२ सामुएल 1:20 - Sunuwar Bible

²⁰ गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।

२ सामुएल 1:20 ပူးပေါင်းရင်းမြစ်များ

इजीकीएल 16:27

मोपतीके गो इ कली सजाइ गेतन। गो इ कली शुश जचा थोव़क मगेथु, इ जोरी सत्रु आन गुइम गेतन। गो इ कली पलिस्‍ती आन दाक्‍शो सिखार दुम्‍पाइक्‍चा कली गेतामी। पलिस्‍ती आन तमीपुकी इ मरिम्‍शो पशो तशा मुने पाम्‍तेक्‍म।

इजीकीएल 16:57

मेना मेकोपुकीम इ परमप्रभु यावे आ अरेशो मटिशो मतुइश्‍शो बाक्‍तेक्‍म। मुल अराम ङा तमीपुकीमी इ कली शुक्‍शी पाइनीम। मेको आ नेक्‍था ङा मुर, पलिस्‍ती आ तमीपुकीमी नु एर ओंथ ङा मुर नेल्‍लेमी शुक्‍शी पा आइक्‍च मिम्‍नीम। अराम आ तमी एदोम यो बाक्‍ब।

मीका 1:10

एको लोव़ गाथ सहरम मनेंपतीन। मिनु ङाक्‍सीन मङाक्‍कीन। बेथ-लेआफ्रामी इन पियाम फुरक फुंइसीन। २सामुएल १:२०

न्‍यायाधीस 11:34

मिनु येफ्‍ता आ खिं मिस्‍पामी लेम्‍माक्‍त। मिनु आ तमी खैजडी ताप्‍शा, सिल पना पन मेको कली ग्रुम्‍थ जाक्‍माक्‍त। मेको आ तमी का ला बाक्‍माक्‍त। अरु आल मबाक्‍मा बाक्‍त।

न्‍यायाधीस 14:19

मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु मेको अश्‍कलोन सहरमी लशा, मेकेर ३० जना मुर साइक्‍मी बाक्‍त। मिनु मेको आन के मार मार थोव़क नु वा पिश्‍शा, मेको लोव़ लेप्‍ब आन कली शुश क्‍येट लाइब फेक्‍तीक वा गेवा बाक्‍त। मिनु सिम्‍सोन गाइश्‍शा, आ आफ आ खिं लेम्‍माक्‍त।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।

१ सामुएल 18:6

दाऊदम पलिस्‍ती आन कली साइश्‍शा लेम्‍मेनु, इस्राएल ङा सहर नेल्‍ल ङा मीश मुर नेल्‍ल कोव़थ ग्रूमा बाक्‍त। सिल पाइब मीश मुरपुकी खैजडी ताप्‍शा, कुम्‍सो पना पन, सिल पना पन पिप सावल कली ग्रुम्‍थ जाक्‍मा बाक्‍त। न्‍यायाधीस ११:३४

१ सामुएल 31:4

मिनु मेकोम आ या कुरब कली “इ तरवार शोइश्‍शा आं कली साइय्‍यी। मिनु मेको ख्रोइक्‍तीक चिनु मख्रोइश्‍शोपुकीम आं कली शुक्‍शी पचा मतामेक्‍ल” देंमाक्‍त। तन्‍न मेको या कुरब हिंशा, मबिस्‍से बाक्‍त। मेको नोले सावलमी आ तरवार शोइश्‍शा आंमा थोक्‍सीशा बेक्‍माक्‍त। न्‍यायाधीस ९:५४

१ सामुएल 6:17

मिनु मेको पलिस्‍तीपुकीम मेको आन दोस आ पर्बम परमप्रभु यावे कली सोइश्‍शो सुन के कान मार कली बाक्‍मा बाक्‍त देंशा हना, अश्‍दोद कली का, गाजा कली का, अश्‍कलोन कली का, गाथ कली का नु एक्रोन कली का बाक्‍मा बाक्‍त।