२ सामुएल 1:23 - Sunuwar Bible

²³ सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।

२ सामुएल 1:23 ပူးပေါင်းရင်းမြစ်များ

२ सामुएल 1:24

इस्राएल ङा तमीपुकी सावल आ पर्बम ङाक्‍कीन। मेकोमी इन कली लल दारदारशो शुश क्येट लाइब वा फेक्‍पाइश्‍शो बाक्‍त। मेकोमी इन कली सुन के गहना पांइपाइश्‍शो बाक्‍त।

२ सामुएल 2:18

सेरूयाह आ तौ सांफा योआब, अबीशै नु आसाहेल मेकेर बाक्‍शो बाक्‍मा बाक्‍त। आसाहेल ब्‍वाकी ङा दोरब किश्‍श खोदेंशो रीब पा गेय पाइब बाक्‍माक्‍त। १इतिहास २:१६

२ सामुएल 23:20

कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१

१ इतिहास 12:8

मिनु गाद आ थर ङा मुर यो गोरशो रागीम दाऊद आ बोल्‍यो बाक्‍तीकेम जाक्‍शो बाक्‍मा बाक्‍त। मेको तेक्‍तीक नु तूतीक कुरशो जोक्‍ब तुइक्‍ब लडाइ पाइब बाक्‍मा बाक्‍त। मेको आन कुल गुप्‍स खोदेंशो हिंचा ङा बाक्‍मा बाक्‍त। रोकोश खोदेंशो पा दोरने चाप्‍ब बाक्‍मा बाक्‍त।

अय्‍युब 9:26

मेको बुदी मीलु के सेल्‍शो डोंगा खोदेंशो पा, रीब पा शाइश्‍शा लाइनीम। ब्‍वारदे आन सिखार तार जुक्‍शो खोदेंशो पा लाइनीम।

हितोपदेस 30:30

मेको मार बाक्‍नीम देंशा हना, गुप्‍स, जन्‍तु नेल्‍ल आन दातेमी नेल्‍ल क्‍येङा बोल्‍यो बाक्‍ब। मेको सुइ क्‍येङा महिंब।

ठेयब कुम्सो 5:16

ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

बिलाप 4:19

आंइ कली खेदा पाइबपुकी सरीङम बेरब ककाकुली क्‍येङा यो रीब पा जाक्‍तेक्‍म। मेकोपुकीमी आंइ कली पहाडम खेदा पाम्‍तेक्‍म। गोरशो रागीमी बाप्‍शा बाक्‍तेक्‍म।

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५

न्‍यायाधीस 14:18

मिनु मेको ७ नाक्‍ती नां सोव़चा क्‍येङा ङोंइती सहर ङा मुरपुकीमी सिम्‍सोन कली “खुदो क्‍येङा जिज, मार बाक्‍बा ङा? गुप्‍स क्‍येङा बोल्‍यो सु बाक्‍बा ङा?” देंमा बाक्‍त। मिनु सिम्‍सोनमी “आं मीशेमी इन कली मेको लोव़ मशोव़ङ हना, गेपुकीमी लेन्‍ने मचाप्‍नी वा” देंमाक्‍त।

१ सामुएल 18:1

मोपा दाऊदम सावल नु लोव़ पने थुमा बाक्‍त। नोले योनाथनमी, दाऊद कली आंम कली खोदेंशो पा आ थुं रेन दाक्‍चा गोवा बाक्‍त। मेको सावलम तुइक्‍ता बाक्‍त।

१ सामुएल 20:2

मिनु योनाथनमी “मोदेंशो मदुम्‍ल। गे मबेक्‍नीनी। आं आफोम आं कली मदेंथु, आइक्‍च नु ठेयब गेय मारेइ मपाइ‍ब। ओदेंशो लोव़ आं आफोम आं रे दोपा ख्रुइक्‍बा ङा? मोदेंशो मपाइब” देंमाक्‍त।