२ सामुएल 11:21 - Sunuwar Bible

²¹ येरूब-बाल आ तौ अबीमेलेक कली सुम सदा? मीश मुर कामी थेबेस ङा गारो रे यात तोक्‍शा साइश्‍शो बाक्‍ब। मारदे गे गारो आ नेक्‍था लनी?’ देंत हना, गे मेको कली ‘इन गेय पाइब हित्ती उरीयाह यो बेक्‍त’ मतो” दे मदा बाक्‍त। न्‍यायाधीस ९:५३-५४

२ सामुएल 11:21 ပူးပေါင်းရင်းမြစ်များ

२ सामुएल 11:17

मिनु सहर ङा मुरपुकी फो फु ग्रूशा योआब नु लडाइ पामे बाक्‍त। दाऊद आ मुरपुकी का निक्‍शी बेक्‍मा बाक्‍त। हित्ती उरीयाह यो साइक्‍चा पुंइसे बाक्‍त।

२ सामुएल 11:20

पिप गाइश्‍शा ‘लडाइ पनीनु सहर आ नेक्‍था मारदे लनी? गारो तार रे आप्‍नीम, दे मतुइक्‍नीनी?

२ सामुएल 11:22

मिनु मेको लोव़ कुरब मुर दाऊद आ बाक्‍तीक जाक्‍माक्‍त। मिनु योआब आ देंशो खोदेंशो पा लोव़ नेल्‍ल शोव़ङा बाक्‍त।

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

२ सामुएल 3:34

इ गुइ मफ्रेंशो बाक्‍त। इ खोइलीम साङलो मपाइश्‍शो बाक्‍त। गे परमप्रभु यावे आ अरेशो मटीब आन ङोंइती मेकोपुकी खोदेंशो पा गोल्‍ते” देंमाक्‍त। मिनु मुर नेल्‍ल मेको आ पर्बम लेंशा ङाक्‍मा बाक्‍त।

भजन संग्रह 39:8

आं मरिम्‍शो पशो रे प्रोंइयीनी। मूर्खपुकीम आं कली शुक्‍शी मपामेक्‍ल।

यसैया 14:10

मेको नेल्‍लेमी इ कली ‘गे यो आंइ खोदेंशो पा सक्ति मपाइश्‍शो दुमे बाक्‍त। गे यो आंइ खोदेंशो दुम्‍ते।

न्‍यायाधीस 6:32

मेको नाक्‍त रे मेकोपुकीमी गिदोन आ नें येरूब-बाल, दे वोदमे बाक्‍त। मेको आ अर्थ “बाल देवता आंमान गिदोन कली आ सक्ति कोंइदल। मारदे हना गिदोनमी आ चढ़ेतीक प्रेश्‍शो बाक्‍ब” देंमा बाक्‍त। न्‍यायाधीस ७:१

न्‍यायाधीस 7:1

गिदोन कली येरूब-बाल यो देंबाक्‍तेक्‍म। मिनु गिदोन नु आ मुर नेल्‍ले सुनी कना बोक्‍शा ङा मिन हारोद सहर ङा ब्‍वाक्‍कु बुक्‍तीके आ नेक्‍था ताम्‍बु कीङमे बाक्‍त। मिदयान ङा मुरपुकीमी चहिं मेको आन उत्तर गे ङा मोरेह डांडा आ नेक्‍था ङा दिंममी ताम्‍बु कीङमे बाक्‍त। न्‍यायाधीस ६:३२