२ सामुएल 10:12 - Sunuwar Bible

¹² सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।

२ सामुएल 10:12 ပူးပေါင်းရင်းမြစ်များ

२ सामुएल 10:11

योआबम “अराम ङा मुरपुकीम आंइ कली ग्राना ग्रान पिम्‍तेक्‍म हना, आंइ कली वारच पने। अम्‍मोन ङा मुरपुकीम इन कली ग्राना ग्रान पिम्‍तेक्‍म हना, गो इन कली वारच पाइ‍नीकी।

२ सामुएल 15:26

तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

१ इतिहास 19:13

सक्ति पाइश्‍शो दुमीन। गोपुकी आंम जात नु इं परमप्रभु आ सहर आ पर्बम महिंथु, लडाइ पय। परमप्रभु यावेम मार मिम्‍शो बाक्‍बा, मेको पाइब” देंमाक्‍त।

२ इतिहास 32:7

“बोल्‍यो नु महिंब दुमीन। अस्‍सुर ङा पिप नु मेको आ चाक्‍शो शुश मुर तशा, महिनीन। मारदे हना मेकोपुकी नु बाक्‍शो क्‍येङा गोपुकी नु बाक्‍शो का थम ठेयब बाक्‍ब।

नेहेम्‍याह 4:14

मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५

नेहेम्‍याह 4:8

मिनु मेकोपुकी गारशा, यरूसलेम कली लडाइ पा, खतम सेल्‍चा, दे खुम्‍साक्‍म।

एस्‍तर 4:16

“सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

गन्‍ती 13:20

मिनु मेको रागी ङा खप दोदेंशो बाक्‍मे, मलिलो बाक्‍म कों, पाङकोक्‍च बाक्‍म? मेकेर रवापुकी बाक्‍मा कों, मबाक्‍मा? महिंब दुमीन। मिनु मेको रागी ङा फल फुल चाक्‍कीन” दे माइक्‍तीमी। मेना ङोंइती ङा अङगुर मीची जाक्‍शो बाक्‍त।

१ कोरिन्‍थी 16:13

होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

ब्‍यवस्‍था 31:6

बोल्‍यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्‍यवस्‍था १:२९-३०

ब्‍यवस्‍था 31:7

मिनु मोसामी यहोसु कली ब्रेश्‍शा, इस्राएली नेल्‍ल आन ङोंइती “बोल्‍यो नु महिंब दुमो। मारदे हना परमप्रभु यावेमी मेको इन किकी पिपी आन कली कसम जशा ‘मेको रागी इन कली गेनुङ’ देंशो बाक्‍त। मिनु गे मेको रागी मेको आन कली योक्‍शा गेनीनी। ब्‍यवस्‍था ३:२८; यहोसु १:६

हिब्रू 11:33

मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।

हिब्रू 13:6

प्रभु आ देंशो तुइश्‍शा “प्रभुमी आं कली कोव़शा, वारच पाइब। मुरपुकीमी मार पने चाप्‍नीमी ङा? मारेइ पने मचाप्‍नीम। मोपतीके महिंथु बाक्‍ती” दे ठेयब थुं पा बाक्‍य। भजन संग्रह ११८:६

यहोसु 1:18

सुमी इन अरेशो लोव़ ‘मपाइनुङ’ दे इन लोव़ मनेंबा, मेको साइक्‍चा पुंइसीब। मोपतीके गे बोल्‍यो नु महिंब दुमीन” देंतेक्‍म। यहोसु १:६

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

न्‍यायाधीस 10:15

तन्‍न इस्राएलीपुकीमी परमप्रभु यावे कली “गोपुकीमी पाप पाइतक। मोपतीके गे आंइ कली मार पचा दाक्‍नीनी, मेको पन। तन्‍न मुल आंइ कली प्रोनीन” दे पुन्‍मे बाक्‍त।

१ सामुएल 14:12

मिनु पलिस्‍तीपुकीमी योनाथन नु आ या कुरब आस कली “गो आंइ बाक्‍तीक गे ङोइश्‍शा कुस। गो इस कली मारेइ कोंइनीकी” देंमा बाक्‍त। मिनु योनाथनमी आ या कुरब कली “आं नोले कुवो। परमप्रभु यावेम मेको आन कली इस्राएली आन गुइमी जिम्‍मा गेशो बाक्‍त” दे मदा बाक्‍त।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

१ सामुएल 17:32

मिनु दाऊदम मेको कली “गे ग्‍येत्‍थ लुक्‍च मदुमीन। गो इन गेय पाइब लशा मेको पलिस्‍ती नु लडाइ पाइक्‍नुङ” देंमाक्‍त।

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६

१ सामुएल 4:9

गे पलिस्‍तीपुकी महिनीन। बोल्‍यो दुमीन। मेकोपुकी दोपा इं वाइल दुम्‍मा, मोपा गेपुकी यो हिब्रू आन वाइल मदुम्‍चा ङा पा, इन थुं लुक्‍च मलपाइक्‍थु, लडाइ पने। बोल्‍यो दुम्‍शा, लडाइ पने” देंमा बाक्‍त। न्‍यायाधीस १३:१