२ सामुएल 1:2 - Sunuwar Bible

² मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।

२ सामुएल 1:2 ပူးပေါင်းရင်းမြစ်များ

उत्पत्ती 22:4

लमा लमा नाक्‍त सां नोले परमप्रभु आ देंशो बाक्‍तीके ङोन रे तवा बाक्‍त।

उत्पत्ती 37:29

मिनु रूबेनमी योसेफ प्रोंइचा कली मेको ढोडोङगा लशा कोव़ङानु, योसेफ कली मथित्‍थु, सुर्ता पा, आ वा खाक्‍गा बाक्‍त।

उत्पत्ती 37:34

मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।

उत्पत्ती 43:28

मिनु मेकोपुकीमी “इन गेय पाइब आंइ आफ मुल सम्‍म ब्रोंइशो नु रिम्‍शो बाक्‍ब” देंशा, आन पिया खुक्‍शा, सेउ पामे बाक्‍त। उत्‍पत्ती ३७:७,९

२ सामुएल 1:3

दाऊदम मेको कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी “गो इस्राएल ङा लडाइ पाइब आन बाक्‍तीके रे प्रोक्‍शा जाक्‍ती” देंमाक्‍त।

२ सामुएल 13:19

मिनु तामारमी आ पियाम पुलु फुंइसीशा, आ लाइश्‍शो वा खाक्‍गा बाक्‍त। मिनु आ पियाम गुइ वोइश्‍शा ठेयब सेंदा पा ङाक्‍ना ङाक्‍न ल‍माक्‍त।

२ सामुएल 14:4

मिनु तेकोहा सहर ङा मीश मुर पिप आ बाक्‍तीक जाक्‍शा, खप सम्‍म बाप्‍शा सेउ पवा बाक्‍त। मिनु ङाक्‍ना ङाक्‍न “पिप वारच पाइय्‍यीनी” देंमाक्‍त।

२ सामुएल 15:32

मिनु दाऊद परमप्रभु कली ठेयब सेल्‍तीक डांडा तार जाक्‍माक्‍त। मेना अरकी आ खिं ङा हुशाइ आ वा खाक्‍शा, आ पियाम खप फुंइसीशा दाऊद कली ग्रुम्‍थ जाक्‍माक्‍त। १राजा ३:२; यहोसु १६:२

२ सामुएल 24:20

मिनु अरौनाहम पिप नु आ मुर आन कली आ बाक्‍तीक गे पिशो तशा, पिप आ ङोंइती खुम्‍की पा बाप्‍शा सेउ पवा बाक्‍त।

२ सामुएल 4:10

‘सावल बेक्‍शो रिम्‍शो लोव़ बाक्‍ब’ दे मिम्‍शा आं कली देंब मुर कली गो ग्‍याइश्‍शा सिकलागमी साइक्‍ता। मेको आ लोव़ आ इनाम बाक्‍त। २सामुएल १:१५

एस्‍तर 4:16

“सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।

एस्‍तर 5:1

मिनु नाक्‍त सां नोले एस्‍तरमी पिपीम आ फेक्‍तीके फेक्‍साक्‍व। मोपा लशा, पिप आ दरवार आ लाङगाम बाक्‍शा, खिं गे कोव़शा, राप्‍त। मेना पिप आ खिंमी आ ठेयब नित्‍तीकेमी निश्‍शा, लाप्‍चो गे कोव़शा, बाक्‍शो बाक्‍त।

भजन संग्रह 66:3

मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।

इजीकीएल 27:30

मिनु मेकोपुकी इ पर्बम ठेयब सेंदा पा रोंका पा ङाक्‍नीम। आन पियाम फुरक फुंइसीनीम। मिनु पुलुम लोक्‍सीनीम।

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

योएल 2:13

गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६

मत्ती 12:40

योना नाक्‍त सां सम्‍म ङांइ आ कोव़जम बाक्‍शो खोदेंशो पा, रागीम जरमेशो यो नाक्‍त सां सम्‍म रागी आ कोव़जम बाक्‍ब। योना २:१; एफिसी ४:९; १पत्रुस ३:१९

मत्ती 16:21

मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९

यहोसु 7:6

मिनु यहोसु नु इस्राएल ङा खाल्‍पापुकीम सुर्ता पा आंम वा खाक्‍शा, पियामी फुरक फुइश्‍शा, परमप्रभु यावे आ कबल पशो सन्‍दोस आ नेक्‍था पोक्‍च थेक्‍शा, मेकेर नाक्‍दो सम्‍म बाक्‍तेक्‍म।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

१ सामुएल 20:41

मिनु मेको वोंइश आल लम नोले, दाऊद आ ख्रुइक्‍तीक फुल्‍लु आ नोले रे ग्रूशा, खेयप सां बाप्‍शा मान पवा बाक्‍त। मिनु मेको निक्‍शी पुक्‍पु पाइक्‍मुसा बाक्‍त। मिनु निम्‍फा ङाक्‍सा बाक्‍त। दाऊद योनाथन क्‍येङा शुश ङाक्‍माक्‍त।

१ सामुएल 25:23

मिनु अबीगेलमी दाऊद कली तशा, आ गधा रे फ्रु तोइश्‍शा, दाऊद आ ङोंइती बाम्‍माक्‍त।

१ सामुएल 4:12

मिनु मेको नाक्‍ती बेन्‍यामीन आ थर ङा मुर का लडाइ पतीक रे प्रोक्‍शा, खाक्‍शो वा फेक्‍सीशा, आ पियाम फुरक फुंइसीशा, दोरशा शिलोम जाक्‍माक्‍त।

१ सामुएल 4:16

मिनु मेको मुरुम मेको कली “गो लडाइ रे नक जाक्‍ती। गो लडाइ रे प्रोक्‍शा जाक्‍ती” देंमाक्‍त। मिनु एलीम “ए, आं तौ, मार दुम्‍मे” दे हिल्‍लो पवा बाक्‍त।