कीन, गोपुकी रीब पा प्रोक्‍चा माल्‍नय। मो मपाइतय हना, गो सुइ अब्‍सालोम आ गुइ रे ब्रोंइचा मताइ‍नय। रीब पा पने, मो मदुम्‍त हना, मेकोमी इं क्‍येङा लाक्‍शा, इं कली शुश श्‍येत गेशा, सहर कली लडाइ तोइब” देंमाक्‍त।

२ सामुएल 15:6

अब्‍सालोममी पिप आ निसाफ पतीकेम इस्राएली सु सु जाक्‍बाक्‍मा, मेको आन कली मोपा आन थुं खुइ पाइबाक्‍माक्‍त।

२ सामुएल 16:11

मिनु दाऊदम अबीशै नु आ गेय पाइब नेल्‍ल आन कली “आं तौमी आं कली साइक्‍चा माल्‍ब हना, मेरे बेन्‍‍यामीन आ थर ङा मुर के मार लोव़ पचा ङा? मेरे कली प्रोनीन। मेरेमी सराप पवल। मारदे हना परमप्रभु यावेमीन मेरे कली सराप पचा गेशो बाक्‍म माइ।

अय्‍युब 31:10

आं मीश अरु मुर आन वाइलीम दुम्‍शा लल। मिनु अरु मुर मेको नु इम्‍मल। २सामुएल १२:३२

इजीकीएल 14:9

मिनु सुइ परमप्रभु यावे आ लोव़ पाइबम आ लोव़ मार बाक्‍बा, दे हिल्‍लो पाइब आन कली आंमा थुंम मिम्‍शा लोव़ पाप्‍तु हना, गो मेको कली मोदेंशो पपाइक्‍ता। मिनु गो मेको कली आं गुइ दिंशा, सजाइ गेशा आं मुर इस्राएली आन दाते रे क्‍याम्‍नुङ। १राजा २२:२०-२३

ब्‍यवस्‍था 17:17

मिनु परमप्रभु यावे रे ङोन मलल, दे मीश मुर शुश चाक्‍चा मदुम्‍ब। मिनु मेकोम आंम कली शुश सुन चांदी मखुप्‍तल। १राजा ११:१-८; १राजा १०:१४

ब्‍यवस्‍था 28:30

गेपुकी मीश आल का कली पुंइनीनी, तन्‍न अरु वोंइश मुरुम मेको नु इप्‍ब। मिनु खिं का सेल्‍नीनी, तन्‍न आंमान बाक्‍चा मताइ‍नीनी। मिनु गेपुकीम अङगुर रू का ख्रुम्‍नीनी, तन्‍न आंमान ब्‍वचा मताइनीनी।