२ सामुएल 1:10 - Sunuwar Bible

¹⁰ मोपतीके गो आ नेक्‍था लशा, मेको कली साइक्‍ता। मारदे हना मेको मब्रोंइब, दे गो तुइक्‍ताक्‍ङ। मिनु गो मेको आ पिया रे सिरपेच नु आ गुइ ङा पांइतीके, आं प्रभु, इन बाक्‍तीकेम चाक्‍ता” देंमाक्‍त।

२ सामुएल 1:10 ပူးပေါင်းရင်းမြစ်များ

२ सामुएल 1:16

दाऊदमी मेको कली “इ हुश इ पिया तार मोंइसेक्‍ल। मारदे हना गे ‘गो परमप्रभु यावे आ तेल लुक्‍शो कली साइक्‍ता’ देंते। इ शोव़मीन आंम इ कली दोसी सेल्‍साक्‍वे” देंमाक्‍त।

२ सामुएल 1:9

मिनु मेकोमी ‘आं नेक्‍था जाक्‍को। आं कली साइ‍य्‍‍यी। मारदे हना गो बेक्‍चा चिक्‍शो बाक्‍ती। आं सोक्‍त ला बाक्‍ब’ देंत।

२ सामुएल 12:30

मेकोमी मिल्‍कोम आ पिया रे सिरपेच प्रुदा बाक्‍त। मेको टलेन्ट का सुन के बाक्‍माक्‍त। मेको तारी हीरा का यो क्‍येप्‍शो बाक्‍माक्‍त। मेको दाऊद कली गुक्‍त्‍मे बाक्‍त। मेकोम सहर रे शुश मार मार यो रोइश्‍शा चाक्‍गा बाक्‍त। टलेन्‍ट का ३४ किलो खोइ बाक्‍ब।

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

बिलाप 5:16

सिरपेच आंइ पिया रे दोक्‍त। आबी, गो पाप पाइतक। येरमीया १३:१८

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।

न्‍यायाधीस 9:54

मिनु अबीमेलेकमी रीब पा आ या कुरब कली ब्रेश्‍शा “मुरपुकीमी ‘मीश मुर कामी मेको कली साइक्‍तु’ दे मदेंमल, दे रीब पा इ तरवार शोइश्‍शा, साइय्‍यी” दे मदा बाक्‍त। मिनु आ या कुरबमी तूदानु, अबीमेलेक बेक्‍माक्‍त। १सामुएल ३१:४; २सामुएल ११:२१

१ सामुएल 22:18

मोपतीके पिपम एदोम ङा दोएग कली “ए दोएग लशा चढ़ेब आन कली सतो” देंमाक्‍त। मिनु दोएग लशा, चढ़ेब आन कली सदा बाक्‍त। मिनु मेकोमी मेको नाक्‍ती ८५ जना निसाफ पतीक ऊरीम नु थुम्‍मीम बाक्‍शो झोला फेक्‍शो मुर आन कली साइक्‍मी बाक्‍त।