२ पत्रुस 3:14 - Sunuwar Bible

¹⁴ आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

२ पत्रुस 3:14 ပူးပေါင်းရင်းမြစ်များ

मत्ती 24:26

मेकोपुकीमी ‘सुइ मबाक्‍तीके गोरशो रागीमी ख्रीस्‍त बाक्‍ब’ देंतेक्‍म हना, थमा सुइश्‍शा कोव़थ मलने। ‘खिं आगा ङा कोठामी ख्रीस्‍त बाक्‍ब’ देंतेक्‍म हना, थमा मसुतीन। लूका १७:२३-२४

मत्ती 25:7

मिनु छुल छाल बोक्‍शा, आन बत्ती का का पा जेत्‍नीम।

लूका 12:43

आ होव़प लेश्‍शा जाक्‍मेनु, आ गेय पाइबमी आ अरेशो गेय पना पन बाक्‍शो थित्‍तु हना, मेको गेय पाइब आसीक राइब दुम्‍ब।

लूका 2:29

“परमप्रभु, इन देंशो जाक्‍दीत्‍त। मुल इन वाइल थुं नाइश्‍शा बेक्‍ने चाप्‍‍ब।

१ कोरिन्‍थी 1:8

इं प्रभु येसु ख्रीस्‍त जाक्‍म नाक्‍ती आ ङोंइती ठीक दुम्‍शा, इन कली सक्ति पाइश्‍शो गेय पना पन थिप्‍ब, दे तुइक्‍ताक्‍ङ। मारदे हना इन कली नेल्‍ल क्‍येङा नोले सम्‍म थमा सुइक्‍चा मप्रोंइथु रिम्‍शा बाक्‍तीक सक्ति गेब। फिलिप्‍पी १:६; १थिस्‍सलोनिकी ३:१३

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

फिलिप्‍पी 1:10

मोपा गे नेल्‍ल क्‍येङा रिम्‍शो मार में, दे तुइश्‍शा, ख्रीस्‍त आ नाक्‍ती पाप मपाइब नु दोस मताइब दुम्‍नीनी। रोमी १२:२; एफिसी ५:१०; १थिस्‍सलोनिकी ५:२३

फिलिप्‍पी 2:15

मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९

फिलिप्‍पी 3:20

तन्‍न इं बाक्‍तीक स्‍वर्गम बाक्‍ब। मारदे हना गो स्‍वर्ग ङा मुर नय। मेकेर रे इं पाप रे प्रोंइब प्रभु येसु ख्रीस्‍त जाक्‍ब, दे रिम्‍नय। एफिसी २:६; कलस्‍सी ३:१; हिब्रू १२:२२; तीतस २:१३

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

१ तिमोथी 6:14

मार अरेनुङ देंशा हना, इं प्रभु येसु ख्रीस्‍त मजाक्‍म सम्‍म गे मेको आ शेंशो लोव़ मखाल्‍थु शेंदीमी। मिनु सुइमी दोस गेचा मतामेक्‍ल।

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

२ पत्रुस 3:1

आं दाक्‍शो लोक्‍बपुकी, गो इन कली चिठी निक्‍शी ब्रेक्‍ताक्‍ङ। गो एको चिठी निक्‍शीमी इन थुंमी मिम्‍पाइश्‍शा फ्रुक्‍पाइक्‍ता। २पत्रुस १:१३

२ पत्रुस 3:16

मेको आ पर्बम आ चिठी नेल्‍लेमी लोव़ पाइब। पावल आ ब्रेक्‍शो लोव़ का निक्‍शी रुप्‍चा कली श्‍येत बाक्‍ब। मजोक्‍ब नु थमा मसुइक्‍ब मुरपुकीमी मेको दूली शेंनीम। परमप्रभु यावे आ ब्रेक्‍पाइश्‍शो अरु लोव़ यो दूली शेंनीम। मोपा आंमा जाम्‍शा लाइब दुम्‍नीम।

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।