२ पत्रुस 2:1 - Sunuwar Bible

¹ साइ ङोंइती परमप्रभु यावे आ लोव़ जोल पा दूली शेंबपुकी बाक्‍मा बाक्‍त। मुल मोदेंशो जोल पा शेंबपुकी इन ग्रुम्‍तीक खिंमी यो जाक्‍नीमी। मेकोपुकीमी ख्रुइश्‍शोमी खतम सेल्‍ब शेंतीके शेंनीमी। प्रभुमी मेको आन कली ग्‍याप्‍शा यो, मेकोपुकी “गो मेको कली मतुइक्‍नुङ” दे जाम्‍शा लाइब बाक्‍नीम। मत्ती २४:११; १तिमोथी ४:१

२ पत्रुस 2:1 ပူးပေါင်းရင်းမြစ်များ

१ राजा 22:6

मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।

प्रस्‍थान 15:16

परमप्रभु यावे, इजीप्‍त रागी रे इन ग्रुंइशो मुरपुकी मजाक्‍दीम्‍मा सम्‍म मेको आन जोरी सत्रु इन सक्ति ङा गेय तशा, हिंशा फुल्‍लु खोदेंशो पा सिक्‍सी पा बाक्‍तेक्‍म। मोपा हिंशा मेको आन थुं लुक्‍च लत।

यसैया 9:15

खाल्‍पा नु हुकुम पाइबपुकी पिया नम। जोल पा परमप्रभु यावे आ लोव़ पाइबपुकी चहिं मीलु नम।

येरमीया 29:21

मुर नेल्‍ल आन परमप्रभु यावे, इस्राएली आन परमप्रभुमी “कोलायाह आ तौ आहाब नु मासेयाह आ तौ सिदकीयाहम आं नेंमी जोल पाम्‍ताक्‍स। ‘गो मेको आस कली बेबीलोन ङा पिप नेबुकदरेसर आ गुइमी गेनुङसी। मिनु मेकोमी इन ङोंइती मेको आस कली साइक्‍ब।

येरमीया 37:19

इन कली नु एको रागी कली लडाइ तोचा कली बेबीलोन ङा पिप मजाक्‍ब, दे इन कली देंब, परमप्रभु यावे आ लोव़ पाइबपुकी ते बाक्‍मा?

येरमीया 6:13

परमप्रभु यावेमी “नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम दुम्‍शो बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ८:१०-१२; इजीकीएल १३:१०-१६; १थिस्‍सलोनिकी ५:३

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

होसे 9:8

परमप्रभु यावेमी आ लोव़ पाइब कली एफ्राइम कली कोव़ब सेल्‍तु। मेको आ लां नेल्‍लेमी चिक्‍ब रेत्‍तीक ब्‍वारद खोदेंशो बाक्‍नीम। आ परमप्रभु आ खिंमी यो मेको कली काइ मदाक्‍नीम।

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मीका 3:5

मिनु परमप्रभु यावेमी आ लोव़ पाइब आन पर्बम मार देंत देंशा हना “सुम आं मुर आन कली दूली लांम गाक्‍पाइक्‍बा? आं लोव़ पाइबपुकीमी, सुमी मेको आन कली जचा गेमेनु ‘रिम्‍शो दुम्‍ब’ देंनीम। तन्‍न मेको आन कली जचा मगेमेनु, मेको आन कली लडाइ तोचा कली ठीक दुम्‍नीम।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 10:33

सुमी चहिं मुर आन कली ‘येसु सु में? मतुइक्‍नुङ’ देंबा, गो यो स्‍वर्गम बाक्‍ब आं आफ कली ‘मेको कली मतुइक्‍नुङ’ दें‍नुङ। मर्कूस ८:३८; लूका ९:२६; २तिमोथी २:१२

मत्ती 24:11

परमप्रभु यावे आ लोव़ दूली शेंबपुकी शुश बोक्‍शा, दूली पा शेंशा, शुश मुर आन थुं क्‍यशा गेनीम। मिनु परमप्रभु यावे आ राज्‍य ङा लां प्रोंइपाइक्‍नीम। २पत्रुस २:१; १यूहन्‍ना ४:१

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 24:5

मारदे हना शुश मुरपुकीमी आं नें ब्रशा ‘गो ख्रीस्‍त नङ’ देंशा, मुर आन थुं क्‍यानीम। यूहन्‍ना ५:४३; १यूहन्‍ना २:१८

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

मर्कूस 13:22

शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय पा कोंइनीम। मेकोपुकीमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम।

लूका 12:9

सुमी चहिं मुर आन कली ‘येसु सु बाक्‍मे? मतुइक्‍नुङ’ देंबा, मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको कली मतुइक्‍नुङ’ देंब। लूका ९:२६; १सामुएल २:३०

लूका 21:8

मिनु येसुमी “सुइमी इन थुं मक्‍याल्‍मेक्‍ल, दे होस पा बाक्‍कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्‍त नेक्‍था जाक्‍शो बाक्‍ब’ दे शेंनीम। मो देंब आन लोव़ थमा मसुइक्‍थु, आन नोले मखोतीन।

लूका 6:26

मुल मुरपुकी रे पा मान पाइक्‍चा पुंइसीशोपुकी, हिनीन। मारदे हना इन किकी पिपीमी यो जोल पा परमप्रभु यावे आ लोव़ पाइब आन कली मो पाइक्‍बाक्‍तेक्‍म” देंत।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

१ कोरिन्‍थी 11:19

एर ओंथ ब्रा‍शा बाक्‍चा चहिं दुम्‍चा माल्‍ब। मारदे हना लोव़ रुप्‍ब नु मरुप्‍बपुकी दिल्‍नीम। मत्ती १८:७; १यूहन्‍ना २:१९

१ कोरिन्‍थी 6:20

गे ग्‍याप्‍शो मुर बाक्‍नीनी। मोपतीके इन रांमी परमप्रभु यावे कली ठेयब सेलीने। १कोरिन्‍थी ७:२३; १पत्रुस १:१८-१९; फिलिप्‍पी १:२८

१ कोरिन्‍थी 7:23

गे थाप्‍शा, प्रोंइचा पुंइसीशो बाक्‍नीनी। मुल मुर आन वाइलीम वाइल मदुमीन। १कोरिन्‍थी ६:२०

गलाती 2:4

तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

गलाती 4:17

नेनीने, दूली शेंबपुकीमी इन कली मिलो शिलो पा, येसु आ लां खोइक्‍चा प्रोंइपाइक्‍चा माल्‍नीम। मेकोपुकीमी इन कली मान पखु पा, आंम आन कली मान पपांइसीनीम। गलाती १:७

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

एफिसी 1:7

मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

ब्‍यवस्‍था 32:6

मूर्ख नु निप्‍स मपाइश्‍शो मुरपुकी, मार, गे परमप्रभु यावे कली क्‍येक्‍क लेत्‍नीनी? मार, इन कली सेल्‍ब इन आफ मेको ममाइ ङा? मेको इन कली सेल्‍ब नु वोइक्‍ब बाक्‍ब।

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

कलस्‍सी 2:18

सुइमी इन कली “मतुइक्‍ब मुर ननी” देंचा मगेने। मेकोपुकीमी आंम मिम्‍शो प‍शो बाक्‍नीम, स्‍वर्ग ङा गेय पाइब आन कली सेउ पचा माल्‍नीनी, दे शेंनीमी। “गो ङोमु खोदेंशो पा ततीके तुइक्‍ताक्‍क” देंनीमी। मेको मुरपुकी मो ठेयब लेश्‍शा बाक्‍शा, आन मिम्‍शो ला शेंनीम।

कलस्‍सी 2:8

मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्‍तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्‍ब, ख्रीस्‍त के ममाइ।

१ तिमोथी 5:8

सुमी आ खिं ङा मुर आन कली मकोव़बा, मेको आ थमा सुइक्‍तीके जाम्‍शा लशा, थमा मसुइक्‍ब आन क्‍येङा यो मरिम्‍शो दुम्‍ब। मत्ती १५:५-६

२ तिमोथी 4:3

मारदे हना इच्‍का नोले थमा शेंतीक नेंचा काइ मदाक्‍नीम। आंम दला दाक्‍स पा अर्को लोव़ कली नोफा दाइश्‍शा, आंम कली शेंबपुकी तेल्‍‍नीम। १तोमोथी ४:-

तीतस 1:11

मोदेंशो मुर आन कली ब्‍वालेइ पपाइक्‍चा माल्‍नीम। मारदे हना खिं खिं ङा मुर नेल्‍ल आन कली जिपाइक्‍नीमी। मिनु क्‍येट चेम्‍चा कली शेंनीमी।

तीतस 3:10

गे मोदेंशो दूली शेंब आन कली खेयप निक्‍शी सम्‍म लोव़ पावो। मेकोम मटिप्‍तु हना, मेको रे ङोन बाक्‍को। २यूहन्‍ना १०; मत्ती १८:१५-१७

हिब्रू 10:29

मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

१ यूहन्‍ना 2:26

मुर का निक्‍शीमी इन कली दूली शेंनीमी। मोपतीके गो इन कली एको लोव़ ब्रेक्‍ताक्‍ङ।

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

यहूदा 1:18

मेकोपुकीमी इन कली “मेको नोले ङा नाक्‍त शुक्‍शी लोव़ पाइनीम। परमप्रभु यावे कली मटिथु, आंम दला दाक्‍स पाइनीम” देंतेक्‍म। १तिमोथी ४:१; २पत्रुस ३:३

यहूदा 1:4

तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 2:13

“इन बाक्‍तीक सहरम सैतान आ नित्‍तीके बाक्‍ब, दे गो तुइक्‍नुङ। गेपुकीमी ‘गो येसु ख्रीस्‍त आ मुर नकी’ दे आं कली थमा सुइक्‍चा मप्रोंइनी। मिनु इन सहरम सैतान आ नित्‍तीके बाक्‍मेनु, अन्‍टीपास माइश्‍शो आं कली मप्रोंइथु, थमा सुइक्‍ब नु आं लोव़ शेंब बाक्‍त। मिनु मुरुमी मेको कली सैतान आ बाक्‍तीकेमी बाक्‍शा, साइक्‍तेक्‍म हना यो, गे आं कली थमा सुइक्‍चा मप्रोंइनी।

प्रकाश 2:9

मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९

प्रकाश 3:8

मेकोमी “गो इन पशो गेय तुइक्‍नुङ। गे इन सक्ति आइक्‍च बाक्‍त हना यो, आं देंशो टीतीनी। मिनु गेपुकीमी ‘येसु ख्रीस्‍त कली मतुइक्‍नुङ’ दे गेनायो मदेंनी। मोपतीके गो इन कली लाप्‍चो रोक्‍शा वोइक्‍ता। मेको सुइमी चोक्‍ने मचाप्‍नीम।

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।