२ पत्रुस 3:9 - Sunuwar Bible

⁹ प्रभुम आ देंशो लोव़ ठीक पा पाइब। तन्‍न का निक्‍शी मुरपुकीमी “प्रभुम आ देंशो मपाइब। नोले ला जाक्‍ब” देंनीम। तन्‍न प्रभुमी “सुइ जाम्‍शा मलमल। आं गे लेम्‍मल” दे रिम्‍ब। हबकुक २:३; १तिमोथी २:४

२ पत्रुस 3:9 ပူးပေါင်းရင်းမြစ်များ

भजन संग्रह 77:8

मेको आ गेना हना यो दाक्‍तीक जाम्‍शो बाक्‍बा? मेको आ थोक्‍शा पशो लोव़ शोर गाक्‍शो दुम्‍शो बाक्‍बा?

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

प्रस्‍थान 18:23

गे आं देंशो पाप्‍तीवी हना, परमप्रभुमी यो इ कली मोदेंशो पचा गेब। गे मेको गेय फाल्‍ने चाप्‍नेवे। मिनु इ मुर नेल्‍ल दुशा गारशा, आंम आन बाक्‍तीके लाइनीम” दे यित्रोमी मोसा कली अर्ती गेप्‍तु।

प्रस्‍थान 32:32

मो हना यो गे मेको आन पाप क्‍याम्‍दीन, दे पुंइनुङ। मक्‍याम्‍ताक्‍नी हना, इन ब्रेक्‍शो किताब रे आं नें क्‍याम्‍दीने” दें‍त। भजन संग्रह ६९:२९; लूका १०:२०; रोमी ९:३

प्रस्‍थान 33:11

मिनु परमप्रभु यावे नु मोसा कोव़मुशा, लोव़ पाम्‍ताक्‍स। दोदेंशो पा मुर आन वारच नु बाक्‍शा, लोव़ पाइनीमी, मोदेंशो पा लोव़ पाम्‍ताक्‍स। मिनु मोसा लेश्‍शा, आ ताम्‍बुम लत। आ गेय पाइब ठिटा, नून आ तौ यहोसु चहिं ताम्‍बु उइ बाक्‍त। प्रस्‍थान ३३:२०; गन्‍ती १२:८; ब्‍यवस्‍था ३४:१०

प्रस्‍थान 34:6

मिनु परमप्रभु यावे मोसा आ नेक्‍था गाक्‍ना गाक्‍न “यावे, यावे, शिशी पाइब नु दाक्‍ब परमप्रभु बाक्‍ब। रीब पा मगाइक्‍ब। गेना हना यो शिशी पाइब नु आ दाक्‍चा मप्रोंइब बाक्‍ब। प्रस्‍थान ३३:१८-२६; गन्‍ती १४:१८; भजन संग्रह १०३:८; नहुम १:३; १यूहन्‍ना ४:१६

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५

यसैया 30:18

मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

इजीकीएल 33:11

मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३

दानीएल 4:29

मिनु १२ महिना नोले मेको पिप बेबीलोन आ दरवार आ कौसीमी हिरना हिरन बाक्‍शा,

हबकुक 2:3

मारदे हना इ त‍शो आं देंशो नाक्‍ती जाक्‍ब। मेको दीसा नित्‍थी मदुम्‍त हना यो, मेको कली रिम्‍शा बाक्‍को। मेको थमा पा दुम्‍ब। देश मपाइब। इजीकीएल १२:२३; २ पत्रुस ३:९

रोमी 13:11

आं देंशो टिशा रिम्‍शो पने। सेंसीशा बोक्‍शो खोदेंशो दुम्‍य। मारदे हना साइ थमा सुइक्‍ब दुम्‍शो नाक्‍त क्‍येङा मुल परमप्रभु यावे नु बाक्‍ची नाक्‍ती इ नेक्‍था जाक्‍त, दे तुइक्‍तय। १थिस्‍सलोनिकी ५:६-८; एफिसी ५:१४

रोमी 13:12

नाक्‍दो लाक्‍शा नां सोक्‍शा, छेङछेङम बाक्‍शो खोदेंशो दुम्‍शा, होस पा बाक्‍कीन। छिङछिङ ङा गेय ताइश्‍शा, छेङछेङ ङा या पिम्‍‍सीन। १यूहन्‍ना २:८; एफिसी ५:११

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

रोमी 9:22

परमप्रभु यावेमी आ गाइश्‍शो कोंइताक्‍व हना, मरिम्‍शो पाइब आन कली शुश फाल्‍शो बाक्‍त हना यो, नोले ला खतम दुम्‍पाइक्‍ब। रोमी २:४; हितोपदेस १६:४

१ तिमोथी 1:16

गो परमप्रभु यावे आ शिशी मारदे ताता देंशा हना, गो नेल्‍ल क्‍येङा मरिम्‍शो पाइब दुम्‍ती हना यो, येसु ख्रीस्‍त आ फाल्‍तीक सक्ति कोंइचा, दे शिशी ताता। मेको कोंइतीके नोले थमा सुइक्‍ब नु गेना हना यो, परमप्रभु यावे नु बाक्‍चा ताइब आन कली बाक्‍ब।

१ तिमोथी 2:4

परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९

हिब्रू 10:37

मार ब्रेक्‍शो बाक्‍ब देंशा हना, लोव़ कामी “ ‘गो जाक्‍नुङ’ देंबमी मजाक्‍थु मप्रोंइब, देश पा यो मबाक्‍ब।

१ पत्रुस 3:20

मेको सु बाक्‍तेक्‍म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्‍ना रिम्‍न बाक्‍शो बाक्‍त। तन्‍न परमप्रभु यावे कली काइ मटीब, नोआह आ पाला ङा बेक्‍शो मुर बाक्‍तेक्‍म। ८ जना मुर चहिं नोआह आ सेल्‍शो डोंगामी बाक्‍शा, ब्‍वाक्‍कु रे ब्रोंइचा ताम्‍तेक्‍म। उत्‍पत्ती ७:७; २पत्रुस २:५

२ पत्रुस 1:4

मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।

२ पत्रुस 3:15

प्रभु आ रिम्‍ना रिम्‍न बाक्‍तीके मुर आन कली पाप रे प्रोंइचा बाक्‍ब, दे मिम्‍तीन। इं दाक्‍शो लोक्‍ब पावलमी आं खोदेंशो पा, इन कली आ तशो तुइक्‍तीकेमी चिठी ब्रेक्‍ताक्‍व। रोमी २:४

प्रकाश 2:21

गोमी मेको कली ‘इ थुं आं गे लेत्‍तो। इ तेल्‍लेम पचा ताइक्‍तो’ दे रिम्‍ताक्‍ङ। मेकोमी आ थुं गो आं गे लेत्‍चा नु आ तेल्‍लेम पचा ताइक्‍ने मबीस।