२ पत्रुस 2:9 - Sunuwar Bible

⁹ परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३

२ पत्रुस 2:9 ပူးပေါင်းရင်းမြစ်များ

अय्‍युब 21:30

शुश हिंचा ङा श्‍येत दुम्‍मेनु, परमप्रभु यावे आ अरेशो मटीबपुकी ब्रोंइचा ताइनीम। मिनु परमप्रभु आ गाइक्‍ची नाक्‍त मेकोपुकी प्रोंइचा पुंइसीनीम।

अय्‍युब 5:19

मेकोमी इन कली ६ खेयप श्‍येत दुम्‍त हना यो, प्रोंइब। ७ खेयप ङा श्‍येतमी इन कली मथी‍ब। भजन संग्रह ३७:२४; हितोपदेस २४:१६

भजन संग्रह 12:1

परमप्रभु यावे, वारच पाइक्‍की। इन लां खोइक्‍ब जाम्‍शा लाम्‍तेक्‍म। मुर आन दातेमी इन कली थमा सुइक्‍बपुकी यो मबाक्‍नीम।

भजन संग्रह 32:6

मोपतीके इन कली टीब मुर नेल्‍लेम श्‍येत जशा, इन कली लोव़ पाइनीम। मिनु ब्‍वाक्‍कु बारशा जाक्‍त हना यो, मेको आन बाक्‍तीके मजाक्‍दीप्‍ब।

भजन संग्रह 37:33

तन्‍न परमप्रभु यावेमी ठीक पाइब आन कली मेको आन गुइम दुम्‍चा मगेब। ठीक पाइब आन निसाफ दुम्‍मेनु, दोस मताइब दुम्‍पाइक्‍ब।

भजन संग्रह 4:3

परमप्रभु यावेमी आ कली टीब आन कली आ नेक्‍था वोइक्‍चा कली योव़शो बाक्‍त, दे तुइक्‍तीन। मिनु परमप्रभु यावेमी आं पुंइशो लोव़ नेंब।

हितोपदेस 12:13

मरिम्‍शो पाइब मुर आंम मरिम्‍शो लोव़मी ग्‍याइक्‍चा पुंइसीनीम। तन्‍न ठीक पाइब मुर श्‍येत रे ब्रोंइचा ताइनीम।

हितोपदेस 16:4

परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२

मत्ती 10:15

नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

१ कोरिन्‍थी 10:13

मुल सम्‍म गे फाल्‍ने मचाप्‍चा ङा पा थुं नाक्‍‍चा मपुंइसीनी। परमप्रभु यावे थमा सुइक्‍चा माल्‍शो बाक्‍ब। इन फाल्‍ने चाप्‍तीक सक्ति कोव़शा, इन फाल्‍ने मचाप्‍चा ङा पा थुं थाम्‍चा मगेब। तन्‍न गेप्‍तु हना यो, इन फाल्‍ने चाप्‍तीक सक्ति बारपाइक्‍ब दे तुइक्‍तीने। भजन संग्रह ६८:२०; २पत्रुस २:९

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

२ पत्रुस 2:4

का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

यहूदा 1:6

परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४

प्रकाश 3:10

मिनु गे शुश श्‍येत फाल्‍शा, आं देंशो लोव़ मप्रोंइनी। मोपतीके रागी नेल्‍ल ङा मुर आन थुं थाम्‍चा कली जाक्‍शो श्‍येत रे प्रोंइनन्‍नी। प्रकाश १४:१२; मत्ती ६:१३

१ सामुएल 29:10

मोपतीके दीसा सुनी कना बोक्‍शा, गे नु इ नोले खोइक्‍ब मुरपुकी आं गेशो सहरम लेतीन। दीसा सुनी कना बोक्‍कीन। मिनु नां सोव़म चोटीन लने” देंमाक्‍त।