२ सामुएल 1:19 - Sunuwar Bible

¹⁹ “इस्राएल, इ छेङछेङ डांडाम साइक्‍चा पुंइसाक्‍म। सक्ति पाइश्‍शो मुरपुकी दोपा बेक्‍मा?

२ सामुएल 1:19 ပူးပေါင်းရင်းမြစ်များ

२ सामुएल 1:23

सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।

२ सामुएल 1:25

सक्ति पाइश्‍शो दोपा बेक्‍मा! मेको लडाइम बेक्‍तेक्‍म। योनाथन साइक्‍चा पुंइसीशा, डांडाम गोल्‍शो बाक्‍ब।

२ सामुएल 1:27

सक्ति पाइश्‍शो दोपा बेक्‍मा! मेको लडाइम आन या खतम दुम्‍तेक्‍म” दे कुम्‍सो पशो बाक्‍त।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 53:2

मेको आ ङोंइती बिरवा खोदेंशो पा कोल्‍त। सोव़शो खपीम शाक्‍श खोदेंशो पा कोल्‍‍त। मिनु मुरुम मेको कली कोव़चा थुं मपाम। मेको दारशो नु मान ताइब खोदेंशो काइ मतांइसीशो बाक्‍त। मेको मदारशो ममाल्‍चा ङा मुर खोदेंशो बाक्‍त। यसैया ११:१

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

बिलाप 5:16

सिरपेच आंइ पिया रे दोक्‍त। आबी, गो पाप पाइतक। येरमीया १३:१८

जकरिया 11:10

मिनु गो आं शिशी नें पाइश्‍शो कोक्‍के जिक्‍ता। मिनु गो मुर नु पशो कबल क्‍याम्‍ताक्‍ङ। जात जात नेल्‍ल ङा मुरपुकी नु फ्रेंशो कबल क्‍याम्‍ताक्‍ङ, दे मेको कोक्‍के जिक्‍ता।

जकरिया 11:7

मोपतीके क्‍योरचा चिक्‍शो भेडा लेयब आन पा ङा गो गोठला दुम्‍ती। गो कोक्‍के निक्‍शी ग्‍याइक्‍ताक्‍‍ङ। मिनु गो का कली शिशी पतीक नु अर्को कली थुं का दुम्‍तीक नें वोइक्‍ता। मिनु गो भेडा आन कली योव़तामी।

१ सामुएल 31:8

आ दीसा पलिस्‍तीपुकी बेक्‍शो आन मार मार रोइक्‍चा कली जाक्‍मा बाक्‍त। मिनु मेकोपुकीम गिल्‍बोआ डांडाम सावल नु आ तौपुकी बेक्‍शो थित्मे बाक्‍त।